خد بالك: 5 أضرار للنظارات اللي بتتباع على الرصيف - الحياة في كايرو Feature - كايرو 360
 







خد بالك: 5 أضرار للنظارات اللي بتتباع على الرصيف
خد بالك: 5 أضرار للنظارات اللي بتتباع على الرصيف
اصدرت في: 02/08/2016

على رصيف أغلب شوارع القاهرة لازم هتلاقي حد بيبيع نظارات غير أصلية رخيصة، بيترواح ثمنها من 10 جنيه لحد 200 جنيه، أيوة ماتستغربش فيه ناس ممكن تبيع لك النظارة بـ 200 جنيه بحجة أنها "هاي كوبي" زي ما بيقولوا، وبسبب أن النظارات الأصلية غالية شوية في ناس كتير بتفضل تشتري التقليد، لكن أطباء العيون بيحذروك من 5 أضرار للنوع ده من النظارات.

 

الأشعة فوق البنفسجية!

لما بتشتري نظارة بيكون هدفك تحمي عينيك من الأشعة الفوق بنفسجية، مادة اسمها Ultra violet protection، وللأسف المادة دي مش رخيصة، وبالتالي هي مش موجودة في النظارات التقليد، وبالتالي عينيك هتكون في خطر كبير، ليه؟ علشان العين هتتعرّض لكمية كبيرة من الأشعة اللي بتقلل كمية الغدد اللي بتفرز الدمع والمسؤولة عن رطوبة العين وده بيؤدي لجفافها، وممكن كمان بحسب تاكيدات أطباء كتير يؤدي لتقرحات أو تشققات في القرنية.

 

نظرك في خطر!

السبب الثاني اللي يخليك تبعد تمامًا عن النظارات التقليد هو أن الأصلية بتكون عدستها مصنوعة من سطح مصقول ومضبوطة بالمللي، بعكس التقليد اللي بتكون فيها أبعاد الرؤية غير صحيحة، وبالتالي أنت شايف غلط! وده ممكن يضر عينيك جدًا.

 

حساسية جلدية!

كمان في نظارات الرصيف بيكون الإطار مصنوع من مواد غير نقية ممكن تسبب حساسية للجلد.

 

الصداع!

لأسباب طبية كتير ممكن تحس بصداع شديد لما تلبس نظارة غير أصلية، السبب أن عدساتها مش مضبوطة وبالتالي أنت مش بتشوف بطريقة سليمة أو طبيعية بسبب وجود خدوش في عدسات النظارات التقليد وومكن ماتكونش باينة ليك.

 

أعراض جانبية!

زي ما قولنا النظارات التقليد مش هتحمي عينيك من الأشعة الضارة للشمس، وده ممكن يؤدي لعرض جانبي خطير، وهو تكون مياه بيضاء في العين. ده غير أن عدسات النظارات التقليد لما بتتعرض للشمس بترفع درجة الحرارة بين النظارة والعين وده بيسبب جفاف وتعرق العيون وممكن يؤدي لأنواع من البكتريا المضرة للعين.

 

وفي النهاية.. أمامك حل من أثنين أما أنك تشتري نظارة أصلية أو بلاش خالص وتكفي بأنك تلبس كاب يحميك من الشمس، وبلاش تمشي في الشارع في الوقت من 11 الصبح لحد 4 العصر.

 

 

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
02/08/2016
-