اكسب! 8 أيام في مخيم شاولين دراجون - صحة ولياقة Feature - كايرو 360
 







اكسب! 8 أيام في مخيم شاولين دراجون
اكسب! 8 أيام في مخيم شاولين دراجون
اصدرت في: 22/12/2012
كايرو360 دائمًا كانت بـ تجيب لكم مسابقات جديدة ومميزة على مدى السنين اللي فاتت، لكن مفيش أغرب ولا أحدث من مسابقتنا المرة دي. بـ تخاف من الظلام؟ طيب تخيل لو كان فيه محارب نينجا مستخبي لك في الظلام، مخيم شاولين دراجون للفنون القتالية اللي بـ يلف العالم جاء على مصر، ما تخافوش جايين للمساعدة.
مخيم شاولين دراجون هو مدرسة متنقلة للفنون القتالية، مصممين على أنهم ينشروا رياضتهم القتالية حول العالم، بـ تخصصهم في الكونج فو كمان بـ يدربوا على أسلوب تاي جي، والتأمل، وأساليب التدليك الذاتي، وكمان تدريبات أخرى للعقل والجسم والروح، إيه رأيكم؟ شكلها ممتعة.
إيه؟ مخيم شاولين دراجون وأصحابنا في تذكرتي بـ يعطوا فرصة لواحد من قراءنا المحظوظين على كايرو 360 أنه يحضر من يوم 20 مايو ولمدة 8 أيام، حاجة زي كده تكلفك 5500 جنيه.
فين؟ المخيم هـ يكون بعيد شوية تقدر تقول قريب من الواحات البحرية، مكان الإقامة هـ يكون في فندق البويطي إقامة كاملة والرحلة هـ تتضمن رحلة تخييم ليلية في الصحراء البيضاء.
ليه؟ لأنك لو مش معاهم تبقى مع الناس الثانيين.. يعني ضدهم.
طيب إزاي أكسب؟ شئ بسيط قوي، تجاوب على السؤال ده: في أي دولة عظمى نشأ الكونج فو؟
طيب وبعدين؟ هـ تبعثوا إجابتكم على freestuff@cairo360.com في رسالة فيها الاسم بالكامل، ووسيلة الاتصال وتبقى كاتب في موضوع الرسالة "مسابقة مخيم شاولين دراجون"، خذوا بالكم المسابقة بـ تنتهي في منتصف ليل الأحد 5 مايو2013، يعني الحقوا أرسلوا إجابتكم بسرعة. تطبق الشروط والأحكام.
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
22/12/2012
-