اعرف كل حاجة عن معرض القاهرة للكتاب 2017 - فن وثقافة Feature - كايرو 360
 







اعرف كل حاجة عن معرض القاهرة للكتاب 2017
اعرف كل حاجة عن معرض القاهرة للكتاب 2017
اصدرت في: 21/10/2016

لسه فاضل حوالي شهرين على معرض الكتاب، لكن لازم تستعد من النهارده، توفر شوية فلوس تجيب بهم كتب، كايرو 360 هتقول لكم في المقال ده شوية معلومات مهمة عن المعرض.

دورة المعرض الجديدة هتكون الـ 48، والميعاد هيكون في الفترة من 27 يناير وحتى 10 فبراير 2017، في منطقة أرض المعارض الدولية، بمدينة نصر.

شعار المعرض هيكون "الشباب وثقافة المستقبل"، وهيكون فيه اهتمام كبير بأدب الشباب. وطبعًا هيتعمل ندوات كثيرة لمؤلفين شباب من مصر والعالم العربي، وتم اختيار الشاعر المصري الراحل صلاح عبد الصبور علشان يكون شخصية المعرض. والمغرب هتكون هي ضيف شرف الدورة الـ48 لمعرض الكتاب.

المعرض هيشهد ندوات مهمة عن شخصيات مصرية راحلة زي العالم المصري الراحل الدكتور أحمد زويل، والشيخ علي عبد الرازق، سلامة موسى، سهير القلماوي، لويس عوض، صلاح جاهين، وغيرهم.

ننصحكم من النهارده تبدأوا في توفير مبلغ شهري هيساعدكم على شراء الكتب اللي نفسكم فيها، ويا ريت كل واحد يجيب مذكرة صغيرة ويبدأ يكتب فيها اسماء الكتب اللي هو محتاجها.

وكايرو 360 هتكون معكم لحظة بلحظة أيام المعرض هننشر لكم نصائح لشراء كتب، وهنقول لكم على كواليس المعرض وافضل وأرخص الأماكن اللي ممكن تشتري منها كتب.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
21/10/2016
-