خمس حاجات ما تعرفش أنها عند أبو عوف - تسوق Feature - كايرو 360
 







خمس حاجات ما تعرفش أنها عند أبو عوف
خمس حاجات ما تعرفش أنها عند أبو عوف
اصدرت في: 19/10/2015

يوم بعد يوم بـ يقدر أبو عوف الرائد في مجال المكسرات أنه يثبّت مكانته في السوق المصري أكثر وأكثر، وسلسلة المحلات المصرية المحبوبة بقيت الوجهة الأساسية لكثير من أهل القاهرة، بس خلينا نبعد شوية عن الفوائد الصحية للمكسرات وأفكارها الجديدة زي الفستق التشيلي واللوز بالباربكيو وعين الجمل المسكّر وحاجات ثانية ونروح لأبو عوف اللي بـ يقدم حاجات ممكن تكون بـ تشوفها لأول مرة.

 


كينوا

طعمها لذيذ واسمها كمان لذيذ، والكينوا خلال السنين الأخيرة قدرت تشتهر بين الناس علشان فوائدها الصحية وتنوع طرق طبخها، تقدر تلاقي كل أنواع الكينوا الأورجانيك في أبو عوف؛ الاسم الشهير ليف جرين Live Green بـ تقدم ألوانه الكينوا الأبيض والأحمر والأخضر، وماركة ثانية شهيرة وهي إيرثلي تشويس Earthly Choice بـ تقدم مكرونة بنّا بالكينوا، شوربة عدس بالكينوا وشوربة خضار بالكينوا، الكينوا تتميز بأنها غنية بالألياف والبروتين والمعادن ومضادات الأكسدة، وهي من الحبوب الكاملة الخالية من الجلوتين -هي مش حبوب بالمعنى التقليدي- وتعتبر خفيفة ومنعشة وسهلة التحضير.

طريقة التحضير: كوبين ماء لكل كوب كينوا في حلة صغيرة لغاية ما المياه تغلي، نغطيها، نقلل الحرارة ونسيبها تغلي على نار هادئة لمدة 15: 20 دقيقة.

 

بذور الشيا

كثير من الناس بـ يشوفوا أنها واحدة من أهم الأكلات الصحية على وجه الأرض، وتشمل فوائد بذور الشيا تغذية الجسم والعقل، وأنها غنية بالأوميجا 3 والبروتين ومفيدة للعظم، أصول الشيا ترجع لجنوب المكسيك وجواتيمالا، ويقال أنها كانت أساسية عند حضارات الآزتيك والمايا، وعلشان البذور دي مش بـ تشرب المياه والدهون، فممكن تستخدم علشان تثقل الصوصات وكمان ممكن استخدامها بدل البيض في وصفات الطبخ.

طريقة التحضير: ممكن تأكل بذور الشيا نيئة أو فيه طرق كثيرة لإدخالها في أكلك اليومي، ضيفها للمربى وعلى السلاطة وللمافينز أو حتى للسموزي بتاعك.

 

قُطيفة

قال الشاعر البريطاني جون ميلتون في ملحمته "الفردوس المفقود": "زهرة القُطيفة الخالدة التي تفتحت يومًا ما في الجنة بجانب شجرة الحياة"، الحبوب اللي فيه منها أكثر من 50 نوع هي أكل العظماء، بس الغريب أنها بدأت تدخل في أكلنا اليومي في آخر كام سنة بس، فيه آراء بـ تقول أنها بـ تمنع السرطان وفيها خصائص مضادة للالتهاب، وأنها مهمة لأصحاب أمراض القلب، البروتين النباتي في القُطيفة له نفس أهمية البروتين الحيواني وممكن كمان يساعد على تخفيض نسبة الكوليسترول في الدم.

طريقة التحضير: أيًا كانت الكمية، نسبة المياه للقُطيفة دائمًا 1.5: 1، اخلطهم في حلّة صغيرة، اغليها، قلل درجة الحرارة وسيبها تغلي ببطء حوالي 20 دقيقة.

 

بذور الكتّان الذهبية

بذور الكتّان الذهبية مليانة بأحماض أوميجا 3 الدهنية والألياف، وفوائد بذور الكتان أكثر بمراحل من زيت الكتان، اللي بـ يدخل في تكوينه بذور الكتان، بذور الكتان كمان مشهورة بأنها مضادة للالتهاب ويقال كمان أنها بـ تقلل من إمكانية حصول السكتات القلبية وممكن كمان يقلل من أعراض انقطاع الطمث زي الهبّات الساخنة، من الصعب تلاقيه في السوبر ماركت على عكس الكتّان البنّي، بس جرّب تأخذ ملعقتين يوميًا وشوف الفرق.

طريقة التحضير: نفس طريقة المريمية، وممكن نستخدم بذور الكتان في كل وجباتنا، يعني مثلاً ممكن نخلطهم مع الحبوب والزبادي أو نستخدمها في المافينز والمخبوزات المختلفة.

 

عسل/ دبس البلح

دبس البلح فيه كل فوائد التمر العادي، بس بـ يكون له خصائص مميزة لما بـ يتركز في شكل عسل/ شراب، أهم استخداماته للناس اللي بـ تعاني من نقص مستوى السكّر في الدم علشان بـ يرفع مستوىات السكر بسرعة، والفضل يرجع لاحتوائه على سكريات أحادية من الجلوكوز والفركتوز، التركيبة دي كمان تنفع لأي واحد عنده حساسية من السكروز أو مشاكل في البنكرياس تمنع عنه هضم السكريات الثنائية بطريقة مناسبة.

طريقة التحضير: في الأساس هو مشروب، فممكن نستخدمه في مليون حاجة؛ ممكن نستخدمه كبديل للمربى أو العسل على العيش، أو نضيفه على الآيس كريم، أو كتحلية طبيعية في الكوكيز، وممكن كمان نستخدمه مع أكلات حادقة.

 

وهنا وصلنا لآخر الحكاية.. أه، لازم نقول لكم كمان أن أبو عوف مش مجرد مكسّرات، الأغذية المجففة عنده حدّث ولا حرج، من الجنزبيل المجفف، للأناناس المجفف، لشرائح الموز المجففة، للقراصية المجففة، للمشمش المجفف ده غير التوت المجفف الخالي من الجلوتين ويشمل توت القوجي، والتوت الأحمر والتوت الأزرق وغيرهم، وكمان تقدر تعمل ميكساتك المفضلة:

- ميكس أوميجا 3: عين الجميل، توت الأحمر.

- ميكس مضادات الأكسدة: لوز، توت أزرق، توت أحمر، كاجو.

- ميكس التخسيس (خام): مشمش، بندق، لوز، كاجو، فستق مقشر.

- ميكس سناك (محمّص): عين جمل، توت أزرق، زبيب، توت أحمر، لوز، فستق مقشر.

- ميكس شهر العسل: توت أزرق، توت أحمر، توت قوجي، تين، لوز، ماكاديميا، عين جمل.

 

علشان تعرفوا أكثر عن منتجات أبو عوف، تقدروا تتابعوا حساب السلسلة على فيسبوك وإنستجرام، أو اتصلوا على 19969.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
19/10/2015
-