رمضان 2014 فى القاهرة: دليلك للصحة ومقاومة العطش - صحة ولياقة Feature - كايرو 360
 







رمضان 2014 فى القاهرة: دليلك للصحة ومقاومة العطش
رمضان 2014 فى القاهرة: دليلك للصحة ومقاومة العطش
اصدرت في: 21/07/2014

رغم أن رمضان قرب ينتهي، الموضوع صعوبته مش بـ تقل عند ناس كثير، خصوصًا مع حر الصيف وقسوة الشغل. المشكلة فى الحقيقة حلها بسيطة جدًا لو فكرنا فيها بالطريقة دى؛ رمضان مش معمول للأكل.

المناقشة المستمرة دائمًا هى هل صيام رمضان صحى ولا لأ، لكن نقدر نأكد لك حاجة واحدة؛ لو ما قدرتش تتحكم فى نفسك، أكيد هـ يكون مُضر بالنسبة لك. الحقيقة أن أحدث الأبحاث أكدت للعلماء أن الصيام ممكن يساعد على تقوية جهاز المناعة عن طريق تجديد الخلايا المسؤولة عن إنتاج كرات الدم البيضاء.

بعيدًا عن جهاز المناعة والكلام ده، جمعنا لكم قائمة صغيرة فيها نصائح مهمة تشمل إيه المطلوب والممنوع من التمارين، التدخين والكافيين.

دائمًا كسلان؟ أنت محتاج مزيج من الأطعمة الغنية بالألياف والنشويات بطيئة الامتصاص فى وجبة سحور مكوّنة من دقيق، وفواكة، وزبادى ومكسرات، لأن امتصاصهم بـ يتم ببطء، وتقدر تستفيد بالطاقة الناتجة منهم طوال اليوم، وكمان تفضل منتعش ومصحصح.

دائمًا عطشان؟ بلاش القهوة، والشاى وصودا. الكافيين بـ يساعد على فقد المياه. السجائر كمان بـ تسبب مشكلة. اشرب كمية كبيرة من المياه بين الإفطار والسحور.

عطش رهيب بعد الإفطار؟ غالبًا معدتك فى حالة صدمة من الأكل الزيادة و/ أو الأكل المقلى الدسم والحلويات. هو ده أهم سبب من أسباب زيادة الوزن فى رمضان.

من هنا مشينا على تعليمات السُنة النبوية، المفروض تفطر على تمر ولبن، تصلى، وبعدين ترجع تكمّل أكل. كده المعدة اللى كانت نائمة لمدة 15-16 ساعة، ونفس الكلام بالنسبة لدورتك الدموية يقدروا يشتغلوا من جديد. أفضل حاجة شوية سلاطة وشوربة، وبعدها بساعتين تأكل وجبة أكبر. المشروبات الرمضانية زى قمر الدين، والتمر هندى والكركديه برضه كويسين لتزويد جسمك بالطاقة عن طريق توفير حاجته من السكر.

مافيش وقت للتمرين؟ لو بـ تفكر فى الوقت اللى قبل آذان المغرب، معركتك صعبة. الجفاف من أسوأ الحاجات اللى ممكن تعملها فى نفسك وقت الصيام. الموضوع بـ يكون أسوأ كمان لو فكرت تتمرن فى الشارع، لأنك أصلاً المفروض تتجنب الشمس أثناء الصيام على قد ما تقدر، عمومًا، لو عوّدت نفسك تأكل وجبة إفطار خفيفة وبعدها تتمشى من 15-20 دقيقة، هـ تساعد على تنظيم وظائف جسمك الحيوية وتزودك بالطاقة اللازمة لتمرينة بالليل بعد ما تكون هضمت الوجبة الكبيرة.

عدم التدخين هـ يدمر دماغك؟ برضه معركتك صعبة، لأنك بـ تعانى من نوعين صداع. واحد من أعراض نقص النيكوتين، والثانى من الجفاف الناتج عن التدخين. صحيح مافيش وقت كافى أنك تبطّل تدخين، لكن شهر كامل بـ تمنع نفسك فيه لأكثر من نصف اليوم عن التدخين يعتبر فرصة هائلة أنك تبدأ.

وزنك بـ يزيد يوم بعد يوم؟ لازم تفهم أن ثلاث وجبات عاديين من إفطار، وغداء وعشاء مش حاجة صحية خالص. تخفيضهم لوجبتين بس يعتبر أسوأ وأسوأ. أكيد فيه سبب أن كل الرياضيين والمهتمين ببناء الأجسام بـ يقسموا أكلهم على خمس وجبات متساوية على مدار اليوم. الأكل بكميات أقل مش هو سبب نزول وزنك، الأكل الصح وفهم عملية الأيض هما مفتاحك. حاول تقسم أكلك لوجبات متنوعة بين وقت الإفطار والسحور.

ربنا معاكم ورمضان كريم!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
جاسر الصفتى
حرر بواسطة:
جاسر الصفتى
تاريخ النشر:
21/07/2014
-