كايرو 360 هتعرفك على أهم المخالفات في قانون المرور الجديد - الحياة في كايرو Feature - كايرو 360
 







كايرو 360 هتعرفك على أهم المخالفات في قانون المرور الجديد
كايرو 360 هتعرفك على أهم المخالفات في قانون المرور الجديد
اصدرت في: 10/07/2016

شوارع القاهرة فيها فوضى شديدة، حقيقة ما نقدرش ننكرها، خصوصًا لما نتكلم عن العربيات، تحس أن كل واحد ماشي في ملكوته، ومش مهتم بغيره، وعلشان كده قانون المرور الجديد بيحاول يحل المشكلة دي بتطبيق غرامات على أهم أخطاء القيادة في شوارع مصر، تعالوا نتعرف على أهم الغرامات دي علشان الدنيا تبقى واضحة لينا.

 

غرامات مالية!

أول حاجة لازم تعرفها أنك لو مش لابس حزام أمان، أو بتتكلم في المحمول من غير سماعة، وفي حالة ارتكاب أفعال فاضحة جوه العربية (فاهمني طبعًا) أو في حالة أنك مش لابس الخوذة لو كنت بتسوق موتوسيكل أو فيسبا هتدفع مخالفة بتتراوح ما بين 100- 300 جنيه.

طيب لو ماشي عكس الإتجاه؟ في الحالة دي هتدفع غرامة بتتراوح ما بين 1000 إلى 3000 جنيه.

وفي حالة تجاوز السرعة المحددة هتدفع غرامة بتبدأ من 150 جنيه.

 

سحب رخصة!

طب إيه الحالات اللي هيتم فيها سحب رخصتك؟ إحنا هنقول لك، الأمن هيسحب رخصتك في الحالات دي:

الانتظار في الممنوع.

عدم وجود شنطة إسعاف في عربيتك.

عدم وجود مثلث علشان لو العربية عطلت.

قيادة السيارة بالليل من غير إنارة خلفية أو أمامية، أو عاكس للأنوار، أو استخدام الأنوار الشديدة بالليل.

 

 

وبالنسبة لأصحابنا سواقين التاكسي والميكروباص؟

امتناع عن نقل الركاب الغرامة من 300 – 500 جنيه.

طلب أجرة أكثر من المقرر من 1500 – 3000 جنيه.

نقل عدد زيادة من الركاب غرامة من 300- 1500.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
مصطفى فتحى
حرر بواسطة:
مصطفى فتحى
تاريخ النشر:
10/07/2016
صحفي مهووس بالسينما والكتب، بيحب التصوير الفوتوغرافي وبيعشق وشوش المصريين وشايفها أجمل وشوش في الكون، بيحب شوارع، حواري، قهاوي، وناس البلد دي.