دليل أحداث نهاية الأسبوع: حفل مسار إجباري وعلي الهلباوي وحفل أم كلثوم تعود من جديد وعرض فيلم Wall-e - الحياة في كايرو Feature - كايرو 360
 







دليل أحداث نهاية الأسبوع: حفل مسار إجباري وعلي الهلباوي وحفل أم كلثوم تعود من جديد وعرض فيلم Wall-e
دليل أحداث نهاية الأسبوع: حفل مسار إجباري وعلي الهلباوي وحفل أم كلثوم تعود من جديد وعرض فيلم Wall-e
اصدرت في: 05/05/2016

كعادتنا كل يوم خميس ودليل أحداث نهاية الأسبوع اللي مليان أحداث متنوعة من حفلات وعروض أفلام ومعارض فنية في أماكن مختلفة واللي بتساعدكم تقضوا ويك إند مختلف.

نبدأ بالنهارده الخميس، وحفل "مسار إجباري" في ساقية عبد المنعم الصاوي، وسعر التذكرة 50 جنيه. وبرضه في ساقية الصاوي بس على مسرح قاعة الحكمة حفلان لعرض "أم كلثوم تعود من جديد" واللي هيقدمه مسرح الساقية للعرائس على أنغام أغنيتي "أنت الحب - كل ليلة"، وسعر التذكرة 15 جنيه لغير الأعضاء، بينما لأعضاء الساقية 10 جنيه. أما لكل عشاق الكارتون فيه عرض سينمائي لفيلم آنيميشن "Wall - E" بمساحة العمل المشتركة "شفشاون" في الدقي، وسعر تذكرة الحضور بـ 10 جنيه.

 

وننتقل ليوم الجمعة، ويوم مختلف مع مشربية اللي عامل جولة سياحية إلى قلعة صلاح الدين، هتتعرفوا فيها على القلعة بصحبة ناس متخصصة في التاريخ. كمان فيه برعاية ساقية الصاوي ماراثون The Great Cairo Kidathon للأطفال من 6 - 14 سنة، وفيه مفاجآت والأنشطة المفيدة لجميع أفراد الأسرة.

أما كل مجانين الكتب دواكم موجود في معرض الكتب اللي عامله مركز الربع الثقافي في شارع المعز، واللي ببيع الكتب المستعملة طول أيام شهر مايو، وسعر الكتاب يتراوح بين جنيه واحد لعشرين جنيه.

 

ونختم بيوم السبت، وحفل للفنان "علي الهلباوي" في قاعة النهر بساقية الصاوي، وسعر التذكرة 40 جنيه. أما لكل عشاق الكاتب أحمد مراد فمكتبة "أ" فرع المرغني عاملة حفل توقيع لكتابه الأخير "أرض الإله"، واللي كنا كتبنا مقال نقدي عنه من غير ما نحرق أحداثه هنا. ولو أنتم من بتحبوا تشتروا الحاجات المحلية التراثية، وتساعدوا ناس تانية، روحوا حديقة الأسماك اللي عاملة للسنة الثانية "سوق مدى"، واللي يهدف لدعم المنتجين المحليين من خلال عرض منتجاتهم للجمهور. كمان فيه مجموعة فقرات فنية واللي بتناسب كل أفراد الأسرة.

لو عاوزين تعرفوا أكثر عن أحداثنا اللي بننشرها كل يوم على مدار الشهر، تابعوا أجندتنا.

ويك إند سعيد!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
05/05/2016
-