جوائز اختيارات محرري كايرو 360 لعام 2015 لأفضل المطاعم العالمية - مطاعم Feature - كايرو 360
 







جوائز اختيارات محرري كايرو 360 لعام 2015 لأفضل المطاعم العالمية
جوائز اختيارات محرري كايرو 360 لعام 2015 لأفضل المطاعم العالمية
اصدرت في: 28/05/2015

المطبخ العالمي اسم كانوا بـ يسموه لأى مطعم مش معروف هوية أطباقه، بسبب أنه مش مركز على نوعية أكل معينة، وكان معروف بسمعة أنه المكان اللى ممكن تروحه لو عندك عائلة كاملة بأذواق مختلفة أو مش عارفين يستقروا على نوع مطعم معين يأكلوا فيه.

للأسف، فى مدينة زي القاهرة فكرتها عن المطبخ العالمي أنه مكان بـ يقدم لك "شيء من كل شيء"، لكن بالعكس المطبخ العالمي هو المكان اللى يقدر بحرفية يقدم أطباق من مطابخ مختلفة وبجودة عالية.

الفائزين في فئة أفضل المطابخ العالمية فى جوائز اختيارات محرري كايرو 360 لعام 2015:

 

ذا سموكرى – The Smokery

أى مطعم متخصص فى السلامون بـ يكون له مكانة خاصة عندنا.. ذا سموكرى واخد مكان مميز فى القطامية هايتس، وأطباقه بـ تتعمل تحت إشراف الشيف فينسنت جيلو، والمنيو معمول بحرفية، لازم تجربوا ذا سموكري.

 

أوك جريل – Oak Grill

معروفين بالستيك بتاعهم، لكنهم بـ يوفروا كمان تجربة أكل رائعة، لازم نرفع القبعة لـ "أوك جريل" على استخدامه دائمًا مكونات عالية الجودة.

 

لو شانتيلى – Le Chantilly

فى حين أن لو شانتيلى بـ ينافس المطاعم السويسرية بالجزء المتخصص عنده للأكلات السويسرية، إلا أن كمان تخصصه فى الجبنة والشوكولاتة حفر له مكانة خاصة فى جائزة أفضل المطاعم العالمية فى القاهرة.

 

تيدز – Ted's

بدايته كانت لسه السنة دي إلا أنه اشتهر ونجح بسرعة الصاروخ، أبهر رواد مول سيتي ستارز بالمنيو بتاعته المميزة، وأكله الرائع، وجوه المبهج.

 

كريف – Crave

أكثر واحد فيهم صامد من فترة طويلة ومشهور كمطعم بـ يقدم أكلات عالمية، له قدرة على البقاء فى قلوب وعقول أهل القاهرة بخبرته وتاريخه.

 

جي دبليو ستيك هاوس – JW Steakhouse

لو ميزانيتك تقدر على أسعاره، جي دبليو ستيك مختلف عن أى مكان ثاني، إحنا ممكن نكتب أشعار وحواديت على الستيك بتاعهم، وأنت أكيد هـ تبقى عاوز تعمل زينا كده لو جربته.

 

شاروودز – Charwood's

المكان الأساسي لمحبي اللحوم فى القاهرة، متميز بالستيك وأجواءه الدافئة اللى بـ يحسوا بها مهما زاروه على فترات مختلفة.

 

وان أوك – One Oak

نقدر نعتبره أكثر تجربة أكل ستيك مثيرة فى القاهرة، كل شيء محدد عندهم وأنت بـ تختار: نوع قطعية اللحمة، الوزن، نوع الصوص اللى عليه، ودرجة التسوية.. ده غير أن عنده بار سوشي هـ تتنح أمامه من كثر جماله.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
28/05/2015
-