النهارده في القاهرة: عروض سينما كتير - الحياة في كايرو Feature - كايرو 360
 







النهارده في القاهرة: عروض سينما كتير
النهارده في القاهرة: عروض سينما كتير
اصدرت في: 16/10/2016

بداية أسبوع جديد، وحاجة متجددة لجرعة انبساط يومي علشان الدنيا تمشي خفيفة وحلوة، يا مسهل.

النهارده القاهرة واخدة سكة جديدة علينا معاها في فعالياتها، السينما تكسب، والحفلات والعروض المسرحية واخدين بريك.

بداية العروض السينمائية الكتير النهارده هتكون من سينما زاوية في وسط البلد اللي مكملة مع أفلام المخرج الراحل محمد خان، سلسلة عروض أبرز أفلام "خان" انطلقت تحت اسم: "موعد مع خان" وكانت البداية يوم 13 أكتوبر واستمرت بشكل يومي والختام هيكون 18 أكتوبر، بدء العرض بيكون في تمام السابعة والنصف مساءً، وسعر تذكرة الحضور 25 جنيه.

ثاني العروض معانا النهارده هيكون من المعهد الهولندي في الزمالك اللي هيتسضيف عرض للفيلم البلجيكي "Time of my life"، ميزة العروض هناك أنها بتكون منتقاة بعناية شديدة لمناسبة الشريحة المثقفة من الشباب، بداية العرض هتكون في تمام السابعة والنصف مساءً، والدعوة عامة.

ومن درب 17 18 في مجمع الأديان بمصر القديمة هتنظم سينما الفرن -ضمن جولتها في سينمات العالم- بالتعاون مع المعهد الدانمركي عرض للفيلم الوثائقي الدانمركي "The Act of killing"، العرض هيبدأ في تمام السابعة والنصف مساءً، والدعوة عامة.

آخر العروض هيكون في تمام الثامنة مساءً من روم آرت سبيس بجاردن سيتي في موعدها السينمائي الأسبوعي، والمرة دي الدور على الفيلم الكلاسيكي "Chaplin" من إنتاج سنة 1992، مافيش تذكرة حضور لكن الحد الأدنى للطلب من بوفيه روم بيكون 25 جنيه.

مشاهدة ممتعة، وأسبوع خفيف.. وسعيد.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
16/10/2016
-