دليل كايرو 360 لمهرجان القلعة الثانى والعشرون للموسيقى والغناء - فن وثقافة Feature - كايرو 360
 







دليل كايرو 360 لمهرجان القلعة الثانى والعشرون للموسيقى والغناء
دليل كايرو 360 لمهرجان القلعة الثانى والعشرون للموسيقى والغناء
اصدرت في: 02/09/2012

بداية من يوم 29 أغسطس الماضي وحتى 5 سبتمبر يطل علينا مهرجان القلعة للموسيقى في دورته الـ22، وهو واحد من أقدم وأهم المهرجانات المنتظرة كل سنة. المهرجان بـ تقدمه دار الأوبرا المصرية، وبـ يقام فى قلعة صلاح الدين الأيوبى وكمان فى المسرح المكشوف فى دار الأوبرا المصرية. المهرجان بـ يقدم مجموعة متنوعة من المواهب الموسيقية المصرية، وتم وضع تصميمه ورؤيته بغرض جذب جمهور من كل الفئات بدون تمييز أو تفرقة، وبهدف نشر الفن والموسيقى للناس اللى صعب يوصلوا أو يحصلوا على فرصة. من الآخر، ده مهرجان من مصريين لكل المصريين.

من بدايته فى الثمانينيات، مهرجان الموسيقى كان بـ يستضيف فنانين محليين وأجانب علشان يقدموا أشكال موسيقية متنوعة، من موسيقى الجاز إلى الموسيقى الشرقى. رغم كده، فى السنين الأخيرة حصل تركيز على أن الموسيقى والمواهب المقدمة تبقى محلية أكثر، وفى المقام الأول على العالم العربى، وعادة أغلب المشتركين فى المهرجان بـ يبقوا مصريين.

فى الليلة الافتتاحية، وكعادة المهرجان أوركسترا القاهرة الاحتفالى قصت شريط الافتتاح. تحت قيادة المايسترو طارق مهران، الأوركسترا قدمت مقطوعات موسيقية من الأوبرا العالمية زى "شبح الأوبرا" Phantom of the Opera، وبوهيميا La Bohème وأوبرا البؤساء Les Misérables، وكمان تم تكريم الأسماء الكبيرة فى عالم الأوبرا زى بافاروتى وأندريا بوتشيللي.

فى بداية المهرجان نسمة عبد العزيز -اللي كانت لفترة مصدر الإلهام للفنان الكبير عمر خيرت- أبهرت الجمهور بحفلة الماريمبا المثيرة. وفى نفس اليوم لإضافة التنوع على الحفلات أمتع الشاعر جمال بخيت الجمهور بأمسية موسيقية وشعرية.

المهرجان بـ يقدم فرق موسيقية زى إسكندريلا وبساطة، مهرجان القلعة للموسيقى كمان هـ يستضيف حفلات للفنانين منال وطارق فؤاد. وفرص حضور حفلات موسيقى شرقية كثيرة زى حفلة بلال الشيخ وفرقته سحر الشرق، وكمان حفلة لعازف القانون صابر عبد الستار. فرقة كنوز، مع الفنان محمود درويش كمان هـ يقدموا حفلة على المسرح.

من الفرق اللى بـ تظهر أكثر من مرة فى المهرجان أوركسترا القاهرة الاحتفالى اللى مكمل بقيادة طارق مهران علشان يقدم أمسيات من الموسيقى الكلاسيكية الأنيقة. أما حفلات نجوم البوب لفنانين زي لؤى وعلى الحجار أكيد هـ تجذب عدد كبير من المستمعين، على الحجار هـ يغنى بعد فقرة عازف الجاز المشهور أحمد ربيع فى الليلة الختامية.

عرض ثانى ممتاز هـ يُقدم فى الليلة الختامية من مجموعة نجوم الطرب تحت قيادة الموسيقار المخضرم مصطفى أحمد علشان يقدموا ليلة موسيقية من أجمل الكلاسيكيات العربية.

علشان بـ يفضلوا المهرجان يبقى فى أماكن متنوعة، ما أخذتش حقها من التقدير، مهرجان السنة دى بـ يقام فى قلعة صلاح الدين العملاقة. الحفلات مقسمة على قاعتين: بانوراما 1 وبانوراما 2، حفلات كثير كمان هـ تُقدم على المسرح المكشوف فى دار الأوبرا المصرية فى القاهرة. الحفلات فى الغالب بـ تبدأ الساعة 8 مساءً ما عدا حفلات قاعة بانوراما 2، اللى بـ تبدأ الساعة 10مساءً.

التذاكر متوفرة في شباك تذاكر دار الأوبرا، وكمان فى القلعة. لمزيد من المعلومات عن فعاليات المهرجان والمواعيد والأماكن ادخل على أجندة كايرو 360.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
02/09/2012
-