اسمع صوفي.. هتطير للسما السابعة - مزيكا Feature - كايرو 360
 







اسمع صوفي.. هتطير للسما السابعة
اسمع صوفي.. هتطير للسما السابعة
اصدرت في: 21/04/2016

في وسط زحمة الحياة ورتمها السريع وأحداثها المتلاحقة أرواحنا بتتوه في النص، وبتفضل تنادي علينا نقف نديها فرصة تتنفس، وتحس، وتتأكد أنها لسه عايشة، وتتحلل من كل قيود الحياة المادية اللي إحنا مغموسين فيها غصب عننا ، ولو مش متاح لينا أننا ناخد فاصل طويل، فعلى الأقل نستغل فرص الهروب.. أي فرصة طيران لبعيد شوية .. للسما السابعة يمكن ، الموسيقى والأشعار الصوفية إحدى الحاجات اللي ممكن توصلك لدرجة عالية من السلام الداخلي .

في موضوعنا ده اخترنا لكم مجموعة تراكات وفيديوهات ممكن تكون بداية كويسة لدخولك العالم ده.. خصوصًا إن اللون الصوفي أصبح من ألوان الفنون اللي زاد رواجها في الفترة الأخيرة بشدة، مش بس علشان الكلمات الصوفية دايمًا بتخاطب القلب بشكل مباشر وبسيط، لأ كمان علشان الفن الصوفي له أشكال متعددة جدًا.

 

في الأول كده لو أنت سمّيع موسيقى روحية يبقى أكيد هتعجبك الموسيقى الصوفية التركية، هادية جدًا وممتعة وهتساعدك في تفريغ أي طاقة سلبية .. اسمع مثلًا نموذج زي الـ Track ده، أو ده .

ولو أنت من النوع اللي بيحتاج شحن إيجابي بقوة الذكر الجماعي يبقى أكيد روحك هتتاخد بفيديو من حضرة تركية زي ده:

والحضرة هي طقس ديني بيمارسه الصوفية بقصد حضور الروح مع ربنا عن طريق الذكر، وده بيحصل بأنهم بيقفوا في حلقات جماعية يرددوا أذكار مختلفة، وبيقود الحلقة أحد المشايخ زي ما شفنا في الفيديو كده.

وأكيد برضه هتطير لما تسمع Track "ذكر حي" زي ده.

ولو أنت غاوي إنشاد وغنا صوفي يبقى أكيد هتنبسط لما تسمع حاجة زي "يا مولانا".

أما بقى لو بتحب التراث الصوفي الشعبي المصري بالأخص يبقى لازم تسمع فرقة "الحضرة" للإنشاد الصوفي.. وده Track "إني جعلتك في الفؤاد" بنرشحه لك تسمعه كبداية..

اسمع .. واحكيلنا روحك وصلت لفين!

 

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
عمر مسعد
حرر بواسطة:
عمر مسعد
تاريخ النشر:
21/04/2016
محرر بموقع كايرو 360، يُدعى في أوساط أهل الهلس "مولانا"، وفي رواية أخرى "المغنواتي".. وماله!.. طب هل رأى أحدكم كلامًا يرقص من قبل؟