دليلك لويك إند سعيد: حفلات لـ بساطة ومدحت صالح وستاند أب كوميدي لعلي قنديل - الحياة في كايرو Feature - كايرو 360
 







دليلك لويك إند سعيد: حفلات لـ بساطة ومدحت صالح وستاند أب كوميدي لعلي قنديل
دليلك لويك إند سعيد: حفلات لـ بساطة ومدحت صالح وستاند أب كوميدي لعلي قنديل
اصدرت في: 25/08/2016

مافيش يوم بيمر في حياتنا شبه التاني، حتى لو مر بشكل روتيني، ومافيش نفس بيخرج مننا زي التاني، علشان كده لازم تكون الأجازة برضه مختلفة، وده اللي بنحاول نساعدكم تعملوه من خلال دليل أحداثنا اللي فيه كل اللي هتحتاجوه لويك إند سعيد.

نبدأ بالنهارده الخميس، وفي مركز المصطبة للفلكلور المصري هيستضيف مسرح الضمة حفل لفرقة الرانجو والفن السوداني في وسط البلد، وسعر التذكرة 30 جنيه. كمان على مسرح ساحة روابط للفنون فيه عرض مسرحي بعنوان "نهاية أيام الأرض"، العرض من تقديم فرقة "Dionysus، وسعر تذكرة الحضور 25 جنيه.

أما في ساقية الصاوي بالزمالك فيه حفل ستاند أب كوميدي للكوميديان "علي قنديل"، وسعر تذكرة الحضور 40 جنيه لغير الأعضاء و35 للأعضاء. وبرضه في علبة ألوان بالزمالك فيه حفل موسيقي لفرقة "Peace of Sound"، وسعر تذكرة الحضور 50 جنيه.

وننتقل ليوم الجمعة، ولمحبي إعادة اكتشار معالم القاهرة فريق مشربية لتنشيط السياحة الداخلية عامل زيارة لمجمع الأديان بمصر القديمة، والدعوة عامة. كمان ساقية الصاوي عاملة أمسية شعرية موسيقية بعنوان "الوقت سرقنا" للشاعر أمين حداد مع فرقة اسكندريللا، سعر التذكرة 30 جنيه. ومن ضمن فعاليات مهرجان القلعة للموسيقى والغناء اللي بتنظمه دار الأوبرا المصرية هيستضيف محكى القلعة حفل للإنشاد الصوفي لفرقة "الإخوة أبو شعر"، وسعر التذكرة 5 جنيه. ومن ضمن فعاليلات نفس المهرجان فيه حفل غنائي للفنان "مدحت صالح"، وتذكرة الدخول بـ 5 جنيه. وفي المهرجان برضه حفل "لفرقة بساطة" في المسرح المكشوف، وسعر تذكرة الحضور 50 جنيه، وفي علبة ألوان بالزمالك فيه حفل موسيقي للفنان عمر غالي مع المزيكاتية، وسعر تذكرة الحضور 50 جنيه شاملة المشروبات.

ونختم بيوم السبت، ومن ضمن فعاليات مهرجان القلعة للموسيقى والغناء اللي بتنظمه دار الأوبرا المصرية هيستضيف محكى القلعة حفل غنائي للفنان "محمد الحلو"، وسعر دخول الحفل 5 جنيه. كمان فيه حفل لفرقة "المولوية المصرية" بقيادة المنشد الصوفي "عامر التوني" في ساقية الصاوي بالزمالك، وسعر التذكرة 35 جنيه.

ولعشاق المسرح مسرحية "ليلة من ألف ليلة" لسه مستمرة على المسرح القومي، بطولة الفنان القدير "يحيى الفخراني" ونجوم آخرين، وأسعار التذاكر: 30 للبلكون، و 50، 70، 100 للصالة. وكالعادة مركز إبداع وكالة الغوري فيه حفل التنورة، وسعر تذكرة حضور الحفل 5 جنيه.

لو عاوزين تعرفوا أكثر عن أحداثنا اللي بننشرها كل يوم على مدار الشهر تابعوا أجندتنا.

ويك إند سعيد!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
25/08/2016
-