واصلينز: تضييق الفجوة بين شباب مصر وقطاع الأعمال - الحياة في كايرو Feature - كايرو 360
 







واصلينز: تضييق الفجوة بين شباب مصر وقطاع الأعمال
واصلينز: تضييق الفجوة بين شباب مصر وقطاع الأعمال
اصدرت في: 06/05/2014

لازم نعترف أن الشباب المصرى طوال عمره بـ يعانى من التجاهل. أوضح مثال على كلامنا هو دخوله فى المرحلة الصعبة من انتقاله من مرحلة التعليم المهلهلة للحياة العملية.

صحيح الموضوع ظاهر بوضوح فى مشكلة البطالة، الجزء الأكبر منه مش فكرة عدم وجود شغل أو مافيش تعيينات، المشكلة فعلاً هى الفجوة بين الشباب -اللى نسبتهم بين 70: 80% من المجتمع المصرى- والناس المتحكمة فى الموارد القادرة على خلق تغيير حقيقى، الموضوع ده فعلاً هو المقيد لصوت الشباب، وكأنهم مش موجودين أصلاً.

عندك آلاف من التلاميذ المتخرجين كل سنة بدون أى تحضير، وحتى مش عارفين مستنيهم إيه! الوصول للشركات الكبيرة أصبح حاجة مخيفة، الاختيار بقى صعب والإبداع تحول من أنه يكون ميزة للشخص، ده كمان ممكن يكون عائق له بشكلٍ ما.

مع بدايتها فى مارس 2012 تحت إشراف مجموعة مايند شير MindShare الرائدة التابعة لمنظمة MENA، "واصلينز – Wasleens" مهمتها تتلخص فى "تقليل الفجوة بين المستهلكين والشركات من وجهة نظر الشباب"، من أهدافهم كمان تحضير الشباب أنهم يكونوا من الرواد فى عالم البيزنس فى المستقبل.

عن طريق توفير الفرصة للشباب أنهم يطبقوا إبداعتهم على حالات واقعية، وفى نفس الوقت مساعدة البيزنس على الوصول لمجتمع كبير من الموظفين المبدعين، واصلينز بـ يحاول يساعد على اكتشاف المواهب الموجودة فى المنطقة.

فكرة واصلينز هى تجميع مجموعة يزيد عددها عن 200 عضو من جامعات ومدارس مختلفة، واستخدامهم كوسيط بين الطلبة والخريجين والمسوقين، وبالطريقة دى يقدر يساعد المشروعات أنها توصل للشباب بطريقة أسهل عن طريق الأفكار، تفعيل أبحاث الشباب والفراسة فى الاختيار. بالشكل ده، الشباب المصرى بـ يستفيد من التعرض للسوق بشكل حقيقى والحصول على خبرة مش ممكن يحصل عليها لا فى الجامعة ولا المدرسة. عن طريق كورسات تدريبية وورش عمل من مايند شير، واصلينز بـ يحاول يرتقى بكفائة الخريجين وبناء حوار مثمر مفتوح.

لمعلومات أكثر عن واصلينز اضغط هنا.

مزيد من الصور
  • واصلينز: تضييق الفجوة بين شباب مصر وقطاع الأعمال
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
جاسر الصفتى
حرر بواسطة:
جاسر الصفتى
تاريخ النشر:
06/05/2014
-