جوائز اختيارات المحررين لعام 2014 لأفضل مصممي الموضة - تسوق Feature - كايرو 360
 







جوائز اختيارات المحررين لعام 2014 لأفضل مصممي الموضة
جوائز اختيارات المحررين لعام 2014 لأفضل مصممي الموضة
اصدرت في: 18/06/2014

فى بعض الأوقات الواحد بـ يحتاج أنه يدلع نفسه بأنه يشتري حاجة أنيقة ومبهرة، إحنا عملنا قائمة طويلة عريضة بأفضل مصممين ومحلات الموضة، سواء كانت ملابس رجالى أو حريمي أو حتى إكسسوارات، هـ تلاقى بعض من أفضل التشكيلات والخامات الجيدة فى جائزة اختيارنا لأفضل مصممي الموضة. 


50A كونسبت ستور - 50A Concept Store

بالرغم من أن واجهة المحل الصغيرة في شارع محمد مظهر ما توحيش بأنه مليء بكل ما له علاقة بالموضة سواء: ملابس، أحذية أو شنط لجميع الأعمار. مش بس كده، 50A كونسبت ستور كمان بـ يبيع إكسسوارات منزلية... وتأكد أن أي قطعة هـ تشتريها مش هـ تلاقي زيها في أي مكان ثاني.


فيلا بابوشكا - Villa Baboushka

بغض النظر عن الاسم الغريب، إلا أن فيلا بابوشكا هو جنة التسوق لأي فاشونيستا -مهووسة موضة يعني- في كايرو، ملابس وإكسسوار لأي مناسبة وأي وقت ولأي فئة عمرية... كله موجود عند فيلا بابوشكا. المهم بس أنك تحضري الكاش.


بيبر كلوزيت - Pepper Closet

أجمل حاجة بالنسبة لأي ست أنها تلاقي مجموعة من الماركات العالمية في مكان واحد... ومش بس كده، بأسعار غير مبالغ فيها بالمرة، وبالذات مجموعة فساتين السهرة –اللي عادة بـ تبقى غالية بسبب وبدون سبب- واللي أسعارها في بيبر كلوزيت بـ تبدأ من 250 جنيه! إحنا نفسنا ما كناش مصدقين.

 

الحرية - El Horreya

من البوتيكات المميزة بين المجموعة اللي موجودة في قائمتنا، لأن اختياراتهم للقطع مش قائم على عرض أي قطعة على الموضة والسلام، الفكرة أن تكون القطعة متأثرة بتراثنا الشرقي، حتى لو كان التصميم ككل حداثي.


أيريس ديزاينرز - Iris Designers

النظارات هي قطعة مؤثرة في أي لوك، وأيريس ديزاينرز هو الوحيد اللي في قائمتنا المتخصص في كل ما له علاقة بالنظارات. سواء نظر أو شمس، هـ تلاقي مجموعة كبيرة من النظارات المنتقاة بعناية والمناسبة لكل الأذواق.


أميوز - Amuse

متحف الفن الحديث... آسفين، نقصد أميوز، مش بس بوتيك ملابس عادي تدخليه تنبهري بالقطع المعروضة، ده عبارة عن كتلة فنية متكاملة تبدأ من فن التصميم الداخلي بتفاصيله المبهرة، وتنتهي بالقطع الرائعة اللي هـ تأخذيها معاك وأنت مروحة... بعد ما تشتريها طبعًا.


جاليري منايا - Monaya Gallery

لو لكِ في الكلاتش (الشنط اللي من غير يد) والإكسسوارات بأنواعها، وخصوصًا المطلية بالذهب... لو لكِ في جو العبايات اللي بالخيامية والجلاليب الـ Original خالص... اعتبري جاليري منايا جنتك على الأرض.


سامي أمين - Sami Amin

مشغولات سامي أمين الجلدية والنحاسية بتصميماتها الفريدة، واللي في نفس الوقت نابعة من صميم التراث المصري بمختلف عصوره، لا يختلف عليها اثنين. طبيعي جدًا أن سامي أمين يلاقي مكان في قائمة الصفوة عندنا.

 

ألف مبروك للفائزين!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
18/06/2014
-