ميت فول: منبر جديد لمجتمع الفنون الأدائية في مصر - فن وثقافة Feature - كايرو 360
 







ميت فول: منبر جديد لمجتمع الفنون الأدائية في مصر
ميت فول: منبر جديد لمجتمع الفنون الأدائية في مصر
اصدرت في: 17/07/2011

الأشهر الماضية أثبتت أهمية مجتمع الإنترنت في إبقاء الناس على اتصال مش فقط حول العالم؛ لكن في مجتمعهم المحلي كمان، قطاع الفن المصري حاليًا له نقطة لقاء خاصة على الإنترنت لتشجيع فنون الأداء ولتوصيلهم ببعضهم البعض، ومع جمهورهم كمان.

ميت فول دوت نت هو بنات أفكار خريجة المسرح ندى ثابت اللي فكرت في فكرة المنصة لمّا كانت بـ تشتغل على موقعها الخاص واكتشفت أن كل شخص كلمته في قطاع فنون الأداء المصري بـ يقابل نفس المشاكل مع التصميم ومتابعة مواقعهم الخاصة.

وفي حوارها مع كايرو 360 ندى ثابت قالت أنها اكتشفت أن فيه حاجة مُلحة في المجتمع لوجود مساحة حرة على الإنترنت يقدر فيها الفنانين أنهم يرفعوا أعمالهم ويبقى لهم تواجد على الشبكة العنكبوتية.

رغم أنه مجتمع صغير شوية، لكن كثير من أعضاء قطاع فنون الأداء في مصر ما يعرفوش بعضهم، على حسب كلام ندى ثابت، مع بدء العديد من المبادرات لفنون الأداء، لكن كان واضح أنه لازم تنشأ نقطة لقاء يقدر فيها فنانين الأداء يتصلوا ببعضهم ويوصلوا للمبادرات دي.

ندى شرحت وقالت أن الحاجة لنقطة اللقاء دي كانت دائمًا موجودة، وأن الناس محتاجة تحط أعمالها على الإنترنت ويتصلوا مع جمهور أوسع ومحترفين ثانيين في مجال الفنون الأدائية.

رغم أن ندى ثابت بدأت في العمل على المشروع قبل الثورة المصرية بكثير، لكنها شايفة أن الناس دلوقتي ما بقتش مقلقة قوي من عالم الإنترنت، ومهتمين بالمبادرة من بعد ثورة 25 يناير.

القاهريين كمان مقتنعين أن قطاع الفن متمركز كليًا في القاهرة، وده غير صحيح. ميت فول بـ يهدف أنه يوصل أحداث ومجتمعات الفنون في محافظات مصر الثانية مع القاهرة علشان يعطيهم الدعم.

«ميت فول» مش مقتصر فقط على مجتمع فن الأداء المصري؛ ده كمان بـ يهدف أنه يشمل منطقة البحر الأبيض المتوسط كلها، لأن زي ما ندى بـ تقول فيه حاجة للعرض المناسب وللناس أنها تلاقي بعضها ويشتغلوا مع بعض.

ندى ثابت تعاونت مع الشركة المحلية (مجموعة البيئة والتنمية) على المشروع ده، وعملت ضمان من مفوضية الاتحاد الأوربي بالقاهرة، أنطونيو كريا مستشار وزير مفوضية الاتحاد الأوربي كان بـ يتكلم يوم إطلاق الموقع في مركز درب 17 18 يوم 6 يوليو كرر التعبير عن تحمس مفوضية الاتحاد الأوربي لموقع «ميت فول». وعلى حسب ما قال أن المشروع ده كان ينفع يتطبق قبل الثورة، ودلوقتي بقى ينفع يتطبق أكثر وأكثر بعد الثورة.

يوم احتفالية إطلاق الموقع تضمن عروض مرتجلة للراقصة المعاصرة شيماء شكري، وفنان الجرافيك جنزير، ومحرك العرائس أحمد عبد النعيم، والمهرج علي صبحي.

وعن الحدث، قالت ندى ثابت أنهم ما كانوش مهتمين بالعروض في الحدث ده، لكنهم كانوا عايزين يعرضوا إيه الموجود من المواهب هنا.

الاسم «ميت فول» ممكن يتفسر بطرق متعددة، لكن حسب ما ندى ثابت قالت أن "ميت" هي كلمة فرعونية تطلق على مجتمع صغير (زي ميت عقبة مثلاً) و"فول" بـ تعبر عن المسرحيين المهرجين في عالم الأداء زي البلياتشو، والمتحذلقين، وكان من المهم لندى أنها تحط الحرفين "ph" في الاسم علشان يمثلوا الـ performance hub (بمعنى محور الأداء).

الهدف من «ميت فول» هو وصل أعضاء قطاع الفن الأدائي عبر القارات وتقديم بيئة آمنة لمشاركة أعمالهم وللتعاون في الأنشطة القادمة. من الممكن رفع المدونات الإلكترونية، الفيديوهات، والكتب الإلكترونية على الموقع ويتم بعدها تقييمها والتعليق عليها من القراء.

بجانب الإعلان عن أعمالهم والأحداث القادمة هـ يقدر الأعضاء بعد كده يبيعوا تذاكر، سلع، وموارد ثانية زي المزيكا، الكتب الإلكترونية، وأدوات العمل من خلال «ميت فول دوت نت».

وكمام خدمة الـ RSS من نشرات الفن المتعددة، المواقع، المدونات الإلكترونية، والجرائد اليومية هـ تخلّي مجتمع الفنون دائمًا فى حالة تحديث مع بث ثابت للمعلومات عن تطورات القطاع.

ندى ثابت قالت أنها بـ تتمنى أن نقطة الاتصال دي في يوم من الأيام تقدر تقف على رجلها ويبقى لها كيان مستقل. ولو أن كل شيء سار حسب ما هو مُخطط له «ميت فول» ممكن جدًا تبقى نقطة الاتصال بين مواهب فن الأداء في المنطقة علشان يتواصلوا مع بعض لمجتمع أغنى ومتخصص أكثر.

مزيد من الصور
  • ميت فول: منبر جديد لمجتمع الفنون الأدائية في مصر
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
17/07/2011
-