ذا نوت: خدمات متكاملة لحفلات العزوبية فى القاهرة - تسوق Feature - كايرو 360
 







ذا نوت: خدمات متكاملة لحفلات العزوبية فى القاهرة
ذا نوت: خدمات متكاملة لحفلات العزوبية فى القاهرة
اصدرت في: 21/02/2013
الزواج هو واحد من أعرق التقاليد فى تاريخ الإنسانية؛ طبعًا دى حاجة معروفة، طريقة احتفال الناس نفسها بالمناسبة دى هو اللى بـ يجعل منها أهم حدث فى حياة الكثيرين؛ سواء كان طبقًا لعرف ثقافى سائد أو حسب ذوق شخصى، كل عروسة بـ تحلم بفرح فريد من نوعه وده بـ يكون من أهم أحلامها.
التقليد المصرى بـ يقول أن بدلاً من حفل العزوبية العروسة بـ تعمل ليلة "حنة"، وفيها بـ تلبس فستان، وترقص غالبًا على أغانى مصرية، وتعمل حنة. فكرة حفل العزوبية بشكلها الغربي بدأت تدخل فى عقول العرسان الشباب فى السنين الأخيرة لرغبتهم فى الاستمتاع ببعض من المرح. السؤال دلوقت هو: تلاقى فين منتجات مخصوصة تناسب فكر كل عروسة؟
فكرة الموضوع بدأت عند الأصحاب القدامى، نينا الألفى وندى سليمان -الأولى مصممة جرافيك والثانية فنانة- لما شافوا نماذج كثير من أصحابهم بـ يفكروا فى الموضوع. دائمًا بـ يعانوا فى تنظيم حفلات العزوبية من شراء الأدوات المطلوبة زى الأحزمة الحريرية فوق الفساتين، وشيلان من الريش، وتيجان وحاجات ثانية، وعادة فى الآخر بـ يضطروا يجمعوا الحاجات دى مع بعضها بنفسهم، أو يشتروها من الخارج. الموضوع مش بس حفلات العزوبية؛ الثنائى بـ يوفر إكسسورات للأفراح وأحيانًا بـ يتعاملوا مع منظم الفرح مباشرة. فى النهاية ونظرًا لأهمية الدور اللى بـ يلعبوه قرروا يأسسوا "ذا نوت - The Knot".
نينا وندى قالوا بكل فخر: "إحنا بـ نسعى وراء إرضاء رغبات كل فرد على حدة". بـ يهتموا جدًا بالمقابلة المباشرة مع العروسة علشان يفهموا طبيعة شخصيتها، وعن طريقها يقدروا يضبطوا الحفلة طبقًا لدماغها على قدر المستطاع. المناقشة اللى بـ تحصل فى المقابلة بـ تخلى الحفلة مناسبة ما تتنسيش بالنسبة للعروسة. حوالى 80% من المنتجات بـ تتعمل مخصوص وده يعتبر حجر الأساس فى شغلهم.
المنتجات دى بـ تشمل كل شئ بداية من طرحة تفصيل للعروسة لغاية الأحزمة والتي شيرتات مكتوب عليها عبارات زي Bride to Be، وأشبينات العروسة بـ يحصلوا كمان على تي شيرتات وأحزمة مكتوب عليها عبارات شخصية لهم، بالإضافة إلى رباط للرأس، وورد، وريش وحاجات ثانية. على حسب كلام فريق العمل، هدفهم هو "تقديم الدعم للعرائس"، وتقدر تعتبر منتجاتهم أنها "على أحدث صيحة"، بـ يقسموا مجموعاتهم لجزئين واحدة منهم الربيع مع الصيف والثانية الخريف مع الشتاء. هم مسئولين عن كل وأى حاجة تخص احتياجات العروسة مهما كانت غريبة.
ساعات بـ يُطلب من الفريق تنظيم الفرح نفسه بجانب توفير المشتريات الخاصة بالعروسة. هما في الأساس مش بـ يقدموا الخدمة دى، بس زى ما الثنائى بـ يقولوا بكل بهجة: "لما العروسة تسألنا عن أفكار أو نصائح عن مكان الفرح أو طريقة عمل الديكورات بـ نساعدها وإحنا فى منتهى السعادة".
إدارة عمل خاص مش مهمة سهلة، خصوصًا لو فكرته جديدة والسوق لسه بـ يستوعبها، فمن خلال تجربة مجموعة كبيرة من الخامات والأدوات، "ذا نوت" قدر يحدد إيه ينفع وإيه ما ينفعش. فى رحلة بحثهم عن الكمال، أصعب حاجة بـ تقابل نينا وندى هى فهم دماغ عميلهم، خصوصًا مع صعوبة تنفيذ الأفكار دى بشكل مثالى باستخدام اللغة البصرية. على الناحية الثانية، توفير كل رغبات العروسة ورؤيتها هى وأشبيناتها متزينين بمنتجاتهم هو أعظم هدية.
التعامل مع العرائس أوقات بـ يكون علاقة حساسة والبنات المسئولين عن "ذا نوت" عادة بـ يجدوا نفسهم متورطين فى حاجات غير تنظيم الحفلة: فستان معيوب، ومشاكلها مع البيت أو مع عريسها اللى بـ يخلوها هـ "تتجنن"، كلها سيناريوهات واردة، بس هما بـ يأكدوا أنهم مش منزعجين. "إحنا بجد بـ نبقى أصحاب مع أغلب العرائس، وعلشان كده مافيش مانع أننا نخرج عن إطار شغلنا المعتاد"، دى كانت جملة خلتنا نسأل سؤال مهم: هل العرائس المتوحشات موجودين فعلاً فى مصر؟ البنات فى "ذا نوت" بـ يأكدوا أنهم موجودين، لكن هما عندهم من الدبلوماسية أنهم يقولوا أن ده جزء طبيعى من الموضوع. "عارفين كويس حجم الضغط العصبى وفاهمين أن نفسهم كل حاجة تبقى مضبوطة".
رغم أن كثير مننا شافوا شغلهم بـ ينهار بسبب الثورة، من حسن حظ "ذا نوت" أن مجال الزواج عمره ما يتوقف على ظروف أو وقت معين. نفسهم يوصلوا فين فى المستقبل؟ بـ يقولوا أن الشغل توسع ونشر فى مجلة Martha Stewart Weddings الخاصة بالشرق الأوسط وده عمل لهم شعبية فى المنطقة، وبـ يأملوا أنهم يقدموا شغلهم فى دبى.
للتواصل مع "ذا نوت" تقدر تبعث لهم بريد إلكترونى على info.theknot@gmail.com أو اتصل على 01222443254أو 01227721505 علشان تشوف مقتطفات من منتجاتهم، وادخل على صفحتهم على الفيسبوك.
مزيد من الصور
  • ذا نوت: خدمات متكاملة لحفلات العزوبية فى القاهرة
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
تانيا الكاشف
حرر بواسطة:
تانيا الكاشف
تاريخ النشر:
21/02/2013
مساعد رئيس تحرير الموقع الإنجليزي، بـ تعشق الأكل لدرجة أنها بـ تخطف اللى تشوفه على مكاتب الناس، بـ تحب "باتريك" نجم البحر، كتابتها في الصميم وكلامها مش متذوق.