المصريين بـ يحبوا الجمال وبـ يهتموا به، ومؤخرًا فيه إضافة جديدة لساحة الجمال في القاهرة هو «10» في الزمالك.

موجود في شارع ميشيل لطف الله بجانب فندق الماريوت، هـ تلاقي "10" في مبنى لونه فاتح وشكله من بره ملون بلون البمبى المنور والأخضر. يصفوه بأرض الجمال وبـ يقدم خدمات أكثر من الباديكير، والمانيكير والحواجب. "10" بـ يقدم كمان عناية بالبشرة الطبيعية، الماكياج وكمان التاتو.

ألوانه اللي شكلها عصري جدًا من الخارج بـ يقابلها فرش أبيض وحوائط بيضاء من الداخل. المحل منقسم إلى جزء للباديكير بجانب الشباك وجزء للمانيكير وكرسي للميك أب وغرفة داخلية للعناية بالوجه والتاتو.

المانيكير أسعاره أكثر شوية من الأماكن الثانية، المانيكير العادي هـ يكلفك 40 جنيه والباديكير بـ 60 جنيه، كمان بـ يقدموا أظافر أكليريك بـ 350 جنيه ونوع جيليش بـ 120 جنيه. بس لو بـ تدوري على حاجة مختلفة ممكن تجربى فن الأظافر عندهم بـ 40 جنيه، الليوبارد أو شكل جلد النمر اختيار كويس وكمان مزيج الألوان على الأظافر وممكن تختار مانيكير فرنساوي مع الأسود أو الذهبي.

العناية بالبشرة عندهم مختلفة لأنهم بـ يستخدموا مكونات طبيعية. الكريمات والمستحضرات المستخدمة كلها مصنوعة يدويًا بمكونات خارجية أو محلية ممزوجة مع بعضها بنتيجة مذهلة. تكلفة العلاج 150 و200 جنيه ويتضمن ماسك الطين، سكراب السكر والليمون للبشرة الدهنية، سكراب العسل والسكر، ماسك تقشير بالنعناع وماسك الفراولة وماسكات الزبادي والعسل والأفوكادو وسكراب الشوفان.

الغرفة اللي بالداخل فيها إضاءة أكثر واقترحوا علينا ماسك خفيف علشان البشرة الحساسة، بـ يشتغلوا وهم لابسين قفازات، العملية بدأت بكريمات كثيرة بـ تتحط وتتشال. وبعد كده بـ يخرج الوجه منور ومحمر وصافي. ده شيء مميز جدًا في المكان لأن صعب قوي تلاقي مكان بـ يفهم إزاي ممكن يتعامل مع البشرة الحساسة.

رغم أن إحنا ما عملناش تاتو بس كان فيه شخص غيرنا بـ يعمله، السعر بـ يبدأ بـ 100 دولار، والتاتو حجم متوسط بـ 600 جنيه تقريبًا. أما الماكياج العادي بـ 350 جنيه والماكياج الفني بـ 450 جنيه.

في وقت زيارتنا لصالون "10" كان لسه ناقص تحضيرات بسيطة لأنه كان لسه فاتح اليوم اللي قبله. بس الجو العام منعش والخدمة جديدة وكويسة مش موجودة في أي مكان ثاني وعلشان كده يعتبر من الأماكن اللي ممكن نقف عندها في أي وقت علشان نضبط نفسنا.