إكسب! تذكرتين لحفل سامي يوسف! - مزيكا Feature - كايرو 360
 







إكسب! تذكرتين لحفل سامي يوسف!
إكسب! تذكرتين لحفل سامي يوسف!
اصدرت في: 26/05/2011

البلد كلها مستنية الحفلة دي بفارغ الصبر، وكايرو 360 عايزة تديلك فرصة انت وواحد من أصحابك عشان تشوفوا سامي يوسف في حفل حي في القاهرة!

المطرب البريطاني الإيراني الأصل سامي يوسف أطلقت عليه مجلة Time لقب "أفضل نجم غناء إسلامي"، حقق ملايين المبيعات وعمل جولات عالمية كتير بأغانيه الروحانية المؤثرة. أغاني سامي يوسف اللي غناها بالعربي والإنجليزي كان ليها طريقة لجذب الناس في العالم كله وبسببها إندرج اسمه تحت قائمة أكثر 500 شخصية مسلمة مؤثرة في العالم. حفلته في كايرو هـ تبقى جزء من جولته العالمية لألبومه الأخير Where Ever You Are.

أصدقائنا في تذكرتي قرروا يعرضوا من خلال موقعنا هدية تذكرتين پلاتيني قيمة التذكرة الواحدة تساوي 400 جنيه لحفل سامي يوسف في مركز شباب الجزيرة. وبعد غيبة 5 سنين بعد ألبومه الأخير، أكيد ماينفعش تفوت حفلة الفنان والملحن متعدد المواهب سامي يوسف.

سامي يوسف مش غريب عن القاهرة، لأنه عاش فترة فيها أثناء دراسته للغة العربية بعد إصدار أول ألبوم رسمي له بعنوان «المعلم»، واللي باع ملايين النسخ في العالم كله. أمّا ألبومه الثاني «My Ummah» هو اللي لفت نظر العالم له كفنان كبير، ومبيعاته وصلت لـ 4 مليون نسخة.

سامي يوسف هـ يبقى أول فنان عالمي يعمل حفلة في مصر بعد الثورة، وأحداث 25 يناير ألهمته أنه يكتب أغنيته اللي اسمها «انا أمَلِك - I’m Your Hope»، واللي بـ يهديها لكل شباب العالم.

لو عايزين تاخدوا الفرصة وتشوفوه في مركز شباب الجزيرة يوم 11 يونيو بمناسبة صدور ألبومه الثالث Where Ever You Are، كل اللي عليكم تعملوه أنكم تجاوبوا على السؤال البسيط ده: كام سنة عاشها سامي يوسف في مصر؟

إبعتوا إجاباتكم على freestuff@cairo360.com، ومعاها الإسم بالكامل والبيانات. المسابقة دي هـ تنتهي في منتصف الليل من يوم 7 يونيو 2011. يللا بسرعة إبعتوا إجابتكم! تطبق الشروط والأحكام. لمزيد من المعلومات عن تذاكر الحفلة زوروا موقع تذكرتي أو اتصلوا بـ 0198887326 / 0198887325 0185002664.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
26/05/2011
-