عيد الحب في القاهرة: أفكار للهدايا للرجال والسيدات - تسوق Feature - كايرو 360
 







عيد الحب في القاهرة: أفكار للهدايا للرجال والسيدات
عيد الحب في القاهرة: أفكار للهدايا للرجال والسيدات
اصدرت في: 10/02/2014

عيد الحب قرب وكل اثنين عليهم ضغوطات كثيرة علشان الهدايا والخروجات اللي هـ تبقى في اليوم ده، مع محلات التسوق في القاهرة صعب نعرف هـ نبدأ ندور على الهدايا فين، بس علشان نحذركم ما حدش يشتري أدوات مطبخ للسيدات أو أدوات استحمام للرجالة مش رومانسية خالص الحاجات دي.

يلا نبدأ نفكر مع بعض في هدايا السيدات، كلنا عارفين أن عيد الحب بـ يبقى منصف للجنسين (سيدات - رجال) بس لو أنت أو أنت من النوع اللي بـ يفكر أن اليوم ده مضيعة للفلوس والوقت يبقى خليكوا قاعدين في بيتكم أحسن.

الورد والشوكولاتة بـ يكونوا دائمًا رهان كسبان، حتى لو كانت عاملة رجيم مش هــ تقدر تقاوم الشوكولاتة الحلوة من باتشي أو المكان الجديد اللي اسمه بيت الكاكاو اللي بـ يقدم شوكولاتة فاخرة جدًا، أوتسايد إن بـ يقدم ورد تقليد دائم وده اللي هـ يخليك تقول أن حبك مش هـ يموت أبدًا.

الرائحة الحلوة من أكثر الحاجات اللي بـ تجذب الأنثى علشان كده ممكن تقدم لها حاجات من ذا بودي شوب أو باث أند بودي ووركس اللي منتجاتهم تتميز بروائح جميلة، لو نيز فراجرانس بار عندهم أرقى العطور الفرنسية في فيرست مول، لكن بعض السيدت هــ تفضل العطور الطبيعة من نيفرتاري.

لو قدمت لها حاجة من فيكتوريا سيكريت فده كأنك طلعتها للسماء لأنه المكان المفضل لكل البنات والسيدات وفيه كل حاجة من العطور للكريمات للشنط والمجوهرات، فورتشن ده محل هـ تلاقي فيه تقريبًا كل احتياجات السيدات لأغلب المصممين المشهورين تحت سقف واحد، في كمان مايكل كورس ومجموعة شنطه المبهرة.

لو مش عاوز هدية وورد والحاجات المعروفة دي فليه مش تعمل لها حاجة مختلفة وتحجز لها مثلاً في بليس سبا أو جوسي بيوتي صالون اللي هـ يقدم لها جلسات مساج وعلاج للوجه والجسم.

أما هدايا الرجال والسيدات مع بعض فـ 50A كونسبت ستور بـ يقدم هدايا جميلة مش هـ تلاقوها في مكان ثاني وسمعنا أنهم عاملين أسعار خاصة يوم عيد الحب كمان، ممكن كمان تلاقوا حاجات حلوة في أيكيا أو شوية إكسسوارات منزلية جميلة في هاوس اند جاردن، ذا تاي شوب هـ تلاقوا فيه هدايا لطيفة جدًا.

اليوم ده كل واحد بـ يشتري هدية من غير ما يكون عاوز حاجة في المقابل، كلنا بـ نشتري الهدايا بحب علشان عاوزين نفرح بعض وبيننا وبينكم كده الرجالة بـ تفرح بالملابس جدًا فـ بول أند بير وجاك أند جونز هـ تقدم لكم ملابس بجودة حلوة وبأسعار معقولة، إنما زفير في الزمالك فعندهم ملابس أصلية جميلة.

لو حابين تجيبوا إكسسوارات للمكتب أو للبيت فممكن تزوروا ذا كريب أو إنفوتيس، الرجالة بـ تحب القهوة فممكن نفاجئهم بماكينة صنع القهوة من نيسبريسو.

ممكن كمان نجيب مجموعة من عرائس الكوميكس والكتب المسلية من كريبتونايت، أو ألعاب كمبيوتر وألعاب فيديو من فيرجين ميجا ستور ونضمن لك أن النوع ده من الهدايا هـ يخليكي تكسبي قلبه أكثر من الأول.

وطبعًا لازم ما ننساش الحاجة اللي أكيد هـ تعجب كل الرجالة وهي عضوية في أي نادي رياضي رائع زي بالانس جيم.

ولو لسه مش عارفين تجيبوا إيه ومكسلين تنزلوا علشان زحمة البلد يبقى ذا جيفتري بـ يقدم لكم مجموعة من الهدايا اللي تقدروا تجيبوها أون لاين وتطلبوها وتوصل لكم لحد باب البيت.

وبعد كل اللي إحنا اقترحناه عليكم ده مش مهم الهدايا، أهم حاجة تقضوا أحلى عيد حب مع بعض وكل عيد وأنتم طيبين.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
جيسيكا نوبل
حرر بواسطة:
جيسيكا نوبل
تاريخ النشر:
10/02/2014