عيد الفطر في مصر: هـ تسافر فين في أجازة العيد؟ - معالم وسياحة Feature - كايرو 360
 







عيد الفطر في مصر: هـ تسافر فين في أجازة العيد؟
عيد الفطر في مصر: هـ تسافر فين في أجازة العيد؟
اصدرت في: 27/08/2011

الأيام دي مصر بـ تحتفل بنهاية شهر رمضان وقرب 5 أيام أجازة للعيد، الوقت ده بـ يكون فرصة كبيرة لازم نستغلها ونوضب شنط السفر علشان نروح لأي مكان داخل أو خارج القاهرة، وبالمناسبة دي كايرو عندها عروض كثير لك بداية من شواطىء الساحل الشمالي لحد الفنادق اللي بـ تطل على النيل في الأقصر وأسوان. ونعتقد أن ده توقيت مناسب كمان علشان يكون لنا دور في تنشيط السياحة والاقتصاد في مصر.

 

البحر الأحمر:

 

شرم الشيخ

شرم الشيخ بـ توعد روادها السنة دي بأنوارها البراقة وموسيقاها الصاخبة ومتنزه خليج نعمة المفعم بالحياة وميدان "سوهو" الشيك، فندق نوفوتيل شرم بـ يقدم لك غرفة مزدوجة شاملة بـ 600 جنيه، في حين أن الغرفة المزدوجة في فندق جاز بلفيدير شاملة بـ 640 جنيه، وفي خليج نعمة هـ تلاقي فندق سوفيتيل شرم الشيخ بـ يقدم لك منظر رائع بـ يطل على الخليج بالإضافة إلى 4 شواطئ خاصة وحمام سباحة ضخم، وحجرة مزدوجة بـ 600 جنيه (نصف إقامة).

 

الجونة

منتجع البحر الأحمر عنده اللي يناسب الجميع، سواء العشاء مع الاسترخاء عند المارينا أو الحفلات الحية على شواطئ البحر، بالنسبة لأسعار الإقامة المعتدلة الغرف المزدوجة في منتجع الـ ثري كورنرز ريحانا بـ 602 جنيه (سعر غرفة وأفطار فقط)، في حين أن دوار العمدة في كفر الجونة بـ يقدم نفس العرض لكن بـ 700 جنيه للمصريين (سعر غرفة وأفطار فقط)، والسعر للأجانب 859 جنيه، فندق موفنبيك الجونة بـ يقدم غرف مزدوجة بـ 500 جنيه للفرد (سعر غرفة وأفطار فقط).

الجونة كمان مولعاها السنة دي بحفلاتها في العيد، منها حفلة على حمام السباحة في كلوب 88 (كلوب 360 سابقًا) يوم الأربعاء الموافق 31 أغسطس هـ يحييها الثنائي دي جي كلوب كالوا مايكونوس والأخوان أوادي، الحفلة هـ تبدأ الساعة واحدة ظهرًا، للحجز اتصل: 0100290509، أو 0122885077.

 

سهل حشيش

المنتجع بـ يبعد عن الجونة مسافة نصف ساعة، سهل حشيش واحدة من أحدث شواطىء مصر ظهورًا على الساحة، هناك هـ تستضيف الشواطئ حفلة صيف تكنيكولور يوم الجمعة الموافق 2 سبتمبر، الحفلة من تنظيم شركة «إيفنتس ريبابليك - Events Republic» وهـ يكون فيها دي جي عمر حسني، دي جي تيتو، نور عاشور، والديجيتال مونكيز وهـ تبدأ وقت الظهيرة وتنتهي الساعة 10 بالليل، ممكن تحجز تذكرتك من خلال موقع تذكرتي، وفيه أتوبيسات بـ تتحرك كل 40 دقيقة من أماكن في كل من الجونة والغردقة.

وبالنسبة للإقامة هناك فندق بريميير رومانس بـ يقدم غرفة مزدوجة فاخرة بسعر 600 جنيه، في حين أن سعر الغرفة المزدوجة في فندق بريميير لو ريف بـ 1000 جنيه، وبرضه ممكن تحجز الغرف من خلال موقع تذكرتي.

 

الغردقة

أكثر مكان الرجل كثيرة عليه، كل حاجة مميزة بداية من مطاعمه على المارينا لحد جزيرة الجفتون الجميلة اللي بـ تبعد عن عن الساحل بساعة، وكمان الحياة النابضة في أماكنها بالليل منها بار وشاطئ هيد كاندي ومنستري أوف ساوند في كلوب البحر الأحمر. فندق الهيلتون لونج بيتش بـ يقدم لك غرفة مزدوجة شاملة بسعر 950 جنيه لوحدة بـ تطل على البحر، أما الوحدة اللي بـ تطل على الجنينة بـ 850 جنيه، في حين أن فندق بيراميزا بلو لاجون بـ تقدم أسعار معتدلة أكثر للغرفة بـ 760 جنيه شاملة، ولكنها للأسف كاملة الحجز لحد 2 سبتمبر.

 

مرسى علم

لو نفسك في عشوة حلوة 5 نجوم وسط الشواطئ البيضاء وأشجار المانغروف وأحلى شعب مرجانية في العالم، مرسى علم هو المكان المناسب لك، للإقامة جرب شاطئ يوتوبيا أو مركز غطس دييب ساوث، أو ممكن تروح موفنبيك القُصير بـ 242 جنيه (سعر غرفة وأفطار فقط).

 

نويبع

لو نفسك رايحة لشواطئ تقدر تسترخي فيها في أكواخ بسيطة جرب واحدة من المخيمات اللي بـ نرشحها لك: بساطة، أناندا، باكراج3، سوفت بيتش، فريدام كامب، ذا جود لايف، عدن. ولو مُصر أنك متمسك بالإقامة في فندق ومش عاوز تجرب عندك قرية حبيبة اللي هـ توفر لك غرفة مزدوجة تبدأ من 176 جنيه للفرد (سعر غرفة وأفطار فقط) وفندق موفنبيك ريزورت طابا الغرفة عنده بـ 389 جنيه شاملة.

ولو أنت مخطط تقضى يوم في قلعة زمان خليك حريص أنك تكلمهم في التليفون قبلها بيوم علشان تحجز العشاء المشوي المميز بتاعهم لأنهم بـ يكونوا محجوزين بالكامل في أجازات الأعياد، الحد الأدنى للطلبات هناك 120 جنيه، ولازم تروج تدفع أول ما توصل وإلا مش هـ تحسب أنك حاجز معاهم.

 

دهب

لو الغطس والقعدة على مخدات على البحر ده مزاجك، دهب المكان اللي ممكن تلاقيه مليان بأماكن مطاعم ومراكز غطس، فندق الأيبروتل بـ يقدم سعر غالى للغرفة للمصريين بسعر 750 جنيه (نصف إقامة)، في حين أن السعر للأجانب 875 جنيه، لكن لو عاوز اختيار أقل سعرًا جرب لارين بسعر 150 للمصريين (نصف إقامة)، وللأجانب 875 جنيه.

 

الساحل الشمالي

مسافة ساعتين ونصف من القاهرة هـ تلاقي بحر الساحل الشمالي موازي منتجعات وفنادق كثيرة قوي، هناك هـ تقدر تستمتع بالرمال البيضاء وموج البحر الأبيض المتوسط.

لو بـ تدور على فندق ننصحك تجرب فندق العلمين فى ماراسي (سيدي عبد الرحمن سابقًا) واحدة من أجمل الخلجان على شواطئ الساحل الشمالي، الغرفة المزدوجة هـ تكلفك ما بين 2300 جنيه و2600 جنيه، وفيلا لثلاثة أفراد بـ 4500 جنيه.  

ولو توغلت شوية في الساحل خليج غزالة بـ يقدم عرض شاليه غرفتين بـ 1000 جنيه، في حين أن الغرفة المزدوجة تكلف 1550 جنيه، منتجع شاطئ جاز ألماظة بـ يقدم غرف مزدوجة بـ 1800 جنيه (سعر غرفة وأفطار فقط) ويستحق أنك تقطع له مسافة علشان عنده حمامات سباحة، مساحة كبيرة للشاطئ وأنشطة على البحر متعددة.

ولو أنت شاب بتاع مارينا، جرب مارينا أوشن بلو  اللي فيها حجرة لـ 4 أفراد بـ 3000 جنيه (سعر غرفة وأفطار فقط)، الفندق كامل الحجز لحد 2 سبتمبر، وكمان بورتو مارينا كاملة الحجز لحد 2 سبتمبر برضه، بأسعار 1700 جنيه للغرفة المزدوجة بـ تطل على حمام السباحة، أو 2500 جنيه لغرفة مزدوجة بـ تطل على البحر.

قرية المنتزة بـ تقدم أسعار معتدلة عن الأماكن الثانية، سعر الشقة هناك بـ 450 جنيه في اليوم، أو ممكن تحجز شاليه بـ يطل على حمام السباحة بـ 392 جنيه، لمزيد من المعلومات اتصل: 0464102333 ، وقرية اللوتس بـ تقدم شالية فيه غرفتين نوم بـ 750 جنيه، والفيلا الدوبلكس بـ 950 جنيه، للحجز اتصل: 0116658193.

 

الأقصر وأسوان

بـ تفكر تغير وتتجه للجنوب؟ أسوان مكان جذاب بفنادقه اللي بـ تطل على منظر النيل الخلاب والمعابد الفرعونية العظيمة، فندق بسمة بـ يقدم غرفة مزدوجة بـ 500 جنيه للمصريين وبسعر 595 للأجانب، في حين أن منتجع موفنبيك بأسوان بـ يقدم غرفة مزدوجة بـ 275 جنيه للفرد (نصف إقامة).

فندق جزيرة بيراميزا إيزيس بـ 200 جنيه للغرفة المزدوجة، وممكن كبديل برضه تروح الفندق النوبي الجميل أناكاتو بسعر 691 جنيه للغرفة المزدوجة (نصف إقامة) وتقدر تحجز عن طريق الإنترنت بسهولة.

ولو بتفضل جزر الأقصر الخضراء أكثر ومنظر الغروب على النيل جرب فندق سونستا سانت جورج بـ 380 جنيه للغرفة المزدوجة (سعر غرفة وأفطار فقط) للمصريين، وللأجانب السعر 476 جنيه، فندق جزيرة ماريتيم جولي فيل كينجس بـ يقدم غرفة مزدوجة بـ 550 جنيه، في حين أن الغرف المفردة سعرها 460 جنيه.

 

القاهرة

ما عندكش خطط وحابب تقضي العيد في كايرو؟ مافيش مشكلة، هـ تلاقي برضه عروض كثيرة مغرية تخليك مبسوط: فندق النيل كامبينسكي بـ يقدم عرض بداية من 30 أغسطس حتى 1 سبتمبر هـ يقضي فيه الزوار إقامتهم في غرفة بـ 300 جنيه مع السبا، ومطعم بلو هت يقدم بوفيه أفطار للعيد بـ 179 جنيه، وبوفيه ثاني أوربي طوال اليوم بـ 269 جنيه.

في هليوبوليس فندق فيرمونت عنده عرض للعيد بـ 890 جنيه للغرفة المفردة، وبسعر 990 جنيه للمزدوجة شاملة الأفطار وخصم 20% على كل الوجبات، فندق هوليداي إن سيتي ستارز بـ يقدم غرفة مزدوجة بـ 350 جنيه للفرد (سعر غرفة وأفطار فقط).

في جاردن سيتي فندق الفور سيزونس نايل بلازا بـ يتميز بغرفة بتطل على النيل بـ 1777 جنيه شاملة خدمة الغرف لو حابب تأكل من أي مطعم، سبا خاص، وأفطار في السرير، العرض ده متوفر من 30 أغسطس حتى آخر شهر سبتمبر.

وأخيرًا فندق سميراميس أنتركونتيننتال بـ يقدم أقامة لمدة ليلتين بـ 1999 جنيه (نصف إقامة)، وغذاء عائلي في مطعم نايت أند داي بـ 350 جنيه لفردين بالغين وطفلين.

 

يا رب أجازة سعيدة وسفر آمن، كل عيد وأنتم طيبين.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
ثريا مرايف
حرر بواسطة:
ثريا مرايف
تاريخ النشر:
27/08/2011