ذا ويلنيس لوج: نظامك، قواعدك - صحة ولياقة Feature - كايرو 360
 







ذا ويلنيس لوج: نظامك، قواعدك
ذا ويلنيس لوج: نظامك، قواعدك
اصدرت في: 18/05/2014

مع موضة تجمعات اللياقة الجديدة فى البلد المنتشرة بسرعة الصاروخ، أنك تكون جزء من مجموعة تمرين أصبح من الأساسيات فى حياة كثير من الناس. صحيح الالتزام بالمجتمعات دى سهِّل على أعضائها الاحتفاظ بقوامهم، ناس ثانية شايفة البرنامج مش واقعى أو مناسب لظروفهم اليومية.

فى وقت ما بعض الناس بـ يحاولوا يوفروا وقت مناسب من يومهم للتمرين، شركة "بوت كامب" وصلت لطريقة تتناسب مع الوقت بتاعنا. الموضوع اسمه "ذا ويلنيس لوج -The Wellness Log"؛ خطة تمرين وتغذية يومية، متفصلة على احتياجاتك الشخصية.

الطريقة مصممة لمساعد مجموعات من كل الأعمار لعمل تغيير فى حياتهم، وتكريس وقتهم لصحتهم الشخصية، البرنامج المكون من 8 أسابيع بـ يقدم لمستخدميه أحسن حل للتمرين، خطة التغذية مخصوصة لكل فرد على حسب نوع جسمه واستراتيجية معينة علشان يكمل المسيرة.

البرنامج ده مصمم 100% عن طريق مدربين محترفين، دكاترة تغذية وعلاج طبيعى. مافيش طريقة أحسن توصلك للشكل المثالى من الاعتراف باحتياجات جسمك، وهى دى فكرة "ذا ويلنيس لوج".

اللوج مُقسم على عدد من الأقسام، أول حاجة بـ يقدم تمرين يومى ثابت تمشى عليه، مكون من عدد من المجاميع، والتكرارات وأوقات الراحة. بـ يشمل كمان ملخص للتمرين لتقييم وتلخيص هدف كل تمرين وعدد المجموعات بـ يساعدك على الوصول لهدفك.

الجزء الثانى هو نظام التغذية، بـ يقدموا فيه نظام بسيط، ومباشر ونظيف. الوجبات مقسمة على حسب طبيعة تمرينك: لياقة، تخسيس، تضخيم إلخ.. وطبيعة جسمك. عندك مربع تعلم عليه بعد كل وجبة طوال اليوم. بعد كده مخطط للمكملات الغذائية، للناس اللى عاوزة طاقة فى التمرين، مع قائمة بالمكملات الموصى بها. فى الآخر كمية السعرات الحرارية التقريبية من الوجبة والحد الأدنى من المياه على حسب الهدف من النظام.

أخيرًا، النتيجة النهائية هى التقييم اليومى أو زى ما بـ يقولوا "طبقك الذهب". هنا تقييم الأداء بـ يكون درجة من عشرة، على حسب التقدم والأداء، لتشجيع الناس على التحسن.

صحيح "ذا ويلنيس لوج" هدفه الوصول لأحسن النتائج من برامجه، يقدر العميل كمان يعمل خليط من التمرينات، عن طريق إضافة أجهزة خاصة أو تمارين معينة فى برنامجهم، بحيث يقدم تأثير إيجابى يحقق له هدفه.

علشان تشترى "ذا ويلنيس لوج" بـ تقدم طلب أونلاين موجود على موقعهم الرسمى، فيه أسئلة مهمة لفهم نوع جسم العميل، والأكل المفضل، والمشاكل الصحية لوضعها فى الاعتبار وكمان الهدف المطلوب تحقيقه، بأسعار تبدأ من 690 جنيه مصرى، بعدها بـ تستلم نسخة إلكترونية من خلال بروفايل أونلاين، بـ توضح جدول التمرين ونظام التغذية، ممكن كمان تشترى نسخة ورقية عن طريق طلبها أونلاين وبـ توصلك لغاية عندك بزيادة 63 جنيه.

لما نتكلم عن التمرين أو أى نوع من الرياضة، معايير الأمان دائمًا لها الأولوية، وفريق ذا ويلنس لوج بـ يضمن عنصر الأمان والصحة لعملاءه بتقديمهم خدمة عملاء أونلاين. من خلال بروفايله، يقدر العميل يتواصل مع الفريق، فى أى وقت من اليوم بأى سؤال، استفسار أو اقتراح بخصوص المشكلة.

يمكن شوية مننا مقتنعين أن الالتزام بعملية التدريب مع المحافظة على نظام أكل موضوع صعب، بس لما تكون عضو فى ذا ويلنيس لوج الموضوع بـ يبقى أسهل، بحيث تقدر تحافظ على حياة صحية متوازنة. خطة يومية بسيطة، مبنية طبقًا لاحتياجاتنا اليومية فعلاً هى الحل المثالى.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
ليلى رستم
حرر بواسطة:
ليلى رستم
تاريخ النشر:
18/05/2014
كاتبة، بتستمتع بممارسة الرياضة بس ضعيفة أمام قطعة شوكولاتة، بتكتب اللى ييجي على بالها، فى المواقف غير المريحة بـ تلاقيها مريبة أكثر.