رمضان 2014 في القاهرة: الليالي الرمضانية في أفضل فنادق القاهرة - الحياة في كايرو Feature - كايرو 360
 







رمضان 2014 في القاهرة: الليالي الرمضانية في أفضل فنادق القاهرة
رمضان 2014 في القاهرة: الليالي الرمضانية في أفضل فنادق القاهرة
اصدرت في: 30/06/2014

 شهر رمضان لما بـ ييجي بـ يغير معالم القاهرة تمامًا بأجواءه المميزة؛ صحيح الكل بـ يستعد لساعات صيام طويلة في الحر، بس متحمس لفكرة أنه هـ يروح بدري من الشغل، ده غير الولائم والسهرات المشهور بها الشهر الكريم.

طبيعي جدًا أن كل المطاعم الموجودة في أنحاء القاهرة تقوم بتحضيراتها المخصوصة لشهر رمضان. بس الموضوع هـ يبقى فيه كلام ثاني تمامًا لما أفخم الفنادق العالمية بالقاهرة تقدم لنا خيام رمضانية.. خذ عندك:


فيرمونت نايل سيتي

خيمة "باب النيل" الرمضانية معروفة لكل عشاق السهرات الرمضانية المميزة، الخيمة بها شاشات لعرض مباريات كأس العالم، ومسلسلات وبرامج رمضان... كل ده على الرووف بجانب حمام السباحة.

ده غير أن مطعم نابا جريل بالفندق بـ يقدم بوفيه إفطار بسعر 280 جنيه. للحجز، اتصل بـ 0224619494.

 

فيرمونت هليوبليس

فندق فيرمونت هليوبليس تعاون مع أسماء كبيرة في عالم تنسيق الفعاليات زي: Events Pluw, Event House و Promovision علشان يعيدوا لخيمة "سي عمر" المشهورة مجدها القديم في رمضان 2014، الخيمة بـ تقدم وجبتي الإفطار والسحور. ده غير أنك ممكن تتفرج على مباريات كأس العالم وأنت بـ تشرب شيشتك المفضلة. للحجز، اتصل بـ 16989

 

ميريديان المطار

دي تعتبر أول طلعة رمضانية لميريديان المطار بخيمة مطعم إيفو اللي بـ يقدم أشهى الأطباق على بوفيه الإفطار والسحور. للحجز اتصل بـ 0222659600.

 

سميراميس إنتركونتننتال

من بداية مباريات كأس العالم و"كابويرا لاونج" بسميراميس إنتركونتننتال بـ يحتضن مئات المشجعين بـ تقديمه أحسن خدمة، وأحسن جو للتشجيع في القاهرة كلها. كابويرا هـ يستمر كخيمة رمضانية بعد انتهاء بطولة كأس العالم. للحجز، اتصل بـ 0227971818.


فور سيزون فيرست ريزيدنس

فندق فور سيزون فيرست ريزيدنس مشهور بفخامته، وفي رمضان، خيمة "لا جورمانديز" الرمضانية بـ تزيد من فخامة المكان وخصوصًا بتصميمها المودرن البعيد عن الشكل التقليدي المستهلك. خيمة "لا جورمانديز" ومطعم أورا بـ يقدموا العديد من المختارات الشهية سواء للإفطار أو السحور. للحجز اتصل بـ 0235671600.

لا جورمانديز

بوفيه إفطار: 300 جنيه

منيو السحور الجاهز: 200 جنيه

اختيارك من منيو السحور: 150 جنيه كحد أدنى للطلبات

أورا

منيو الإفطار الجاهز: 280 جنيه

منيو السحور الجاهز: 220 جنيه

اختيارك من منيو الإفطار: 150 جنيه كحد أدنى للطلبات

اختيارك من منيو السحور: 150 جنيه كحد أدنى للطلبات

للحجز، اتصل بـ 0235671600.

 

فورسيزون نايل بلازا

بعكس فندق فورسيزون فيرست ريزيدنس، فورسيزون نايل بلازا مش عامل خيمة رمضانية السنة دي، ولكن مطاعمه بـ تقدم مجموعة من الأطباق المختلفة والمتنوعة للإفطار والسحور.

المطعم اللبناني زيتوني بـ يقدم بوفيه مليان بالأطباق الشرقية والمصرية بالذات. أما جانب حمام السباحة فمطعم بوول جريل بـ يقدم إفطار وسحور ومجموعة متنوعة من نكهات الشيشة.

ده غير مطعم بيلا، اللي بـ يضيف نكهة إيطالية لوجبة الإفطار. للحجز اتصل بـ 0227917000.

 

سوفيتل الجزيرة

سوفيتل الجزيرة بالزمالك، هو واحد من أشهر الفنادق المتميزة بمطاعمها الممتازة، واللي بـ تقدم منيوهات رمضانية متنوعة:

الكبابجي

منيو إفطار جاهز: 195 جنيه

منيو سحور جاهز: 140 جنيه

لا بالميراي

منيو إفطار جاهز: 240 جنيه

منيو سحور جاهز: 140 جنيه

سود

منيو إفطار جاهز: 190 جنيه

منيو سحور جاهز: 140 جنيه

للحجز، اتصل 0227373737.

 

ورمضان كريم!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
30/06/2014
-