ELFIT Fitness Festival Vol.3: عودة مهرجان اللياقة الأول والوحيد من نوعه بمصر فى ديسمبر - صحة ولياقة Feature - كايرو 360
 







ELFIT Fitness Festival Vol.3: عودة مهرجان اللياقة الأول والوحيد من نوعه بمصر فى ديسمبر
ELFIT Fitness Festival Vol.3: عودة مهرجان اللياقة الأول والوحيد من نوعه بمصر فى ديسمبر
اصدرت في: 01/12/2013

يعود من جديد مهرجان اللياقة الأول والوحيد من نوعه فى القاهرة لبث نوع من الحيوية والنشاط، على مدار يومين من التمارين باستضافة من المدرسة البريطانية الدولية فى القاهرة فى سوديك ويست السادس من أكتوبر. "Tickets to ELFIT Fitness Festival Vol.3" يقام برعاية سوديك وتقدر فيه تعرف أسعار الجيمات المختلفة، وكمان كل عشاق اللياقة فى القاهرة عندهم فرصة يختبروا قدراتهم مع سلسلة من التحديات واختبارات العوائق، اللى أكيد هـ يضاعفوا من قدرات المشتركين البدنية.

على الصعيد العالمى، مصر تصنف من بين أعلى دول العالم معاناة من السمنة المفرطة، بمتوسط لمؤشر كتلة الجسم يعادل 26. التدهور الملحوظ فى صحة ولياقة المصريين له علاقة وثيقة بالظروف البيئية المعرض لها السكان يوميًا، وكمان عادات الأكل السيئة المعروفة عن أهل المدينة، ElFit لحسن الحظ قدر يحقق المعادلة الناجحة عن طريق الدمج بين روعة ومميزات التمرين مع أنشطة ومسابقات ممتعة، وبكده يؤكد على المردود المهم لحفاظ الفرد على صحته ولياقته.

بجانب البرامج التقليدية المقدمة من خبراء التدريب زى الزومبا، Les Mills، Jazzercise وInsanity، المهرجان كمان بـ يقدم عدد كبير من المسابقات من مسابقة سوديك لركوب الدراجات بالتعاون مع صالة بسكلتة للدراجات والمبادرة العالمية لركوب الدراجات، وسباق سوديك بطول 6 كيلومترات بالاشتراك مع كايرو رانرز، وصولاً لمسابقات الفرق المميزة ومسابقة شد الحبل، وكمان أحدث إضافة للمهرجان وهى المصارعة الذراعية.

رغم أن كل الأنشطة المقدمة فى المهرجان هدفها ترويج فكرة ممارسة الرياضة عن طريق اختبارات وطرق مرحة، مافيش حاجة تقدر تبرز الطموح الشخصى، التحفيز وروح المنافسة زى المسابقات الشرسة فى ElFit fitness challenge برعاية ريبوك. النوع ده من المنافسات الرياضية محتاجك تكون فى قمة التأهيل البدنى وبـ يشمل أقسام للرجال، الرجال فوق سن الأربعين، السيدات والفرق الجماعية. تقام منافسات بين أفضل الرياضيين من المواسم السابقة والموسم الحالى من المهرجان فى ساحة اللياقة أو Fitness Battlefield، بـ تكون عبارة عن أربع مسابقات تشمل جوائز مادية لأفضل ثلاثة منافسين من كل فئة.

المهرجان لسه ما خلصش المفاجأت، مع ساحة لعب للأطفال تم تجديدها علشان يكون شعارها "أقوى تلاميذ المدرسة البريطانية الدولية فى القاهرة" وتشمل مسابقة عوائق أكيد بـ تتيح للأطفال فرصة إخراج نشاطهم المكبوت.

الموسم الثالث يقام أيام السادس والسابع من شهر دسيمبر، والتذاكر متاحة فى كلٍ من فيرجين ميجا ستور مول العرب وسيتى ستارز. الدخول لليوم الواحد تكلفته 75 جنيه، أما أيام الأجازات تكلفتها 100 جنيه. لمعلومات إضافية ادخل على صفحة المهرجان على الفيسبوك.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
01/12/2013
-