جوائز محرري كايرو 360 لأفضل محلات بيع منتجات الصحة والجمال ‏لعام 2016 - صحة ولياقة Feature - كايرو 360
 







جوائز محرري كايرو 360 لأفضل محلات بيع منتجات الصحة والجمال ‏لعام 2016
جوائز محرري كايرو 360 لأفضل محلات بيع منتجات الصحة والجمال ‏لعام 2016
اصدرت في: 23/05/2016

صحيح القائمة اللي في المقال ده صغيرة، إلا أنها مهمة جدًا لكل الناس اللي بتهتم بجمالها الخارجي. نعتقد أن فيه ناس كثير مهما استمتعوا بالشوبينج مش هيحسوا بجماله غير لو دخلوا المحلات اللي بتقدم منتجات الصحة والجمال وكملوا شوبينج هناك. فيه انبساط من نوع خاص بتعمله منتجات الجمال في النفسية، حتى لو مش كل وقت هنستعملها إلا أنها بتفرق مع الواحد. المهم... دي يا جماعة أفضل الأماكن اللي بتقدم منتجات الصحة والجمال:

 

بلووم – Bloom:

أكبر مكان بيجمع منتجات الصحة والجمال في القاهرة، من أول الأدوية لحد ماركات المكياج والبرفانات العالمية، ده غير مجموعة المنتجات الخاصة بالأمهات وحديثي الولادة. عشاق منتجات الصحة والجمال هيبقوا فاهمين أننا مش بنبالغ لما نقول أن بلووم من أكثر الأماكن المبهجة بالنسبة لنا.

 

بودي بيكس – Body Bakes :

بالرغم من أن فيه أسماء كثيرة بتقدم مستحضرات تجميل وعناية بالبشرة مصنوعة من مكونات طبيعية، إلا أن أغلبها ماركات عالمية. بودي بيكس مش بس ماركة مصرية نفتخر بإنتاجها، دي كمان عندها مجموعة كبيرة من المنتجات المصنوعة من مكونات طبيعية ممكن تلاقيها في مطبخك، وكلها روايحها تجنن.

 

نفرتاري – Nefertari:  

مصري 100%؛ المنتجات بالمكونات وحتى الفكرة والتنفيذ كله من مصر. نفرتاري من الأماكن اللي بتتميز بمصداقية وقدرت أنها تحقق مجموعة كبيرة من المنتجات اللي مصنوعة من مكونات طبيعية وبدون مواد حافظة، ده غير مجموعة المنتجات القطنية والكتان اللي ما فيش بيت يستغنى عنها.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
23/05/2016
-