كايرو360 هـ تخلّي العاصمة فعلاً بين إيديك: برنامجنا على الـ iPhone - الحياة في كايرو Feature - كايرو 360
 







كايرو360 هـ تخلّي العاصمة فعلاً بين إيديك: برنامجنا على الـ iPhone
كايرو360 هـ تخلّي العاصمة فعلاً بين إيديك: برنامجنا على الـ iPhone
اصدرت في: 19/10/2011

يمكن موقعنا عمره لا يزيد عن 18 شهر، لكن الدليل المتكامل للحياة في العاصمة أصبح لا غنى عنه لناس كثير بكل الأماكن اللي بـ نزورها ونكتب عنها وكل الأحداث الثقافية والفنية اللي بـ نفكركم بها يوم بيوم.

الحياة في كايرو ما بـ تقفش، والقاهريين كمان طول الوقت منطلقين. وبعد سنة من تقديمنا نسخة الموبايل من cairo360 اللي ممكن نتصفح من خلالها الموقع ومقالاته من على أي هاتف ذكي، المرة دي إحنا بـ نقدم لكم Cairo 360 iPhone App، برنامج جديد تقدر تحمله على الآيفون بتاعك. برنامج ظريف وسهل الاستعمال عليه آلاف المقالات النقدية وعناوين الأماكن والمطاعم والمحلات. من الآخر هـ نعرف نظبط يومنا وخروجاتنا وأماكن تجمعاتنا من خلال الشاشة الـ 3.5 بوصة في الآي فون.

تصفح موقع www.cairo360.com من الآي فون هـ يبقى أسهل بكثير من قبل كدة مع البرنامج الجديد، وهـ تقدر بلمسة صباع تعرف كل الأحداث الجديدة وتقرأ كل مقالاتنا بمجرد رفعها على الموقع، وتحدد من بدري يومك هـ يمشي إزاي وهـ تروح فين بالليل وإزاي تروح وهـ تدفع كام.. البرنامج الجديد هـ يخلي الحياة أسهل.

فيه أجندة توضيحية لكل الأحداث الثقافية والاجتماعية والفنية علشان تعرف بالضبط إيه اللي بـ يحصل في القاهرة وبـ يحصل فين، والأجمل من كده أنك تقدر تحفظ الأماكن والمطاعم والمحلات المفضلة من خلال البرنامج علشان تعرف أي أخبار أو مقالات جديدة اتنشرت بخصوصها بمجرد صدورها على الموقع.

لو مش بـ تفكر في حاجة معينة تعملها وبـ تحب المغامرات ممكن تضغط على كلمة Random والبرنامج هـ يرشح لك بشكل عشوائي مكان جديد علشان تأكل أو تشرب أو حتى ترقص فيه، أو يرشح لك ندوة أو مهرجان أو معرض تزوره من غير حتى ما تجهد نفسك في التفكير.

بالإضافة إلى معرفتك الفورية بالأفلام الجديدة المعروضة في كل السينمات وكل مواعيد الحفلات هـ تعرفها قبل أي حد، وهـ تقرأ مقالاتنا النقدية الخاصة بالأفلام دي. وتابع كمان كل أقسامنا الترفيهية زي المزيكا وبرامج التليفزيون الجديدة والكتب والروايات.

نقدر نقول أن برنامجنا هـ يبقى هو كمان لا غنى عنه لكل قاهري معاه آيفون، سواء كان كسلان ومش بـ ينزل كثير أو كان نشيط وبـ يروح في كل حتة. حمل البرنامج مجانًا من موقع Apple App Store وترقب برامجنا الجديدة القادمة للبلاك بيري والأندرويد وأجهزة ثانية كثير.

مزيد من الصور
  • كايرو360 هـ تخلّي العاصمة فعلاً بين إيديك: برنامجنا على الـ iPhone
  • كايرو360 هـ تخلّي العاصمة فعلاً بين إيديك: برنامجنا على الـ iPhone
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
19/10/2011
-