مشاوير: تجيب لك وتوصل لك أي حاجة في أي حتة! - الحياة في كايرو Feature - كايرو 360
 







مشاوير: تجيب لك وتوصل لك أي حاجة في أي حتة!
مشاوير: تجيب لك وتوصل لك أي حاجة في أي حتة!
اصدرت في: 24/12/2011

الساعة 9 الصبح، وأنت مزنوق في الزحمة، متأخر على شُغلك، ولسّه لازم تعَدّي على المكتب تعمل إيداع، أخذت الموبايل بتاعك علشان تدفع فاتورتك، توصل ملابسك للدراي كلين، وتختار هدية عيد ميلاد. لكن المعيشة في كايرو معناها أنك هـ تقف بالساعات في زحمة المرور، وده بـ يخلّي الدنيا شبه مستحيلة أنك تقدر تنجز كل المشاوير دي في يوم واحد، صح؟

عامة، ماتقلقش خلاص، «مشاوير» وصل!

إيه هو «مشاوير»؟

«مشاوير» يبقى خدمة شخصية بأسعار معقولة ومخصصة لتوفير وقتك ومجهودك عن طريق إنجاز كل مشاويرك اللي في القاهرة. الخدمة بـ تشتغل بـ 130 موتوسيكل، 10 سيارات، ومركب علشان تسهل إنجاز المهمات في كايرو. من أول تصوير الورق للتسوق، لحجز تذاكر الأتوبيس والقطار والطيران، دفع الفواتير، «مشاوير» هـ تقضي كل احتياجاتك بتكلفة معقولة.

والأحلى كمان أن نظام «مشاوير» بـ يمكنك من متابعة تقدم الأوردر بتاعك عن طريق تتبع كل التفاصيل باستخدام أجهزة PDA حديثة بـ يتم تحديثها عن طريقهم في الطريق وهما بـ يعملوا مشاويرك، علشان تقدر تتابع لمّا الأوردر بتاعك يوصل لهم ويتم تأكيده.

فين «مشاوير»؟

متوفر 24/7، 24 ساعة وكل أيام الأسبوع، وبـ يديره فريق محترف من ممثلين الخدمة، وبـ يقدم خدمات توصيل بفروع في المعادي، الدقي، الزمالك، المهندسين، العجوزة، مدينة نصر، مصر الجديدة، ووسط البلد في القاهرة.

بكام؟

التكلفة تتوقف على المسافة اللي هـ يتم بها المشوار/ المهمة، وعلى نوع وسيلة المواصلات اللي هـ تُستخدم (موتوسيكل أو سيارة).

أي نوع من المشاوير؟

«مشاوير» تقدر توصلك بالمحلات المفضلين لك، وتعمل لك كل التسوق من البقالة للإلكترونيات وحتى لوازم المكتب. ومشترياتك الجديدة هـ توصل لك لحد الباب.

تجنب الزنقة في زحام المرور اللانهائي وخلي «مشاوير» تحجز لك تذاكر القطار والأتوبيس والطيران والسينما والمسرح والحفلات. لو أنت بـ تسافر كثير، مواعيد سفرك هـ تتسجل على نظام «مشاوير»، وكل تذاكر وأوراق السفر هـ توصل لك أوتوماتيكيًا لحد باب بيتك قبل ميعاد السفر.

مع «مشاوير» مش هـ تحتاج أنك تقلق من الطوابير الطويلة، أو التدوير على ركنة للعربية. الخدمة هـ تدفع لك فواتير التليفون، الإنترنت، وكمان اشتراكك في خدمات التليفزيون (الجزيرة وOSN وإلخ..).

بالإضافة لكده كمان «مشاوير» بـ تقدم خدماتها للشركات بباقة سنوية بـ تقوم بإتاحة التوصيل وتخليص مهمات العمل 24 ساعة طوال أيام الأسبوع.

لمزيد من المعلومات عن خدمات «مشاوير» وأسعارها، تفضلوا بزيارةwww.mashaweeronline.com  أو اتصلوا على 19988 علشان تحسبوا تكلفة مشواركم.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
24/12/2011
-