جوائز اختيارات محرري كايرو 360 لأفضل مصممى الموضة لعام 2015 - تسوق Feature - كايرو 360
 







جوائز اختيارات محرري كايرو 360 لأفضل مصممى الموضة لعام 2015
جوائز اختيارات محرري كايرو 360 لأفضل مصممى الموضة لعام 2015
اصدرت في: 07/06/2015

الموضة والمنتجات في مصر بـ تتراوح بين الماركات العالمية عالية الجودة لحد الأقمشة والملابس المصنوعة محليًا، ولأن مصر شكلها مش هـ تقدر تستعيد مجدها القديم فى عالم الموضة، عدد من الأماكن قدرت أنها تتميز وتختلف عن غيرها وتقدم الجديد.

الفائزين بجوائز اختيارات المحررين لعام 2015 لأفضل مصممى الموضة:

 

50A كونسبت ستور – 50A Concept Store

بديكوره البسيط وماركاتهم المنتقاة خلت عندهم ميزة أنك هـ تلاقى عندهم منتجات مش هـ تلاقيها بسهولة فى مكان ثاني.

 

فيلا بابوشكا – Villa Baboushka

فيلا بابوشكا رائدين فى مجال الموضة، موقعهم فى الزمالك إلى جانب تشكيلتهم الرائعة من الملابس وتخفيضاتهم فى نهاية الموسم خلت كل محبى الموضة يروحوا لهم من كل حتة فى القاهرة.

 

بوب أب شوب – Pop-Up Shop

جديد فى ساحة الموضة لكن انطلق بسرعة الصاروخ، بوب أب شوب حفر اسمه كواحد من محلات داون تاون القطامية مول الأكثر تميزًا.

 

أورانج سكوير – Orange Square

تقريبًا المحل الوحيد من نوعه، أورانج سكوير متخصص فى البدل الرجالى التوكسيدو والتفصيل، طاقم العمل بتاعهم ودود جدًا، وهـ تلاقى فيه الستايل المودرن والكلاسيك.

 

أميوز – Amuse

تحس أنه عبارة عن متحف أو جاليري أكثر ما منه محل ملابس على الموضة، هـ تلاقى فيه كل حاجة بداية من الملابس والإكسسوار للأعمال الفنية والكتب فى مكان تحس فيه بالراحة والألفة.

 

جاليرى منايا – Mounaya Gallery

كمية الإكسسوارات الجامدة اللى فى جاليري منايا خليت الناس فى كل القاهرة تروحه وتكتشفه، ومن ساعتها بقى وجهة كل محبي الموضة والتألق.

 

سامى أمين – Sami Amin

محلات تتعد على الصوابع فى العاصمة ممكن تقارنها بجودة وتصميمات منتجات سامي أمين من الشنط الجلدية والمجوهرات النحاس، ممكن كمان لو عندك تصميم عاوز تنفذه هـ يعملوه لك فى خلال أسبوعين.

 

إيه بى أن جي ورلد – Abn'G World

واحد من الفائزين اللى "نقيناهم على الفرازة"، إيه بى أن جى ورلد فيه كل حاجة من أثاث لحد إكسسوارات المنزل للتحف الفنية والملابس.

 

تراث – Turath

مكان لبيع المنتجات المحلية المصنوعة يدويًا، تراث اسم على مسمى لأنهم بـ يحافظوا على التراث الثقافى المصري من خلال منتجاتهم، وحسنوا جودتها كمان من خلال تدريب وتعليم الفلاحين اللى بـ يصنعوها.

 

بيمن – Beymen

متميز عن غيره، موجود فى الفورسيزون نايل بلازا، محل تركي هـ تلاقى فيه منتجات وماركات عالية الجودة.

مزيد من الصور
  • جوائز اختيارات محرري كايرو 360 لأفضل مصممى الموضة لعام 2015
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
07/06/2015
-