مع احتلالها كل حاجة من مطاعم وكافيهات وحتى المحلات فى القاهرة، الأكلات المختلفة دائمًا مطلوبة فى عاصمتنا. فى محاولة منه لاقتحام سوق الحلويات المحبوب، "كوكوروزا - Kukuruza" محل جديد بـ يقدم فيشار للذواقة فى أحدث مراكز تسوق القاهرة الجديدة، كايرو فيستيفال سيتى مول. مع فروعهم المنتشرة فى عدد من أشهر المدن العالمية، تقدر تشوف فيشارهم الراقى فى طوكيو، الرياض والولايات المتحدة الأمريكية.

كشكهم الصغير فى الدور الثالث ملفت للانتباه، بتصميم زيتونى فى أسود يضيف على المحل طابع من الرقى. كابينتين بواجهات زجاجية معروض فيهم مجموعة كبيرة من نكهات الفيشار المختلفة، مع منيوهات معلقة على الحوائط تصميمها جامد.

المنيو بـ تقدم تشكيلة كبيرة، ومتوفر عبوات صغيرة وكبيرة (20: 38 جنيه) جاهزة للتيك أواى. زبائن المكان يقدروا كمان يجمعوا نكهتين فى عبوة واحدة (29 جنيه). النكهات الموجودة تشمل الزيت والملح المعتاد واختيارات من الكاراميل (25: 35 جنيه)، مع نكهات أكثر إبداع وغرابة زى البيكون المسكر، كاكاو بالنعناع، ماكرون بجوز الهند وقرص قرفة، وكلهم بنفس السعر (28: 38 جنيه). النكهة الوحيدة اللى غير متاحة وقت زيارتنا كانت أنواع الجبنة الحادقة المختلفة.

طاقم الموظفين فى كوكوروزا ودودين ومتحمسين، وجاهزين بعينات تجربة من الفيشار الساخن اللذيذ. فكرة أن الفيشار معمول بطريقة تسخين الهواء –بدلاً من استخدام الزيت أو الزبدة– كانت هائلة، وبسببها الفيشار كان أقل تزييت من الفيشار الموجود عادة فى السوق، وكمان تعتبر طريقة صحية أكثر، قبل طبعًا إضافة النكهات.

اختارنا أربع نكهات مخلوطين فى عبوتين صغيرين (29 جنيه للواحدة)؛ كوكيز وكريم (25: 35 جنيه للعبوة)، توت أسود بكريمة الفانيليا (25: 35 جنيه)، كراميل كلاسيك (25: 35 جنيه) وفواكه متعددة rainbow fruit (25: 35 جنيه) خليط متعدد الألوان من نكهات التفاح، الموز، الفراولة والبلوبيرى.

بالنسبة للفيشار نفسه كان دافئ وهش، بقوامه الخفيف الطرى، وكل قطعة فيشار مغطاة كويس بالنكهة. على عكس فيشار السينما، عجبنا جدًا طعم الكراميل، بطبقة الكراميل الغنية. طعم الكوكيز والكريمة كان اختراع مدهش، أما الطعم المفضل لنا كان بدون شك التوت الأسود وكريمة الفانيليا، بطعم فاكهة التوت المسكرة، ومذاق الكريمة الشبيه بالزبادى المسكر. كنا فاكرين أنه مكون من فاكهة طبيعية، لكن كوكتيل الفواكة المتعددة طعمه للأسف كان صناعى، بس يفضل لذيذ مافيش كلام، وطعم كل فاكهة منهم كان ظاهر.

مع خطورة الفيشار حتى مع الناس الرفيعة، أفكار فيشار كوكوروزا المبتكرة غالبًا هى أجمد حاجة –وأكثرها تسببًا فى الإدمان- من ساعة ظهور الكب كيكس. باعتباره مناسب تقريبًا لكل المناسبات، إحنا منتظرين على نار خدمة التوصيل لإشباع رغبتنا فى التهام الفيشار.