خمسة كتب للأطفال هـ تصحى الطفل اللى جواك - فن وثقافة Feature - كايرو 360
 







خمسة كتب للأطفال هـ تصحى الطفل اللى جواك
خمسة كتب للأطفال هـ تصحى الطفل اللى جواك
اصدرت في: 10/10/2012
معبئة فى صناديق ومخزنة فى دولاب مليان تراب فى مكان ما، بقايا الطفولة غالبًا بـ تتساب بالطريقة دى. رغم كده، فى وقت معين بـ نحس أننا كنا فاهمين الموضوع غلط، الطفولة ما بـ تنتهيش لما مرحلة البلوغ تبدأ، وإيه معنى مرحلة البلوغ أصلاً؟
أدب الأطفال كان دائمًا مصدر إبهار؛ قصص مبهجة بـ تتحكى بلغة بسيطة ومليانة معلومات مهمة ممكن تطبيقها لسنين وسنين. القصص دى بـ تحرك خيالنا وتعطينا فرصة الهروب الضرورية من الواقع. جمعنا هنا شوية من القصص المفضلة نتمنى أنهم يفيدوا لما تحتاج أنك تصحى الطفل اللى جواك.

Oh, the Places you’ll Go!
أول كتاب معانا عن قصة دكتور سوس اللى حققت أعلى مبيعات من وقت إصدارها سنة 1990، القصة ملحمة مثيرة عن تقلبات الحياة من صعود وهبوط. بطل القصة واللى بـ يحكى الحكاية بـ يقابل فيلة لونها بنفسجى، وقصور طافية وأبيار غويطة زرقاء موجودة فى طريقه للاستكشاف. الرسومات فيها إحساس بالحياة، وده ماشى مع ستايل دكتور سوس الخيالى اللى بـ يدعوك أنك تجرى وراء حلمك، حتى لو قابلتك أى مشاكل. من الجمل المقتبسة من القصة "أنت فى الطريق الصح!.. هـ تشوف مناظر خرافية!.. هـ تنضم لمغامرين كبار.. الذين يرتفعون إلى القمم العالية".

 The Giving Tree
"فى يوم من الأيام كان فيه شجرة وكانت بـ تحب ولد صغير".. ده جزء من قصة شيل سيلفرستين الكلاسيكية اللى لسه بـ تخلينا نعيط من التأثر. من سنة 1964 حكت أحداث القصة اللى حصلت تحت شجرة عن العلاقة بين الولد الصغير والشجرة وتركيزها على فضيلة مهمة هى العطاء. رسوماته البسيطة وطريقته ماشيين مع جمال القصة ومع كل العواطف اللى فيها. اوعى تستهين بقدرة سيلفسترستين على استحضار جانبك الرقيق، وغالبًا هـ تحتاج علبة مناديل.

The Little Prince
غالبًا مافيش كتاب أطفال ثانى اتقرأ حول العالم زى كلاسيكية الكاتب أنتونى دى سانت إكسبرييه. الكتاب أصلاً تم كتابته ونزل فى فرنسا سنة 1943، والمترجم المعروف ريتشارد هوارد عمل نسخة بالإنجليزى. الأحداث بـ تحصل فى الصحراء الكبرى، وفيها بـ تقع طيارة بطل الرواية وبـ يقابل أميرة جايه من مكان بعيد. الكلام مليان ملاحظات عن الحياة، بـ يقول فيها ثعلب للأميرة كلام مهم جدًا: "الواحد بـ يشوف كويس قوى بقلبه بس. الحاجة المهمة مش واضحة للعين".

 Where the Wild Things Are
إفتكرنا القصة المرحة دى اللى نزلت سنة 1963 مع وفاة الكاتب المحبوب ماوريك سينداك السنة دى. فى 2009 سبايك جونز قدم معالجة للقصة بطريقة مختلفة وجديدة تمامًا. عظمة القصة فى الشاب ماكس وبدلة الذئب اللى بـ تأخذه لرحلات مجهولة، وبـ يقابل شخصيات من كواكب ثانية قدر يبتكرها بس مؤلف زي سينداك. الرسومات الرمزية جياشة العواطف ومش هـ تحتاج وقت طويل علشان تخطفك حيوية ماكس.

Alice’s Adventures in Wonderland
أخيرًا وليس آخرًا الكتاب اللى نزل فى 1865 وعجب عدد مهول من محبى الأدب من كل أنحاء العالم. مع معالجات كثيرة للقصة سواء فى الأدب أو كفيلم، إحنا برضه بـ نفضل النسخة الكلاسيكية الأصلية. فى 12 فصل أليس بـ تشدنا لعالم خيالى، داخل حفرة حفرها أرنب بـ تقابل دودة زرقاء عملاقة وصانع قبعات مجنون، ودول مجرد أمثلة للشخصيات الموجودة. المخلوقات بـ تقدم نصيحة لأليس الخايفة، وعلشان هم بـ يكوّنوا عائلة صغيرة غريبة بـ تحصل مغامرات بطرق مش متوقعة. فضول أليس مالهوش حدود: "ليه، ساعات بـ يحصل حوالى 6 حاجات مستحيلة قبل الإفطار".
هو إحنا قولنا لكم أن كتب الأطفال كمان تعتبر هدايا لطيفة؟ خذ نظرة على قسم كتب الأطفال فى أقرب فرع لديوان أو الشروق. لو الكتاب مش موجود، تقدر تطلبه منهم.
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
هنا كوبر
حرر بواسطة:
هنا كوبر
تاريخ النشر:
10/10/2012