دليل أحداث نهاية الأسبوع: بانوراما الفيلم الأوربي، وحفلات إسكندريلا، ونسمة عبد العزيز، وعرض أوبرا توسكا - الحياة في كايرو Feature - كايرو 360
 







دليل أحداث نهاية الأسبوع: بانوراما الفيلم الأوربي، وحفلات إسكندريلا، ونسمة عبد العزيز، وعرض أوبرا توسكا
دليل أحداث نهاية الأسبوع: بانوراما الفيلم الأوربي، وحفلات إسكندريلا، ونسمة عبد العزيز، وعرض أوبرا توسكا
اصدرت في: 27/11/2014

آخر الأسبوع الواحد بـ يبقى محتاج حاجة خفيفة يضبط بها مزاجه، خروجة مختلفة مع الأصحاب تجدد النشاط للأسبوع الجاي، والأسبوع ده هـ نكمل معاكم بانوراما الفيلم الأوربي اللي بـ يعرض أفلام مختلفة وممتعة، وأحداث ثانية كثير.

نبدأ بيوم الخميس اللي مليان عروض أفلام كثير من جميع البلاد الأجنبية، في بانوراما الفيلم الأوربي واللي تقدر تشوفها من خلال الأجندة.

ولو عاوز تستمتع بحفلات تمتعك بروح الفن الراقي، هـ تنبسط قوي في حفلة فرقة إسكندريلا في دار الأوبرا المصرية على المسرح المكشوف، أو حفلة حفل محمود ماهر ومروان فوزي فى علبة ألوان، وسعر التذكرة 30 جنيه.

لكن لو عاوز تعمل دماغ أوبرا، روح "عرض أوبرا توسكا" على المسرح الكبير بدار الأوبرا المصرية، وده عرض لرائعة بوتشيني أوبرا "توسكا"، العرض من إخراج عبد الله سعد، وقيادة الأوركسترا لديفيد كريشنزي، والتذاكر متاحة بشباك الحجز.

الفن الجميل ما يشعرش به إلا روح جميلة وما يعملوش إلا فنان محترف، وده اللي لقيناه في معرض المولد في قاعة الزمالك للفن للفنان عماد إبراهيم وبـ ننصحكم تروحوه، وممكن تشوفوا موضوعنا عنه من هنا.

ولعشاق المولوية المصرية، هـ تلاقوا عرض المولوية على مسرح الجمهورية النهارده.

ننتقل ليوم الجمعة وحفل الفنانة نسمة عبد العزيز بدار الأوبرا المصرية، والتذاكر متاحة بشباك الحجز. ولو عاوز تنشط حسك الفني، حفلة أيامنا الحلوة بساقية الصاوي، وسعر التذكرة 30 جنيه لأعضاء الساقية و35 جنيه لغير الأعضاء، وطبعًا عرض الأراجوز وخيال الظل في بيت السحيمي، والدعوة عامة.

أما يوم السبت ففيه معارض فنية كثيرة ممكن تشوفوها من الأجندة، ولمحبي الرقص الحديث، فيه على مسرح الفلكي عرض بعنوان "عصايا ملوي"، وهو عرض لفن التحطيب المصري ممزوج بروح الرقص الحديث. تصميم الرقصات لداليا العبد، والعرض من إنتاج مركز مدحت فوزي لفنون العصا بالتعاون مع فرقة "الورشة" المسرحية. وسعر التذكرة 10 جنيه، ونختم بحفلة التنورة في مركز إبداع الغوري وسعر التذكرة 5 جنيه.

طبعًا إحنا كل يوم بـ نحدث الأخبار اللي بـ ننشرها في الأجندة، وهـ تستمتع أكيد أكثر لما تتابع الأحداث يوم بيوم على مدار الشهر من أجندتنا.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
27/11/2014
-