Unloaded: مينا فاروق بـ يقدم لمسته الخاصة فى جاليرى كالا - فن وثقافة Preview - كايرو 360
 







Unloaded: مينا فاروق بـ يقدم لمسته الخاصة فى جاليرى كالا
Unloaded: مينا فاروق بـ يقدم لمسته الخاصة فى جاليرى كالا
اصدرت في: 05/10/2012
بدأ الكلام مع مينا فاروق مينا عن إزاى قدر يخلق 34 عمل فنى علشان يقدمهم فى المعرض الجديد "Unloaded" فى جاليرى كالا الموجود فى الزمالك وقال: "بالنسبة لي هى طريقة أنك ترمى كل هموم الحياة وراء ظهرك. أنا بـ اسرح وبـ ابدأ اشتغل بعيد عن مشاكلى. وده بـ يساعدنى أنى أفهم حاجات كثير".
أمام أعماله اللى لسه مغلفة، الفنان صاحب الـ 29 سنة قعد مع فريق كايرو 360 علشان يبدأ جلسة من العلاج بالفن وده قبل ميعاد افتتاح معرضه يوم الأحد.
مينا يعتبر نحات متمرن كويس، وبـ يقدر يخلق نحت معقد من الورق الملون وسكاكين دقيقة مع صبر شديد واهتمام قوى بالتفاصيل.
قال: "أنا بـ اعشق التفاصيل، بـ يقولوا أن الشيطان بـ يتواجد في التفاصيل، بس أنا بـ أقول أن الكمال لله".
مينا بـ يقدم تشكيلة مختلفة من الطبيعى لغاية التخيلى. مثلاً سيدات فى أوضاع رشيقة حولهم ورد، وصور قبلية وأشكال هندسية -فى الأول هـ تفتكرها وهم بصرى- بـ تربط الخيال مع الواقع الساحر. بس اللى فعلاً شدنا كان قطعتين بـ يجسدوا التحكم في المادة مع التحضير المتأنى للفكرة.
فى القطعة الأولى بـ نشوف ثلاثة أشخاص واقفين تحت زرافة حاطة رأسها داخل شجرة؛ والثانية بـ توضح غزالة وحمام. الأطراف الرفيعة للشجرة، والزرافة المنقطة، وقرون الغزالة المثنية بـ تكشف مهارة مينا العالية.
وقال مينا: "إحنا عزلنا نفسنا تمامًا عن العالم الطبيعى، علشان كده بـ أحاول أبين أننا كلنا متصلين بطريقة ما. أنت بـ تموت وتدفن وتبقى سماد للأرض علشان نبات جديد ينمو. فعلاً دورة حياة كاملة".
الفكرة بـ تبقى ماشية مع شكل فنى بـ يعتمد فى الأساس على القماش المتوصل ببعضه. عملية الكشط، أو المرسام أو القص بـ تتقطع بتفاصيل دقيقة من اللوح الواحد. كل خط وكل منحنى متصل بحيث يخلق رسم بارع يشبه شباك من زجاج ملون أو مشربية. المفروض أن التصميمات اللى خلصت متعلقة بين سطحين شفافين ومحطوطة أمام شباك أو مصدر إضاءة علشان تعطى أكبر تأثير ممكن. ولكن على العكس المعرض بـ يقدمهم على قماش أبيض محطوط داخل إطار.
لأنه أتولد وتربى فى القاهرة، بـ ينسب فضل تعلمه الصنعة والفن ده لدراسته فى كايرو أمريكان كوليدج فى المعادى ومن بعدها الجامعة الأمريكية فى القاهرة، بس برضه بـ يعترف أن سبب جنون أفكاره واللى بـ تظهر من خلال شغله أصلها هو المعالجة.
وكمل مينا: "أنا كنت بـ أروح لمعالج فنى فى وسط البلد. وكان بـ يقعد معايا ويقول لى "ارسم". وفعلاً بدأت أرسم. وبعدها مشيت بـ أعيط لأن واضح أن رسوماتى كانت بـ تحكي معلومات كثير من عقلى الباطن".
شوف لا وعى مينا فاروق فى 'Unloaded' المقام فى جاليرى كالا، كان فيه عرض خاص يوم 23 سبتمبر الساعة 7 مساءً. والمعرض شغال حتى يوم 11 أكتوبر.
مزيد من الصور
  • Unloaded: مينا فاروق بـ يقدم لمسته الخاصة فى جاليرى كالا
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
ماركوس بنينو
حرر بواسطة:
ماركوس بنينو
تاريخ النشر:
05/10/2012