مساحات العمل المشتركة: طريقك للإبداع في القاهرة - الحياة في كايرو Feature - كايرو 360
 







مساحات العمل المشتركة: طريقك للإبداع في القاهرة
مساحات العمل المشتركة: طريقك للإبداع في القاهرة
اصدرت في: 16/05/2016

حوار:

المدير: بكره لازم تروح الاجتماع اللي في مدينة نصر، وتطلع منه على تخليص الشحنة، وبعدها تحضر الورق وتعمل عرض عظيم لما تقابل الجروب اللي جاي في وسط البلد.

الموظف: طب كل ده مرة واحدة، في النص هحضر فين باقي الشغل، وهعمل إيه؟

المدير: اتصرف شوف أي كافيه أقعد فيه، وخلص باقي الشغل، أو تعالى على الشركة تاني وخلص الشغل، وارجع انزل تاني.

الموظف: ما هو مقر الشركة بعيد عن الأماكن دي كلها، وبعدين الكافيهات بتبقى زحمة ودوشة، ومش هعرف اشتغل فيها.

المدير: ماسمعتش عن (مساحات العمل المشتركة - Coworking Space)

الموظف: لأ

المدير: اقرأ مقال كايرو 360 وأنت تفهم.

 

المقال:

مساحات العمل المشتركة، هي تقليعة حديثة، بس تقليعة هايلة ومحترمة بجد بدأت تقريبًا من حوالي 5 سنين في مصر، فكرتها قايمة على توفير مكان للأنشطة الطلابية والشباب اللي بيفكروا يجهزوا شركة، أو مجموعات العمل اللي عايزين يخططوا للعمل بتاعهم. نقدر نقول أنها فكرة مثلًا لنادي العمل الجماعي في مجال التكنولوجيا والمجالات المحاسبية والمجالات الفنية والمبادرات الشخصية وفي الغالب بيبقى مكان هادي وبتتوفر فيه الراحة وبيوفر الوسائل اللي بتساعد مجموعات العمل والأفراد على تنفيذ وتطوير وتجهيز مشروعاتهم.

ولأن فيه كتير بيدوروا على مكان هادي علشان ما انتهوش من تجهيز مقرات شركاتهم أو مقر عملهم بعيد وعايزين يعملوا اجتماع مع بعض العملاء في منطقة قريبة ويوفروا وقتهم ووقت عملائهم في المواصلات، أو لأن عندهم ميعاد بعد مدة طويلة ومقر عملهم بعيد وعايزين مكان تكمل يكملوا فيه شغلهم.

ممكن يكون السبب كمان أن فريق عمل أحد المشروعات عايزين يجتمعوا ويناقشوا الأمور الخاصة بالمشروع، أو أن فريق عمل أحد مشروعات التخرج في الكليات عايزين يتجمعوا في مكان سرعة الإنترنت فيه عالية ويوفر لهم الأكل والشرب.

علشان كل ده ظهرت مساحات العمل المشتركة واتطورت بعد كده، بأنها بقت بتقدم خدمات تانية زي الكورسات والورش المختلفة في كل المجالات. المكان بيبقى فيه إنترنت وبيقدم ورش بأسعار معقولة، وتقدر تحجز فيه كمان عدد الساعات اللي أنت عاوزها، وماحدش هيضايقك، ده كمان الموضوع اتطور من ساعة ما اتعمل (الجريك) في وسط البلد، وتقدر تحجز مكتب كامل ليك لشهر أو سنة جواه، وعلشان هما كتير، في المقال ده هنقول لك على أبرز مساحات العمل المشتركة في القاهرة وكمان اللينك بتاعها، وأنت ادخل بقى واختار براحتك:

 

الجريك كامبوس

المقر

المكان

الخان

أيس كايرو

The DistrictEgypt

302Labs

مساحة

ديزاينوبيا

الركنة

طبلية

يوتوبيا

تحرير لاونج

Evenue

مشربية

مشكاة

Fablab

قفير لابز

مكانك

Businessyard

Flat6Labs

مزيد من الصور
  • مساحات العمل المشتركة: طريقك للإبداع في القاهرة
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
أحمد عبد الجواد
حرر بواسطة:
أحمد عبد الجواد
تاريخ النشر:
16/05/2016
شاعر عامية وصحفى ومنسق مشروعات أدبية فى الساقية، كائن بـ يحب الحياة، أحيانًا بـ يتحول لشخصية أسطورية وهو بـ يكتب بـ يظهر له جناحين، أو بـ يختفى ويظهر فى أماكن مختلفة، بـ يفضل أكل البيت مع أسرته عن الأكلات السريعة، بـ يلعب لعبة يابانية اسمها "آيكيدو" وحصل على الحزام الأسود فيها بعد معاناة.