سمارت كامب: تزلج على الرمال وكرة قدم فى ملعب صابون في طريق مصر إسماعيلية الصحراوي - صحة ولياقة Feature - كايرو 360
 







سمارت كامب: تزلج على الرمال وكرة قدم فى ملعب صابون في طريق مصر إسماعيلية الصحراوي
سمارت كامب: تزلج على الرمال وكرة قدم فى ملعب صابون في طريق مصر إسماعيلية الصحراوي
اصدرت في: 10/09/2012
كثير بـ ندور على أماكن نقضي فيها يوم كامل ونمارس أنشطة وألعاب معينة وبـ نبدأ نسأل كل اللي حوالينا لو عندهم فكرة فين ممكن نلاقي الأماكن اللي بـ توفر الأنشطة دي، بس غالبًا مش بـ نأخذ معلومة مفيدة أو محددة، وعلشان كده كان لازم أول ما يقع تحت إيدينا مكان بالمواصفات دي نكتب عنه موضوع خاص في كايرو360 علشان ما حدش يبقى له حجة وكله يعرف فين ممكن يقضي Day Use يعمل فيه Sand Boarding أو تزلج على الرمال، ويلعب فيه Soap Soccer أو كرة قدم على ملعب الصابون بجانب الرياضات التقليدية زي كرة القدم والكرة الطائرة وتنس الطاولة وكرة السرعة وكرة قدم أمريكية كمان.
المكان هو «سمارت كامب - Smart Camp» الموجود داخل جمعية أحمد عرابي بطريق مصر/ الإسماعيلية الصحراوي وهو عبارة عن مزرعة خاصة مساحتها عدة فدادين، اللون الأخضر غالب على أراضيها ومنصوب فيها عدد من الخيام الخاصة بالأنشطة المختلفة، بالإضافة لمبنى خاص بتغيير الملابس والحمامات والمطابخ.
المكان بـ يتم تخصيصه للمجموعات لقضاء يوم واحد على طريقة الـ Day Use من الساعة 9 صباحًا لحد 10 مساءً بس بشرط تكون مجموعات كبيرة لا تقل عن 100 فرد، وده لأن معظم اللي بـ يحجز بـ يبقى جامعات أو مدارس، لكن ممكن يبقى فيه استثناءات في أوقات معينة من السنة ويتم الحجز لأقل من 100 فرد بحاجة بسيطة. المكان بـ يقدم عروض مختلفة لقضاء اليوم، العرض الأول كالتالي؛ الفرد بـ يبقى بـ 100 جنيه شاملة تزلج على الرمال الناعمة الموجودة على مساحات شاسعة داخل جمعية أحمد عرابي، لعب مباراة كرة قدم على الأرض المغطاة بالصابون وما تخافش من الوقعات اللي مش هـ تبقى مؤذية زي ما أنت فاكر وتوقع كثير من المرح، وفيه Colored water fight أو خناقات الرش بالألوان والمياه الملونة، بالإضافة لاستخدام ملاعب الكرة والكرة الطائرة وتنس الطاولة بحرية تامة طوال اليوم. فيه بعض أنشطة برسوم إضافية زي ركوب الخيل ودي بـ تبقى الساعة بـ 100 جنيه، والسايس اللي معاك بـ يساعدك أنك تتعلم أساسيات الركوب، ولو كنت محترف ممكن تنطلق مع نفسك. وممكن عند الحجز تضيف مبلغ 50 جنيه للفرد وده يبقى شامل حفل شواء (باربيكيو) وبوفيه خاص لكل أفراد المجموعة. طبعًا المكان مجهز بإضاءات وسماعات علشان تشغل الموسيقى اللي أنت عاوزها وممكن تطلب يكون فيه DJ وقت الرحلة لكن بحساب منفصل.
العرض الثاني من «سمارت كامب» بـ يبقى فيه سباق سيارات بالبنزين زي الموجودة في ملاهي "دريم بارك" ولعب الـ Paintball. ممكن 9 عربيات يتسابقوا في نفس الوقت، وكل فرد في لعبة الـ Paintball بـ يأخذ 100 طلقة، العرض ده بالإضافة لكل الأنشطة الرياضية الموجودة داخل الكامب (ماعدا كرة الصابون والتزلج على الرمال) بـ يبقى بـ 200 جنيه للفرد.
آخر عرض مخصص أكثر للعائلات ومجموعات الأصدقاء اللي تعرف بعضها البعض ونقدر نسميه عرض "Telematch" وهنا بـ يصاحب المجموعة متخصصين في ألعاب الذكاء والمرح وبـ يعملوا لهم برنامج ترفيهي متكامل للكبار والصغيرين، وبـ يقسموهم مجموعات للدخول في منافسات ظريفة بدنية وذهنية على مدار اليوم. والفرد في العرض ده بـ 100 جنيه برضه.
المكان بـ يوفر خيام لو تم الاتفاق على قضاء رحلة أو معسكر لعدة أيام، وممكن تعمل Fire Camping وتقعد حول النار وتشوي المارشميللو أو تعيش حياة بدائية جبلية، وكل ده بـ يبقى بمصاحبة فريق من المتخصصين بـ يساعدوك على تحقيق أقصى استفادة من المعسكر ده.
الحجز لازم يكون قبلها بأسبوع على الأقل، وممكن تسأل عن كل التفاصيل الخاصة بالمكان من خلال رقم التليفون أو صفحة الفيسبوك الخاصة بالمكان. وتأكدوا أننا ما كتبناش المقال ده إلا لما استمتعنا بتجرتنا في «سمارت كامب».
العنوان بالتفصيل: طريق الإسماعيلية الصحراوي، خلف كارفور العبور، جمعية أحمد عرابي (بوابة 5) – طريق 9 شمالًا. (وأنت في طريقك للكامب هـ تشوف مسجد المشتهري وفيلا محمد الشيخ فهـ تعرف أنك ماشي في الطريق الصح).
التليفون: 01002009167.
مزيد من الصور
  • سمارت كامب: تزلج على الرمال وكرة قدم فى ملعب صابون في طريق مصر إسماعيلية الصحراوي
  • سمارت كامب: تزلج على الرمال وكرة قدم فى ملعب صابون في طريق مصر إسماعيلية الصحراوي
  • سمارت كامب: تزلج على الرمال وكرة قدم فى ملعب صابون في طريق مصر إسماعيلية الصحراوي
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
وليد أبوعرب
حرر بواسطة:
وليد أبوعرب
تاريخ النشر:
10/09/2012
محرر مساعد سابق - بـ يحب الخروج، دماغه فى الفرق الموسيقية وبـ يلعب مزيكا، بـ يحب يكون عنده معرفة عن كل شيء، بـ يزهق بسرعة! ما بـ يحبش تويتر.