جوائز اختيارات المحررين لعام 2014 لأفضل محلات المخبوزات والحلويات - كافيهات Feature - كايرو 360
 







جوائز اختيارات المحررين لعام 2014 لأفضل محلات المخبوزات والحلويات
جوائز اختيارات المحررين لعام 2014 لأفضل محلات المخبوزات والحلويات
اصدرت في: 15/06/2014

فيه مخبز وحلواني في كل شارع وكل حارة في مصر، من أول الفرن البلدي لحد المخابز العملاقة وأشهر محلات الحلويات، رائحة العجين والخبيز الطازج ما يختلفش على روعتها اثنين. اختارنا مجموعة من محلات المخبوزات والحلويات المفضلة لنا، من ضمنها عدد من أحسن الأماكن اللي ممكن تجيب منها مخبوزات ومعجنات، وكمان الكب كيك وهو الموضة الجديدة اللي لاقت إعجاب القاهريين وانتشرت محلاتها في كل مول وكل شارع رئيسي. أرفض معانا المخبوزات البائتة والعيش البارد، وجرب الأماكن اللي هـ نتكلم عليها هنا، واللي بـ نعتبرها الأفضل في القاهرة.

 

ماندرين قويدر Mandarine Koueider -

له فروع فى أماكن كثيرة، بالنسبة لنا ما ينفعش رمضان يعدي غير لما نجيب من حلوياته الشرقية اللذيذة خاصة الكنافة بالكريمة، ومؤخرًا كمان ما بقوش بتوع حلويات بس، ده بقى كمان لهم مطعم فى التجمع الخامس (مول داون تاون) بـ يقدم أطباق عالمية

 

نولا كب كيكس – Nola Cupcakes

رغم أننا زعلنا لما قفلوا فرع الزمالك، لكنهم استمروا بقوة لدرجة فتحوا فروع فى المعادي ومصر الجديدة (الكوربة) وأخيرًا فى المهندسين، "نولا" هو الكب كيك الرسمي لحفلات أعياد ميلادنا فى مكتب كايرو 360 دائمًا، وفى رأينا يرجع لهم الفضل أن القاهرة بدأت تحب الكب كيك.

 

كرامبس كب كيكس & مور – Crumps Cupcakes & More

بدأوا فى الزمالك، وبعدها المعادي، من الكب كيك الحلوة برضه اللى ممكن تلاقيها فى اقاهرة، عندهم حجمين ممكن تختار منهم وأنواع لا حصر لها، غير الكب كيك عندهم حلويات ثانية زي ميني مافين بالقمح، وكوكيز، وفطائر الوبيز اللى بـ تتعمل بالطلب.

 

تايني تريتس كب كيكس – Tiny Treats Cupcakes

متخصصين فى الكب كيك فقط، المحل حجمه صغير، بس الحجم مش مقياس لأن داخل المكان الصغير ده جنة من الكب كيكس، خفيفة ومشبعة بالطعم ومبهجة، حسستنا أننا رجعنا أطفال ثاني.

 

ديلايت - Delight

لهم فروع كثير فى القاهرة والساحل الشمالى، عندهم تارتات وكيكات مبتكرة، فيه اللى بالمالتيزر، أو تشيز كيك أو حتى بالفواكة، المهم أنك أكيد مش هـ تلاقى اختيارات تقليدية وهـ يكون اختيار مناسب لو رايح زيارة لحد وحابب تدخل عليه بهدية مميزة.

 

ألف مبروك للفائزين!

مزيد من الصور
  • جوائز اختيارات المحررين لعام 2014 لأفضل محلات المخبوزات والحلويات
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
15/06/2014
-