الحلويات الأمريكانى المقلية المسكرة، أو الدوناتس، مش حاجة مألوفة فى مصر، لكن أوقات نفسك بـ تروح على واحدة منهم. يمكن "ديكسى كريم -Dixie Cream" مش أول محل أو هو الوحيد اللى بـ يعملهم فى القاهرة، لكن المحل الأمريكى وصل وسمعته بـتسبقه.

فى مكان مميز فى الداون تاون مول، المحل لنفسشكل أماكن الدوناتس العامرة بالألوان من الأصفر الفاتح، والأبيض والأزرق. ديكسى بـ يقدم قعدة لطيفة فى الخارج للناس اللى تفضل تستمع بحلوياتهم هناك. بالنسبة لنا، كنا عاوزين نطلب ونمشى، فـ دخلنا علشان نختار طلبنا.

الدوناتس موجودة فى عرض كبير وراء كاونتر الخزينة، واللى للأسف وقت زيارتنا كان فاضى تقريبًا اللهم إلا منكام قطعة دوناتس. الموظف اللى معانا كان لطيف وبـ يساعدنا، وعرفنا منه أن فيه دفعة طازجة لسه خارجة من الفرن وصلت.

المحل بـ يقدم مجموعة متنوعة من الاختيارات اللذيذة، تشمل آيسينج، سكر بودرة وحشو. بـ يعملوا كمان فطائر قرفة، فطائر تفاح وبراونيز.

طلبنا ثلاث قطع دوناتس؛ واحدة بآيسينج فانيليا وسكر، وواحدة بآيسينج شوكولاتة وسكر، والأخيرة محشية شوكولاتة (سعر القطعة 13جنيه). الموظف على طول رتبهم فى علبة كرتون وبعدها مشينا، وبعد شوية اكتشفنا أن الدوناتس اختلطوا ببعضهم والآيسنج بتاعهم دخل على بعض.

الدوناتس كلها طعمها طازج، لذيذ وطبعًا ثقيل. كنا فاكرين أن طعمهم عادى ومافيش نكهة مميزة. صحيح الآيسينج شكله كان حلو، لكه كان محتاج طعم أقوى، وأكيد نكهة فانيليا أقوى وشوية شوكولاتة زيادة يقدروا يعملوا شغل عالى. فى الأول والآخر، الدوناتس كان طعمها لذيذ.

إجمالًا، ديكسى كريم قدر يشبع اشتياقنا لطعم الدوناتس. الفكرة أن الدوناتس عنده طعمها مش مميز وينقصها الابتكار. فى مدينة زى القاهرة تحكمها الكب كيكس، ديكسى كريم صعب يقدر يكسر الاحتكار ده قريب.