دليل أحداث نهاية الأسبوع: حفل الطنبورة وبابل الخلق وHOH وستاند أب كوميدي - الحياة في كايرو Feature - كايرو 360
 







دليل أحداث نهاية الأسبوع: حفل الطنبورة وبابل الخلق وHOH وستاند أب كوميدي
دليل أحداث نهاية الأسبوع: حفل الطنبورة وبابل الخلق وHOH وستاند أب كوميدي
اصدرت في: 07/01/2016

بدأنا سنة جديدة فيها حاجات كثيرة لسه ما اكتشفنهاش سواء أماكن أو بلاد، لسه فيه أمنيات كثيرة نفسنا ربنا يساعدنا نحققها، ونتمنى أن يبقى جواكم نفس السعادة والتفاؤل مش بس بالسنة الجديدة، لأ ده بكل يوم ربنا خلانا نعيشه زيادة، كل يوم فيه نعمة جديدة، وإحنا كالعادة بـ نحاول نوفر لكم أفضل الأحداث اللي تساعدكم تقضوا ويك إند لطيف في القاهرة.

نبدأ بيوم الخميس وحفل موسيقي استعراضي لفرقة Kafe pa3، واللي هـ تقدم موسيقى Rumba وFlamenco في دار الأوبرا المصرية على المسرح الكبير، وأسعار التذاكر 250 - 200 - 150 جنيه. كمان هـ تلاقوا في ساقية الصاوي على مسرح قاعة الحكمة حفلان لعرض "أم كلثوم تعود من جديد"، واللي هـ يقدمه مسرح الساقية للعرائس على أنغام أغنيتي "فات الميعاد - الحب كله"، وسعر التذكرة 15 جنيه لغير الأعضاء، ولأعضاء الساقية 10 جنيه.

كمان لمحبي الموسيقى البورسعيدية الأصيلة فيه حفل فرقة الطنبورة على مسرح الضمة، وسعر التذكرة 30 جنيه. أما لو عاوزين تهدوا أعصابكم علبة ألوان عاملة حفل موسيقي يقدمه ثنائي "سمازن"، واللي هـ يقدموا موسيقى روحية بشكل مختلف، وسعر التذكرة 40 جنيه.

وننتقل ليوم الجمعة وحفل HOH في ساقية الصاوي، هـ يتجمعوا ثلاثي HOH (هاني عادل - أوسو - هاني الدقاق) في قاعة النهر، وسعر التذكرة 75 جنيه. كمان فيه بمسرح الضمة حفل لفرقة "بابل الخلق" واللي هـ تقدم مجموعة من الأغاني اللي بـ تمزج بين حضارة مصر والعراق، وسعر التذكرة عند الباب 10 جنيه.

أما لمحبي الموسيقى الهادية هـ تلاقوا في دار الأوبرا المصرية على المسرح الصغير حفل موسيقي للفنان صبحي بدير والأصدقاء، والتذاكر متاحة بشباك الحجز، وكعادة كل يوم جمعة وعرض الأراجوز وخيال الظل في مركز إبداع بيت السحيمي، والدعوة عامة.

ونختم بيوم السبت وحفل لأوركسترا القاهرة السيمفوني على المسرح الكبير في دار الأوبرا المصرية واللي بعنوان Armenian Flair، وهـ تعزف فيه الأوركسترا أعمال للفنان سون سانس، آرام خاشتوريان وهرانت كشيشيان، والفرقة بقيادة هاروت فازليان وهـ يصاحبها على البيانو سايمون جرياشي، والتذاكر متاحة بشباك الحجز. كمان في ساقية الصاوي فيه حفل ستاند أب كوميدي هـ تقدمه فرقة "الحزب الكوميدي" في قاعة الحكمة، وأسعار التذاكر 30 جنيه لغير أعضاء الساقية، و25 جنيه للأعضاء.

أما لمحبي الأفلام غير المعتادة ماجنوليا عارضة فيلم بعنوان Psycho، واللي بـ يحكي عن امرأة يقودها حظها السيء للبيات في نزل يملكه شاب غريب، والحد الأدنى للطلبات 20 جنيه. ونختم كالعادة بحفل التنورة في مركز إبداع وكالة الغوري، والتذكرة بـ 5 جنيه.

لو عاوزين تعرفوا أكثر عن أحداثنا اللي بـ ننشرها كل يوم على مدار الشهر تابعوا أجندتنا.

ويك إند سعيد!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
07/01/2016
-