بطولة الـ Paintball للجامعات الخاصة من The Idea في القاهرة - الحياة في كايرو Feature - كايرو 360
 







بطولة الـ Paintball للجامعات الخاصة من The Idea في القاهرة
بطولة الـ Paintball للجامعات الخاصة من The Idea في القاهرة
اصدرت في: 12/03/2014

من كل الأنشطة الرياضية الممتعة في مصر مافيش حاجة أحلى من أنك تقعد يوم ترمي على صحابك كُور من الجيلاتين اللي مليانة ألوان، أيوه إحنا بـ نتكلم عن الـ Paintball.

لعبة الـ Paintball مشهورة عالميًا من الثمانينات تقريبًا بس هي انتشرت في مصر من حوالي 6 سنين كده وبقيت أكثر لعبة مفضلة عند المصريين في القاهرة.

في حاجة في لعبة الـ Paintball بـ تخليك تحس بالجانب التنافسي بينك وبين اللي بـ تلعب معاهم أول ما بــ تلبسوا اللبس بتاع اللعبة اللي بــ يحسسك أنك في حرب فعلاً، شركة تسويق "The Idea" مكانها في القاهرة وقررت تعمل زي مسابقة بين الجامعات الخاصة في القاهرة وهــ يمتد لمدة أسبوع.

الإيفنت ده هـ يكون برعاية تي إي داتا، سي & كو، مولتو، نولا كب كيكس، تي بي إس، مارليز كيتشن، ليو جيم، جوميا، بلو ماكس، مجلة تين ستاف، مجلة كلمتنا، مجلة سبورتس أند فيتنيس، مجلة ذا دوم، كايرو جوسيب، فكرة المسابقة إيه بقى؟.. أنهم يخلوا جامعة تأخذ لقب بطولة الـ Paintball من الجامعات الخاصة دي: "الجامعة الألمانية - جامعة المستقبل - جامعة مصر الدولية - جامعة الأهرام الكندية - الكلية الدولية الكندية - الأكاديمية العربية للعلوم والتكنولوجيا، الجامعات دي هــ تتنافس ضد بعضها وزي ما بـ يقولوا هــ يبقى لقاء العمالقة.

أول يوم هــ يبقى في الـ GUC يوم 16 مارس هـ نشوف فيها فرق من الجامعة علشان يأخذوا منهم ناس تمثل جامعتهم في النهائيات، وهــ يبقى فيه بطولة افتتاحية داخلية في الــ GUC من (16 - 19 مارس)، وبعد كده لـطلاب BUE من (23 - 25 مارس)، FUE من (30 - 1 أبريل)، MIU أيام (2 - 3 - 6 أبريل)، ACU من (8 - 10 أبريل)، CIC القاهرة الجديدة أيام (14 - 15 أبريل)، CIC الشيخ زايد أيام (16 - 17 أبريل) ، AAST من (28 - 30 أبريل)، بعد كده هـ يبقى فيه تصفية بين كل الجامعات في أقرب وقت بعد شهر أبريل.

بعد كل ده كلنا عارفين أن مستوى الأنشطة الرياضية في جامعات مصر مش زي نظيرها في جامعات بره بس المرة دي الموضوع هــ يعجبكم، أهم حاجة كل واحد يشوف أكثر أشخاص شاطرين في اللعبة دي في الجامعة بتاعته ويجمعهم ويروحوا، وافتكروا أن الـ Paintball مش مجرد لعبة فاللي هــ يروح يحط في دماغه أنه يا هــ يكسب.. يا هــ يكسب، ما حدش يقبل بالخسارة، علشان روح المنافسة تعلى.

يلا بينا على المعركة.. علشان تعرفوا معلومات أكثر عن الحجز اضغطوا هنا.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
12/03/2014
-