دليل كايرو360 لأفضل الحلويات الشرقية في رمضان - كافيهات Feature - كايرو 360
 







دليل كايرو360 لأفضل الحلويات الشرقية في رمضان
دليل كايرو360 لأفضل الحلويات الشرقية في رمضان
اصدرت في: 18/08/2011

مش فارقة أنت بـ تفطر فين أو بـ تفطر إيه في رمضان، ولكن المؤكد أن هـ ينتهي بك الأمر بنسبة .999% أنك تحلي بعد الأفطار بحلويات شرقية. لأن أي تجمع عائلي أو مناسبة عائلية أو عزومة على السحور لازم يكون فيها علبة حلويات شرقية. دي عادة وتقليد لذيذ في رمضان، وإحنا مش بـ نعترض عليها لأن القاهرة فيها أحلى محلات الحلويات وبـ تقدم أشهاها.

هـ تلاقي هنا اختيارات كايرو360 لأفضل أماكن الحلويات علشان تعجب أصحابك في العزائم.

«ماندرين قويدر – Mandarine Koueidar»: هو المفضل لناس كثير، محل الحلويات ده بـ يقدم دائمًا حلويات شرقية فريش ولذيذة، إحنا بـ نحب الملبن بالقشطة بتاعهم جدًا، عيش السرايا، الجولاش، الكنافة بالكريمة. كيلو مشكل من الحلويات الشرقية حوالي بـ 60 جنيه حسب اختياراتك، وكيلو كنافة بالكريمة بـ 38 جنيه. الملبن بالقشطة وعيش السرايا بـ 43 جنيه الكيلو. وبـ تشتري طبق عيش السرايا وهو كيلو، يعني ما ينفعش تشتري نصف كيلو بس. هـ تلاقي «ماندرين قويدر» في المعادي، الزمالك، والكوربة. فرع المعادي بـ يوصل للبيت بس في نفس المنطقة والمحل مفتوح لغاية 1 صباحًا.

«عبد الرحيم قويدر – Abd El Rehim Koueidar»: دائمًا بـ نتلخبط ما بينه وما بين المحل اللي لسه متكلمين عنه، المحل ده بـ يقدم حلويات شرقية لذيذة جدًا وكمان الآيس كريم بتاعه حلو. رغم أنه صعب نقول محل واحد بـ يعمل كنافة حلوة في القاهرة، لكن ممكن نقول أن قويدر بـ يعمل أكثر كنافة بـ نحبها في رمضان، معمولة بطريقة رائعة مستوية كويس، من بره مقرمشة وبـ تذوب في الفم أول ما تأكلها وطعم الكريمة والشربات رائع. كيلو الكنافة بالكريمة بـ 35 جنيه وكيلو الكنافة بالفستق بـ 92 جنيه. وكيلو الحلويات الشرقية المشكلة بـ 50 جنيه. توصيل الطلبات متوفر وممكن تطلب بدري وبعدين تروح تأخذها في وقت ثاني.

«لو كرنفال – Le Carnaval»: محل في الدقي بـ يقدم أشهى وأطعم كيك أكلناها في القاهرة. لو قدرت تبعد عن الآيس كريم والكيك الموس، جرب كيك الكنافة الغني الكريمة والمانجو، بـ تيجي في طبق ذهبي بلاستيك بـ 240 جنيه. لحاجة أرخص شوية ممكن تجرب طبق الكنافة بالمانجو وهو أصغر شوية بـ 130 الكيلو. توصيل الطلبات مش متوفر، وهم بـ يفضلوا أنك تأخذ الحلويات قبل الأفطار. المحل بـ يقفل وقت آذان المغرب وبـ يفتح بعد ساعة.

«لابوار – La Poire»: محل حلويات مشهور في مصر، له فروع كثيرة في القاهرة، الإسكندرية والساحل الشمالي وكمان في مدن ثانية. غير الميني ساندويتش والتارت الحلوة اللي بـ يقدمها، «لابوار» كمان بـ يعمل حلويات شرقية حلوة قوي في رمضان، إحنا بـ نُفضل الكنافة الملفوفة وفيها فستق، البقلاوة، الجلاش ورموش الست وهي بـ تذوب في الفم وأنت بـ تأكلها، وهي مش مسكرة قوي. كيلو الحلويات الشرقية بـ 100 جنيه، وطبق الكنافة بالكريمة بـ 55 جنيه، وكيلو الكنافة بـ المكسرات بـ 72 جنيه. خدمة التوصيل متوفرة للطلبات بس تكون كيلو أو أكثر، المحل بـ يقفل قبل منتصف الليل.

«توينكي - Twinky»: له فرعين في الهرم وفرع في المهندسين، «توينكي» بـ يقدم خدمة توصيل للطلبات سريعة. كيلو الحلويات الشرقية المشكل بـ 60 جنيه لـ 70 جنيه، وهي فيها رموش الست خفيفة بـ تذوب في الفم، كنافة بالكريمة مسكرة ولطيفة، بسبوسة رقيقة وكنافة ملفوفة مقرمشة محشية مكسرات وهي أحلى من كنافة لابوار. توصيل الطلبات متوفر في فرع المهندسين والهرم.

«لا أموندين – L’Amondine»: له فروع في المعادي، الدقي ومدينة نصر، وهو بـ يقدم كنافة لذيذة وحلوة بالمانجو والكريمة. الكنافة بـ ييجي معها شربات لوحده علشان تحط منه زي ما أنت عايز، الكنافة طعمها حلو مع طعم الكريمة وخليط طعم المانجو. «لا أموندين» بـ يعمل قطايف مع المكسرات وهي مش مسكرة قوي ولا هي لزجة. زي أي محل حلويات في رمضان ممكن تقف في طابور قبل ما تطلب.

«ساليه سوكريه- Sale Sucre»: لو أنت ما جربتش قبل كده عثمانلية ساليه سوكريه يبقى أنت فاتك كثير، طعمها رائع بس ثقيلة شوية بـ ييجي معاها إضافات زي ما أنت تختار زي المانجو، التين، البلح، الكريمة محطوطة على كنافة مقرمشة لذيذة. الكيلو بـ 48 جنيه، وكنافة على شكل الكيك بـ 120 جنيه. المحل له فروع في مدينة نصر، هليوبوليس، المعادي والمهندسين وبـ يفضل شغال لغاية منتصف الليل. توصيل الطلبات متوفر لكن اطلب قبلها بـ يكون أفضل.

اختيارات أخرى: لو أنت زهقت من الحلويات الشرقية التقليدية ممكن تجرب كب كيك الكنافة بالمانجو من «نولا - Nola»، عسلية كب كيك من «كرامبس - Crumbs»، مهلبية من المالكي، أرز باللبن من صابر وآيس كريم التانجرين من ماندرين قويدر.

أكلة سعيدة!

مزيد من الصور
  • دليل كايرو360 لأفضل الحلويات الشرقية في رمضان
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
ثريا مرايف
حرر بواسطة:
ثريا مرايف
تاريخ النشر:
18/08/2011