5 نصائح مهمة قبل ما تشتري نظارة شمس - تسوق Feature - كايرو 360
 







5 نصائح مهمة قبل ما تشتري نظارة شمس
5 نصائح مهمة قبل ما تشتري نظارة شمس
اصدرت في: 13/07/2016

الصيف يا جماعة! يعني لازم يكون عندك نظارة شمس كويسة تحميك وتحمي عينيك من أشعة الشمس المضرة، لكن إزاي تشتري نظارة شمس مناسبة؟ إحنا هنقول لك في السطورة الجاية.

 

بلاش تتسرع

كتير لما بنشوف نظارة شكلها حلو بنجري نشتريها على طول من غير شوية تفكير، مش مهم فقط يكون شكل النظارة حلو، الأهم تكون لايقة عليك وعلى وشك، وقبل كل شيء لازم تكون نظارة مناسبة من الناحية الصحية، يعني خاماتها كويسة، والعدسات مش مضرة، وده ممكن يضر العين أكثر من أنه يفيدها.

 

بلاش الأزرق

لازم تتأكد أنك بتجيب حاجتك من محل كويس وله سمعة في عالم النظارات. أول حاجة لما تشتري نظارة بص للسماء في عز الشمس، لو لقيت لون السماء رمادي مش أزرق تبقى نظارة كويسة صحيًا، لأن النظارات اللي بترشح اللون الأزرق بدرجة كبيرة بتكون مضرة للعين.

 

افهم اللعبة كويس

كل وش له نظارة تليق عليه، مش أي حاجة تعجبك معناها بالضرورة أنها هتليق عليك، شكل وشك عنصر أساسي في اختيار النظارة، لو وشك مستطيل يبقى هتناسبك النظارة اللي إطارها رفيع، ولو كان وشك مربع أو دائري، الأفضل تختار النظارة اللي إطارها سميك، ولو كنت أصلع -لامؤاخذة يعني- فالنظارات الكبيرة هي الأنسب لوشك خصوصًا السوداء لأنها بتخلي شكلك " VIP" .

 

جرب نظارتك بره المحل

بلاش تكتفي أنك تجرب الرؤية من خلال النظارة جوه المحل بس، لازم تجربها في عز النهار في الشارع، لأن ده بيفرق كتير.

 

اختار الإطار الصح

لازم لو إطار النظارة يكون لايق مع لون بشرتك ولون عينيك، ولو عايز تريح دماغك فالأفضل تختار إطار لونه أسود لأنه بيليق على كل ألوان البشر. كمان ننصحك في الصيف تشتري نظارة بعدسات خضراء أو بني، ولو رايح البحر ننصحك تتجنب العدسات السوداء. كمان الإطار العريض هو الأنسب لصحة العينين والمنطقة المحيطة بيهم، لأنه بيحميهم من أشعة الشمس الفوق البنفسجية.

 

 الوزن الخفيف

أهم نصيحة أن النظارة ما تكونش حمل تقيل على وشك، اختار نظارة خفيفة بلاستيك ضد الكسر، وابعد تمامًا عن النظارات اللي حجمها ثقيل. خصوصًا لو كنت رياضي وبتحب تجري بالنظارة.

 

ومبروك النظارة الجديدة يا بطل!

مزيد من الصور
  • 5 نصائح مهمة قبل ما تشتري نظارة شمس
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
مصطفى فتحى
حرر بواسطة:
مصطفى فتحى
تاريخ النشر:
13/07/2016
صحفي مهووس بالسينما والكتب، بيحب التصوير الفوتوغرافي وبيعشق وشوش المصريين وشايفها أجمل وشوش في الكون، بيحب شوارع، حواري، قهاوي، وناس البلد دي.