جرب تفطر بيض مخبوز بطرق جديدة ومطرقعة - الحياة في كايرو Feature - كايرو 360
 







جرب تفطر بيض مخبوز بطرق جديدة ومطرقعة
جرب تفطر بيض مخبوز بطرق جديدة ومطرقعة
اصدرت في: 31/08/2016

اكترنا مابيفطرش.. كوباية النسكافيه على الريق وبنجري على الشغل أو الجامعة. رغم إصرار أهالينا على أهمية وفائدة الفطار.. إلا أننا نادرًا ما بنفطر أساسًا.. لكن الفترة الأخيرة بدأت تظهر توجهات للأكل وأسلوب الحياة الصحي بصفة عامة. وأساس الأكل الصحي هو الاتزان سواء في كمية الوجبة أو عدد الوجبات.

وطبعًا الفطار أهم وجبة في اليوم.. وبتفرق جدًا في نشاطنا اليومي وفي اكتسابنا للوزن بشكل عام. وبالتالي بقى لازم نهتم بالفطار أكتر وندور له على وصفات وطرق مختلفة للفطار.

وطبعًا البيض المخبوز من أفضل الاختيارات، دهون أقل وطعم أحلى ومابياخدش وقت.

كل اللى هتعمليه هتجيبي عيش تفتحيه وتفضيه من جوه (مش لازم كايزر ممكن فينو عادى أو باجيت).

وجواه هنحط الحشوة اللى ممكن تتغير.. دي بعض الأفكار ممكن تزودي عليها مكونات كتير:

تصوير كايرو 360 - إنجي مصلح

بيض وريحان وطماطم شيرى

بيض وسلامى وجبنة بارميزان

بيض وسلمون مدخن وبصل أخضر

بيض وسبانخ وجننة ريكوتا

الاختيارات غير محدودة .. جربوا حاجات تانية وقولوا لنا أختراعتكم.

 

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
إنجي مصلح
حرر بواسطة:
إنجي مصلح
تاريخ النشر:
31/08/2016
محررة بالموقع العربي، مهندسة معمارية مع وقف التنفيذ.. أم لكن عيلة جدًا.. وبتحب الأكل، وبتحب تصوره.