شوف فيلمك المفضل في سينما SunCity Mall - الحياة في كايرو Feature - كايرو 360
 







شوف فيلمك المفضل في سينما SunCity Mall
شوف فيلمك المفضل في سينما SunCity Mall
اصدرت في: 14/07/2016

إيه اللي عشاق السينما محتاجينه؟

 بدون شك قاعة فخمة مجهزة بأحدث المعدات، كراسي مريحة، وطبعًا صوت مميز، علشان يقدروا يعيشوا مع جو الفيلم، كل ده وأكثر بتوفره لكم سينما SunCity Mall اللي فتحت أبوابها مؤخرًا لكل سكان القاهرة بأكثر من قاعة عرض بتتيح لكم مساحة غير محدودة من الرفاهية وتجربة مش هتنسوها أبدًا.

الجميل إن شركة (Allied for Distribution (AFD اللي بتدير السينما، لها خبرة أكثر من 15 سنة في السوق المصري، وموزع حصري لشركات إنتاج أفلام عالمية زي بيكسار ووالت ديزني ومترو جولدن ماير، وده بيضمن لنا، مشاهدةالأفلام العالمية بالتزامن مع عرضها فى أمريكا وأوروبا.

كمان سينما SunCity Mall بتوفر لنا رفاهية مالهاش حدود، من خلال قاعات عرض بتعتبر الأضخم في مصر، بتتسع لأكثر من 3500 كرسي، وعدد قاعات العرض 16 قاعة من ضمنهم 4 قاعات VIP بيوفروا لك كل الرفاهية والراحة اللي ممكن تتخيلها.

 

 

أجمل حاجة بقى هي الأسعار، يعني تخيل كل الإمكانيات اللي بتوفرها لك السينما ومع ذلك سعر التذكرة معقول جدًا، 25 جنيه للحفلات الصباحية، و50 جنيه للحفلات المسائية.

ننصحكم تخوضوا تجربة سينما SunCity Mall، واللي بتعرض لكم حاليًا مجموعة من أهم الأفلام، زي جحيم في الهند، عسل أبيض، في 30 سنة، بارتي في حارتي.

السينما بتوفر لكم تفاعل حقيقي من خلال صفحتها على الفيسبوك، واللي هتلاقوا فيها أسماء الأفلام اللي بتعرضها ومواعيد الحفلات وأسعار التذكر وغيرها من الخدمات المهمة، تقدروا تتابعوا الصفحة من هنا.

ومتنسوش تتابعوا حساب السينما على إنستجرام من هنا.

واتفرجوا على الفيديو ده علشان تعرفوا أكتر عن السينما

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
14/07/2016
-