ذا فاشون ستوديو: اعرف شكل موضة الأزياء المستقبلية فى القاهرة - فن وثقافة Feature - كايرو 360
 







ذا فاشون ستوديو: اعرف شكل موضة الأزياء المستقبلية فى القاهرة
ذا فاشون ستوديو: اعرف شكل موضة الأزياء المستقبلية فى القاهرة
اصدرت في: 18/08/2012

طويلة، شقراء، وذات إحساس فريد بالموضة، ده وصفنا لبثينة الكحال اللى نقدر نقول أنها حرفيًا أدهشت القاهرة بأكملها. هى معروفة أكثر باسم بثينة II، هي ابنة الممثلة السورية رغدة، لكنها أثبتت أنها أكثر من وجه جميل، لأنها مغنية وممثلة ومصممة أزياء معتمدة وكمان تقدر تضيف سيدة أعمال لسيرتها الذاتية.

رغم أن المشهد الفنى فى القاهرة مرتبط بثقافتنا الشعبية، لكن لوقت قريب كان دراسة الفن أو التصميم بـ يعتبر قليل الأهمية وتضييع للوقت. ولكن من كام سنة، ظهر سلوك جديد، وهو أن فيه ناس بدأت تفهم أهمية التعبير الإبداعى، وقد إيه عملية الإبداع مفيدة، والأهم من كده، هو إدراك قيمة تربية القدرات الفنية. رغم كده، السلوك ده هو فقط نقطة بداية، لأن التطبيق العملى للنظرية هو المهم وده اللى عملته بثينة أول ما أسست "ذا فاشون ستوديو".

وعلشان تشرح لنا المبادرة اللى بدأتها السنة دى قالت بثينة: "ذا فاشون ستوديو" اتولد بسبب نقص الخدمات ذات الجودة العالية والتعليم فى مصر فى المجالات الإبداعية، خصوصًا فى مجال تصميم الأزياء". وبعد ما درست تصميم الأزياء فى معهد مارانجونى الموجود فى لندن، بنت الخمسة وعشرين سنة جاء لها فكرة أنها تشارك بتعليمها وخبرة شغلها فى المجال ده مع الناس اللى بـ يحاولوا يتعلموا الموضوع فى مصر. وكملت بثينة كلامها وقالت: "أنا شايفة أنها فرصة لمساعدة جيل جديد من المبدعين الموهوبين".

صحيح أن فيه دروس لتعليم تصميم الأزياء فى مصر، لكن كثير من الناس وجدوا أن محتواها ضعيف والتجربة على بعضها غير مفيدة. ومع تقديمهم ورش عمل فى تصميم الملابس، والرسم والتصوير مع حاجات ثانية، "ذا فاشون ستوديو" هدفه الأساسى تنمية المواهب الموجودة. وقالت بثينة "التدريس فى ورش العمل قليل، الأكثر بـ يكون التركيز على الإرشاد". وعلشان بـ تجيب متخصصين فى مجالاتهم بـ تأكد أن هدفها هو تعليم الطالب مش بس المفروض يعمل إيه، لكن الأهم عندها أنه يتعلم ما يعملش إيه.

ورش العمل مصممة علشان تغطى كل المجالات المرتبطة بالموضوع، مثلاً تصميم الأزياء مقسم لنظرى وعملى. الأول بـ يتكلم عن تاريخ تصميم الأزياء وتعاليمه على مصممين وماركات معروفة، وكمان دراسة فن الموضة. القسم العملى بـ يتضمن عمل أفكار لتصميمات mood boards، وتعلم فن البحث، وتجهيز أزياء المشاهير والتعرف على ستايلاتهم، وعمل كتالوجات فيها صور عارضين وملف لأعمالك الفنية. ورغم أن المواضيع مختلفة، لكن كل ورش العمل منظمة على شكل قالب متجانس.

جاليرى «أميوز – Amuse» الموجود فى الزمالك بـ يستضيف أنشطة ذا فاشون ستوديو باستخدام المساحة الموجودة فى الدور الثانى من الجاليرى، بثينة شدّها المكان قوى علشان جودته الملهمة والشبه بينه وبين شكل الستوديو اللى هى تخيلته. أميوز نفسه عبارة عن مكان مشرق، أسقفه عالية ومساحته واسعة وفيه تشكيلة متميزة من الملابس إضافة لمستلزمات منزلية، وده جعل من أميوز اختيار منطقى.

ذا فاشون ستوديو مش مقيد بغرف تدريس مقفولة لكنه بـ يوسع أفقه فى اتجاهات كثير. هم بـ يتبعوا سياسة الأماكن المفتوحة، والفكرة دى عجبت بثينة لأنها اكتشفت بسببها مواهب متميزة لأن المكان مفتوح بدون قيود. ومن خلال علاقاتهم داخل وخارج مصر، قدروا أنهم يساعدوا طلاب كانوا بـ يدرسوا عندهم أنهم يشتغلوا فى مشروعات، وكمان تلاميذ ثانيين اشتغلوا معاهم بوظيفة ثابتة، وزى ما بثينة قالت ببساطة: " العلاقة بيننا ممتدة حتى بعد انتهاء الورش".

مؤخرًا هما بـ يعملوا جلسة تصوير لموقع Greater than Fashion، وكمان لـ Hebz Boutique وللمصممة أمينة خليل، نقدر نقول أن ذا فاشون ستوديو بـ يتوسع. "إحنا عاوزين نساعد شركات مبدعة وغير تقليدية" زي ما بـ تقول بثينة، ودلوقتى هى بـ تحضر لافتتاح وكالة بـ تقدم تصوير، وتصميم مواقع وصور، وكمان خدمات الفيديو والكتابة. ونظرًا للصعوبات المالية اللى بـ يقابلها المستثمرين الصغيرين، بعض الخدمات زى إنشاء المواقع الإلكترونية هـ تُقدم بسعر معقول وفى نفس الوقت شكله لطيف.

تقدر تحس أن المشروع فيه حاجة مغرية وتقدر تزور صفحتهم على الفيسبوك علشان تفهم ليه. ذا فاشون ستوديو بـ يدخل فكر جديد لصناعة الأزياء الموجودة وبكده القاهرة تقدر تشوف نوع مختلف من الابتكار الفنى ومجال جديد للتجريب.

بثينة علقت بفخر وقالت: "الموضة لها لغتها الخاصة وإحنا بـ نتكلمها ببراعة فى الستوديو". المكان مليان ألوان، وقصاقيص قماش، وملابس، ولوحات عليها أفكار تصميمات، وهو ده بالضبط تخيلنا لشكل فاشون ستوديو.

ورش العمل فى "ذا فاشون ستوديو" مدتها شهر واحد وعدد الحصص أربع أو ثماني حصص، بأسعار تتراوح بين 800 و2500 جنيه. لمزيد من المعلومات ادخل على موقعهم الرسمى.

مزيد من الصور
  • ذا فاشون ستوديو: اعرف شكل موضة الأزياء المستقبلية فى القاهرة
  • ذا فاشون ستوديو: اعرف شكل موضة الأزياء المستقبلية فى القاهرة
  • ذا فاشون ستوديو: اعرف شكل موضة الأزياء المستقبلية فى القاهرة
  • ذا فاشون ستوديو: اعرف شكل موضة الأزياء المستقبلية فى القاهرة
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
تانيا الكاشف
حرر بواسطة:
تانيا الكاشف
تاريخ النشر:
18/08/2012
مساعد رئيس تحرير الموقع الإنجليزي، بـ تعشق الأكل لدرجة أنها بـ تخطف اللى تشوفه على مكاتب الناس، بـ تحب "باتريك" نجم البحر، كتابتها في الصميم وكلامها مش متذوق.