تعرف أن مصر فيها جامعة حكومية للتعليم عن بعد؟ - الحياة في كايرو Feature - كايرو 360
 







تعرف أن مصر فيها جامعة حكومية للتعليم عن بعد؟
تعرف أن مصر فيها جامعة حكومية للتعليم عن بعد؟
اصدرت في: 15/08/2016

التعليم عن بعد موجود في العالم كله، أنك تتعلم اللي نفسك فيه وأنت قاعد في بيتك، لكن في مصر الموضوع معقد شوية، لأن فيه فكرة أن الحكومة المصرية مابتعترفش بشهادات التعليم عن بعد، وده بيخلي ناس كتير تخاف تدرس أون لاين مع جامعات أجنبية، لكن اللي أنت ممكن تكون ماتعرفهوش أن مصر فيها جامعة حكومية بتديك شهادة بكالريوس أو ماجستير وأنت قاعد في بيتك، والشهادة معادلة للشهادات اللي بتمنحها الجامعات المصرية.. كايرو 360 هتقول لك التفاصيل.

الجامعة اللي بنتكلم عنها اسمها (الجامعة المصرية للتعلم الالكترونى) ودي منشأة بالقرار الجمهورى رقم 233 لسنة 2008، وحاليًا أعلنت عن فتح باب القبول للعام الدراسي 2016-2017، الجامعة بتوفر لك دراسة عن بعد، ولو حابب تحضر محاضرات تقدر تعمل ده من خلال فصول للجامعة موجودة في جامعات عين شمس، طنطا، وأسيوط.

الجامعة فيها كليات مختلفة، زي كلية الحاسبات وتكنولوجيا المعلومات، واللي بتوفر لك بكالوريوس الحاسبات وتكنولوجيا المعلومات، وتقدر تدرس كمان ماجستير هندسة البرمجيات، وفيه كمان كلية إدارة الأعمال اللي بتديك بكالوريوس الدراسات التجارية وإدارة الأعمال في تخصصات مختلفة زي، التمويل والاستثمار، التسويق، والمحاسبة.

تقدر كمان من خلال الدراسة في الجامعة المصرية للتعلم الإلكتروني تحصل على ماجستير إدارة الأعمال المهني، وده بيكون برنامج مشترك مع Eslsca. الجامعة فيها كمان كلية الدراسات التربوية، ده غير مركز للتعليم المستمر بيوفر دورات للدراسة عن بعد.

وكل شهادات الجامعة معتمدة من المجلس الأعلى للجامعات، يعني زيها زي أي جامعة مصرية حكومية، الفرق أنك تقدر تدرس وتشتغل في نفس الوقت.

المصاريف غالية شوية، لكن بالمقارنة بالجامعات الأجنبية اللي بتوفر لك دراسة عن بعد فهي أرخص بكتير.

موقع الجامعة:

www.eelu.edu.eg

وتقدر تكلمهم على رقم: 16541

أو تزورهم في المقر الرئيسي الموجود في 33 شارع المساحة الدقي.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
15/08/2016
-