الأفراح في كايرو: 10 من أهم الأسماء في عالم التجميل لكل عرائس كايرو - الحياة في كايرو Feature - كايرو 360
 







الأفراح في كايرو: 10 من أهم الأسماء في عالم التجميل لكل عرائس كايرو
الأفراح في كايرو: 10 من أهم الأسماء في عالم التجميل لكل عرائس كايرو
اصدرت في: 30/08/2016

الماكياج دلوقتي يعتبر نوع من أنواع الفنون، وطبعًا كل فن محتاج فنان يبدع فيه. بقالنا كام سنة بنشوف في مصر والشرق الأوسط زيادة في عدد خبراء التجميل زي العلامات التجارية المسجلة.

يمكن ماكياج العروسة يعتبر جزء صغير من الفرح، لكنه أكيد من أهم الحاجات في يوم الفرح، وطبعًا أي عروسة محتاجة خبير تجميل محترف يخرج أحلى ما فيها ويخليها أحلى واحدة في الفرح.

تنفيذ الفرح أصلًا في حد ذاته يعتبر متعب جدًا للعريس والعروسة، ومن أصعب الحاجات فيه إنك تثقي في حد يعملك ماكياج الفرح، وعشان كده قررنا نجمع قائمة بأجمد خبراء التجميل في مصر.

مروة أباظة

أول اسم معانا هو مروة أباظة، خبيرة التجميل المعروفة واللي بتمتلك أكثر من 15 سنة خبرة في المجال، ومروة عندها سنتر تجميل في هليوبوليس ومعاها فريق من خبراء التجميل المحترفين المبدعين، وكلهم بيجتمعوا على هدف واحد وهو "إظهار الجمال الطبيعي للمرأة المصرية".

 دينا راغب

دينا راغب ماشية على مبدأ وهو "لو شكلك حلو، حياتك هتمشي حلو"، وعشان كده دينا بتستخدم ألوان ودرجات تليق على لون البشرة وتعمل شكل طبيعي وجذاب للبنت.

سالي راشد

سالي راشد الحاصلة على درجة الماجستير في إدارة الأعمال واللي قررت تمشي وراء حلمها وتكون من خبراء التجميل المعروفين حصلت على شهادات خبرة وتدربت على يد خبراء تجميل معروفين من ديور و YSLوجورجيو أرماني متخصصين في ماكياج العرائس وعارضات الأزياء. بنات القاهرة والأسكندرية يقدروا يستمتعوا بشغل سالي الرائع.

ياسمين عبيد

خبيرة تجميل صاعدة واعدة درست في لندن، كلامنا في النقطة دي هيكون على ياسمين عبيد المتخصصة في ماكياج العروسة وعارضات الأزياء. المعروف عن ياسمين شغلها الأنيق وأسعارها المعقولة جدًا، وكمان بتعمل شغل ينفع لكل المناسبات.

فاطمة بهجت

فاطمة بهجت الحاصلة على شهادة خبرة من فادي قطايا خبير التجميل اللبناني المعروف تعتبر من خبراء التجميل المحترفين والمعروف عنهم ماكياجهم البسيط الشيك والبعيد عن التكلف.

 عبد الله الرفاعي

خبير تجميل محترف متعته الحقيقية هي اللعب بالألوان المختلفة، وعبد الله الرفاعي فعلًا من الفنانين اللي بيعرفوا يعملوا ماكياج مميز ينفع لكل المناسبات ويحقق الشكل اللي في دماغك.

دينا ديميتري

صالون ديميتري في المهندسين متجهز بأحدث أجهزة ومستحضرات التجميل ومعاهم فريق من خبراء التجميل عندهم إمكانيات جبارة في استغلال الألوان والدرجات تخليهم يقدروا يعملوا شكل شيك وجرئ بأبسط الطرق.

 عائشة الغنام

لو عايزة شكلك يبهر كل اللي يشوفك، عليكي وعلى عائشة غانم، خبيرة التجميل المتواجدة على الساحة من 2009 واللي لها شعبية كبيرة من شغلها المبهر للعرائس.

مها يوسف

مها يوسف خبيرة التجميل الممتازة بتقدم موهبتها للعرايس من أكثر من 12 سنة. مها خلال السنين دي قدرت تكون شعبية كبيرة نتيجة شغلها الرائع لأي عروسة مش عايزة تخاطر بليلة عمرها.

مي أيمن

من ماكياج العرايس لغاية ماكياج عروض الأزياء، مي أيمن بتقدر تخرج الجمال الداخلي للبنت عن طريق شغلها الرائع، وبكده تقدر العروسة تظهر بأحلى شكل يوم فرحها، وطبعًا الصور هتطلع مالهاش حل.

 

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
هند صلاح الدين
حرر بواسطة:
هند صلاح الدين
تاريخ النشر:
30/08/2016
كاتبة