اكسب! 5 تذاكر مجانية لحفلة ‏Fel Mix‏ في درب 1718‏ - فن وثقافة Feature - كايرو 360
 







اكسب! 5 تذاكر مجانية لحفلة ‏Fel Mix‏ في درب 1718‏
اكسب! 5 تذاكر مجانية لحفلة ‏Fel Mix‏ في درب 1718‏
اصدرت في: 20/04/2016

جهز نفسك يوم 23 إبريل لحفل فـ الميكس!

حفلة فـ الميكس- Fel Mix، مش شبه أي حفلة ثانية حضرتها قبل كده؛ لأنها مش بس بتجمع فرقتين مع بعض، دي كمان بتخليهم يلعبوا أغاني بعض بنفس الطريقة... واتفرج عالإبداع! لو عاجباك الفكرة، الحفلة الجاية يوم السبت 23 أبريل الساعة خمسة مساء واللي هتجمع ما بين فرقة "هوس" وفرقة "مشوار". تخيل بقى لما الاثنين يلعبوا ما بعض! نراهن أن الجمهور هو أكبر مستفيد في الحفلة دي.

إيه؟ قاريء واحد بس من بين قراء كايرو 360 هيكسب 5 تذاكر هدية لحفلة Fel Mix ... محظوظ!

فين؟ درب 1718 أكيد.

ليه؟ من غير ليه... في حد يكره؟

إزاي؟ هو سؤال بسيط جاوب عليه: إيه المعرض اللي شغال حاليًا في درب 1718؟

دلوقت؟ ولا حاجة، ابعت إجابتك لـ freestuff@cairo360.com من غير ما تنسى تكتب بياناتك كاملة في رسالة موضوعها Fel Mix Competition. الحق بقى لأن المسابقة هتخلص يوم الخميس 21 أبريل الساعة 6 مساءً.

تطبق الشروط والأحكام.

 

عن درب1718

مركز درب 1718 الثقافي من الأماكن اللي قدرت تساهم بشكل كبير في الحركة الثقافية في مصر عن طريق تقريب المسافة ما بين الجمهور والشباب الموهوب في كل المجالات الفنية؛ مزيكا تلاقي، عروض سينمائية وفنية تلاقية حتى كورسات التصميم ودروس الطبلة ما فيش حاجة لها علاقة بالفن من قريب أو بعيد إلا وهتلاقيها موجودة هناك. وبما أن اللي قادر يوصل للناس الإبداع، لازم يكون هو كمان مبدع في أفكاره، درب 1718 خرج عن إطار الحفلات الموسيقية التقليدية وقدم لنا سلسلة حفلات ناجحة بعنوان "مزيكا × السطح"، واللي بتستضيف مجموعة كبيرة من الموسيقيين الموهوبين من كل حتة في العالم.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
20/04/2016
-