دليل كايرو 360 للمؤسسات الخيرية فى رمضان 2012 - الحياة في كايرو Feature - كايرو 360
 







دليل كايرو 360 للمؤسسات الخيرية فى رمضان 2012
دليل كايرو 360 للمؤسسات الخيرية فى رمضان 2012
اصدرت في: 05/08/2012

رمضان شهر العطاء، وقت التأمل، والتوافق والحب. طبعًا إحنا بـ نشجع على أن السلوك ده يكون مستمر طوال السنة، لكن معظمنا بـ ينشغل وسط ضغط الحياة فى القاهرة وبسببها بـ ننسى قد إيه مهم أنك تقدم يد المساعدة، وأكيد مافيش حاجة تقدر تفكرنا بكده أحسن من الشهر الكريم. علشان كده جمعنا قائمة بأسماء الجمعيات الخيرية، ودى مجرد بعض الطرق اللى تقدر تشارك بها:

بنك الطعام المصرى

الفكرة بدأها مجموعة من رجال الأعمال علشان تقليل مشكلة الجوع عند كثير من المحتاجين، بنك الطعام المصرى واحد من أكبر المؤسسات غير الحكومية الموجودة من فترة طويلة. هما بـ يؤمنوا أن من حق كل إنسان أنه يلاقى أكل وعلشان كده بـ يحاولوا تبقى مصر خالية من الجوع بحلول سنة 2020. بنك الطعام المصرى قائم على فكرة بسيطة، أنهم يأخذوا الأكل الفائض بدل ما يترمى ويقدموه للمحتاجين. لمزيد من المعلومات اتصل على 16060.

فى رمضان، بنك الطعام المصرى بـ يقدم مشروع إفطار صائم للعائلات المحرومة وللناس اللى عايشين بعيد عن المدينة. شنطة رمضان ثمنها 60 جنيه وفيها الأساسيات زى أرز، وسكر، ومكرونة، وأنواع مختلفة من البقوليات، وصلصة طماطم، وشاى، وزيت، وملح، وقمر الدين وتمر مجفف.

تقدر تساهم بأكثر من طريقة، ممكن فى مكتبهم الرئيسى فى المقطم أو فروعهم فى سيتى ستارز، أو هايبر وان، أو معادى سيتى سنتر أو نادى هليوبوليس الرياضى. رقم حسابهم فى كل البنوك هو 888777 أو تقدر تتبرع من على الإنترنت، ولمعلومات أكثر عن المؤسسة، زوروا الموقع الرسمى لهم.

رسالة

مع 54 فرع منتشرين فى كل مصر وأكثر من 100,000 متطوع، دوافع رسالة مالهاش حدود. المنظمة غير الحكومية فعلاً مبهرة لأن عندها عشرين نوع من الأعمال الخيرية، من ضمنها العناية بالأيتام، ومساعدة الصم والبكم، والعمل مع الأطفال ذوى الاحتياجات الخاصة، ومحو الأمية ومحاولة تقليل نسبة الفقر وإعادة تدوير المنتجات، وكل دى بعض الأمثلة عن نشاط رسالة الخيرى.

علشان شهر رمضان، رسالة بـ تقدم طريقتين لمساعدة المحتاجين. تقدر تشترى شنطة رمضان بـ 55 جنيه، اللى فيها زيت، وسكر، ومكرونة، وأرز، وعدس، وفول وتمر مجفف، أو تقدر تختار الأصناف على مزاجك، وكمان ممكن توصل الشنط بنفسك أو هما يوصلوها. طريقة ثانية علشان تشارك بها فى رمضان هى شراء وجبة بـ 10 جنيه ويتم توصيلها للأسر. لمعلومات ثانية عن عبوات الأكل اتصل على 19450.

تقدر تدفع تبرعك فى حساب البنك الأهلى أو البنك المصرى الخليجى، أو اطلب أنهم يأخذوها منك من أى مكان تفضله.

لمزيد من المعلومات عن الجمعية زوروا الموقع الرسمى.

مصريون ضد التمييز:

اسم المؤسسة دى "مصريون ضد التمييز"، والاسم ده فعلاً معبر عن فكرة المشروع. من غير كلام عن السياسة، أو الانتماء الدينى أو أى ولاء لمجموعة بعينها، مصريون ضد التمييز كل هدفها هو تحقيق المساواة بين كل المصريين. الجمعية الخيرية هدفها جعل البلد ملك لكل الناس بعيدًا عن التحيز، وتشجيع الكل أنهم يعملوا كده علشان نوصل لهدفنا وهو التطوير وخلق مجتمع مصرى متجانس.

خصوصًا فى نصف رمضان الثانى، وفى حالة أنك تأخرت فى المشاركة فى أى عمل خيرى، مصريون ضد التمييز بـ تنظم شنط رمضان علشان توصل للمحتاجين. مافيش مبلغ معين مطلوب دفعه، المجموعة بـ تشجع كل واحد أنه يتبرع على قد ما يقدر. التبرعات دى بـ تساهم فى تجميع أكبر عدد ممكن من الشنط، آخر موعد لإرسال التبرعات يوم 6 أغسطس لأن ده موعد توزيع الأكل.

للتبرعات أو لمزيد من المعلومات عن المؤسسة اتصل على 01118446739 أو زور صفحتهم على الفيسبوك.

دار الأورمان:

جمعية خيرية ثانية بـ تركز على المحتاجين بدون تفرقة أو تمييز هى دار الأورمان. مع تأسيسها سنة 1993 المؤسسة غير الحكومية بـ تستقبل التبرعات المادية والعينية علشان تنفذ مشروعاتها الاقتصادية والاجتماعية. تركيزهم الأساسى بـ يبقى على الأيتام، والتعليم، وعلاج مرضى السرطان.

فى شهر رمضان، طريقتين تقدر تقدم بهم يد المساعدة. دار الأورمان بـ توفر شنطة رمضان سعرها 80 جنيه علشان يتم توصيلها لأفقر وأبعد القرى. المؤسسة كمان بـ تعمل على تطوير المناطق المهملة بأنهم يبنوا خطوط مياه وكهرباء اللى بدورها بـ تحتاج لتكاليف، المشروعات دى بـ ترحب بأى تبرعات تُقدم لها.

التبرع ممكن يتم من خلال عدد من الحسابات البنكية، تقدر تشوف القائمة الكاملة من هنا. أو تقدر تطلب أنهم يأخذوا منك التبرع من أى مكان تفضله.

لمزيد من المعلومات عن دار الأورمان اتصل على 19455 أو زور الموقع الرسمى.

ميلز فور أيه كوز (وجبات من أجل قضية):

بطريقة مختلفة شوية، اليجريس لخدمات الـ Catering بـ يقوموا بدورهم فى رمضان وعندهم شنط رمضان جاهزة للتوزيع طوال الشهر. الشنط أسعارها بـ تبدأ من 25 جنيه وهما بـ يوصلوها لأى جمعية خيرية أنت تختارها.

عندهم سبعة أنواع من الوجبات، مثلاً وجبة مكونة من فراخ، وأرز، وخضروات، وسلاطة، وخبز، وعصير وحلويات. وكل ما الطلب كان حجمه كبير، الأسعار بـ تبقى أحسن.

لمزيد من المعلومات عن Meals for a cause اتصل على 01006367746 أو ادخل على صفحتهم على الفيسبوك.

إيه هى المؤسسات الخيرية الأخرى؟

للحصول على قائمة فيها مؤسسات خيرية أو مبادرات أخرى، تقدر تدخل على موقع خيرنا.كوم وتقرر إزاى تقدر تشارك فى أى من المؤسسات والفعاليات الكثيرة الموجودة، وده بـ يكون فى أى وقت على مدار السنة.

رمضان كريم!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
05/08/2012
-