صحيح أن مافيش أكثر من المخابز والكافيهات فى القاهرة، لكن من الواضح أن الزمالك يوم بعد يوم بـ تزيد فيها محلات الكابتشينو، الكيكات وكمان المعجنات. "بولانجيرى - Boulangerie" عبارة عن قطعة مصغرة من باريس فى القاهرة، بـ يقدم لكل زبائنه مجموعة شهية طازجة من العيش، والمعجنات، والبسكويت وكمان الساندويتشات.

المخبز اللطيف بمساحته الصغيرة مصفوف بأرفف زجاجية، منظمة بشكل أنيق ومليانة بحلويات مشوقة. الحوائط عليها أرفف بـ تعرض مجموعة من العيش المغلف (18-30/ كيلو جرام) وأرغفة محمصة (2 جنيه- 8 جنيه) أو خبز باجيت baguettes (7.50 جنيه- 8.50 جنيه/ للواحد) اللى أكدوا لنا أنه طازج ومخبوز عندهم.

على أمل أن العيش يكون طازج طبقًا لكلامهم، مشينا على مهلنا لمركز الساندويتشات وأخذنا وقتنا فى الاختيار من بين تشكيلة الحشو المحدودة والمتنوعة فى نفس الوقت؛ جبنة مشكلة (20 جنيه)، رومى (22 جنيه)، روست بيف (22 جنيه)، سلمون مدخن (32 جنيه) وتونة (18 جنيه). أضف على كده أننا نقدر نختار نوع العيش المفضل: سادة، سمسم، بنى أو شياباتا، وقرارنا النهائى كان جبنة مشكلة فى عيش أبيض بسمسم مع سلاطة إضافية ومايونيز. المزيج بين جبن الجودة السائحة مع الشيدر وجبن الإمينتال كان عبقرى، وطعم العيش الخفيف كان لذيذ ونكهته رائعة. إضافة سلاطة الطماطم والخس كانت بكمية كبيرة، طازجة ومقرمشة أما المايونيز فأضاف كثير للطعم.

وسط كل المخبوزات اللذيذة اللى شوفناها، اختيار أجمد حاجة كان صعب شويتين. لما لاحظوا ترددنا، عرضوا علينا نتذوق قطع بسكويت شوكولاتة صغيرة (34 جنيه/ للكيلو) وكان طعمها رائع، مقرمش وطعم الشوكولاتة والزبدة ظاهرين بشكل جميل.

أخيرًا قررنا نطلب مارينج تارت الليمون (8 جنيه)، كرواسون نوتيلا (7.50 جنيه) ودونات شوكولاتة (8 جنيه). كرواسون النوتيلا كان محبط شوية، رغم أن العجينة كانت طرية وغنية بطعم الزبدة لكن كمية النوتيلا كانت قليلة جدًا. نفس الكلام بالنسبة لدونات الشوكولاتة اللى فيها طبقة بسيطة من الشوكولاتة على الوجه، وتسبب أن العجينة السميكة تكون جافة، سادة وطعمها ممل. التارت على الناحية الثانية كان طازج، طرى ومقرمش مع كمية كبيرة من المارينج الخفيف وجيلى ليمون طعمه لاذع.

"بولانجيري" كان عند وعده، وقدر يقدم أنواع من العيش والمخبوزات الطازجة بأسعار معقولة، وتنفع أى وقت من اليوم.