دليل كايرو 360 للسفر في عيد الفطر 2012 - معالم وسياحة Feature - كايرو 360
 







دليل كايرو 360 للسفر في عيد الفطر 2012
دليل كايرو 360 للسفر في عيد الفطر 2012
اصدرت في: 16/08/2012

الحاجة الوحيدة اللي ممكن تكون أحسن من أجازة نهاية الأسبوع المعتادة هو أجازة العيد اللي هـ تستمر 5 أيام! ومع احتفال القاهريين بنهاية رمضان الكل بـ يستعد للسفر والانطلاق للاستمتاع بشوية شمس على الشاطئ. لو لسه ما قررتش أنت عاوز تروح فين وإزاي هـ تقضي أجازتك، بـ نقدم لك هنا شوية اختيارات.

شرم الشيخ

المدينة المطلة على البحر الأحمر كانت يوم من الأيام صحراء جرداء مافيهاش غير شوية بيوت هنا وهناك، إنما النهاردة ما تقدرش تواجه كم الصخب والطاقة الموجودة في النوادي الليلية المليانة على آخرها بزوار عايزين يستمتعوا بوقتهم.

لو بـ تدور على أجازة تقضي فيها ليلتك في حالة رقص مستمر، يبقى غرفة في فندق "ليبروتيل ليدو" في خليج نعمة هـ تبقى اختيار ممتاز. مع إطلالة مبهرة على الخليج، الفندق يعتبر واحد من الاختيارات المفضلة دائمًا عند كل مرتادي شرم الشيخ. العيد ده، سعر الغرفة المزدوجة (هاف بورد) بـ900 جنيه فى الليلة. لمزيد من المعلومات زور الموقع الرسمي للفندق.

"نبق" بـ تقدم تجربة ثانية رائعة في شرم الشيخ. في طريق السلام هـ تلاقي المنطقة الجديدة من المدينة مش سياحية قوي، على الرغم أنها ما تقلش جاذبية. لاجونا فيستا بـ يوفر مجموعة متنوعة من اختيارات الإقامة بغرفة عادية بـ تبدأ من 669,25 جنيه لليلة (مبيت وإفطار). للحجز أونلاين اضغط هنا.

وسيلة ثانية للاستمتاع بشرم الشيخ هو أنك ترمي نفسك في أحضان عالم الخمس نجوم بفندق "الفورسيزونز". بموقعه الفريد على هضبة بـ تطل على منظر خلاب للبحر، المنتجع ده هـ يوفر لك كم من الدلع والمعاملة الملكية مش هـ تتخيله. أول ما تخش المكان هـ يبقى صعب حاجه تخليك تخرج. الأسعار للمصريين بـ تبدأ من 1450 جنيه (شاملة الضرائب) للغرفة الديلوكس، والأجانب 335 دولار (بدون ضرائب). الأسعار دي شاملة المبيت والإفطار.

سيناء

يمكن يكون الجو حر شوية على أن الواحد يروح وييجي ويعمل كامبينج، بس مع السماوات اللي مالهاش مثيل، والشواطئ والهدوء اللي بـ توفره سيناء، الحر مش هـ يكون مشكلة قوي. الرحلة ما بين طابا ونويبع مليانة بـ Camps متنوعة تقدر تختار منها. إلا أن العيد ده مخيم المعجنة زود أسعاره عن المعتاد. كوخ جنب الجبل بـ يكلف 300 جنيه لشخصين (هاف بورد)، وكوخ على الشاطئ بـ يتراوح سعره بين 200: 250 جنيه لشخصين (هاف بورد)، زور موقعهم الإلكتروني لمزيد من المعلومات.

مكان ثاني معروف أكثر هو "بساطة"، الأسعار زي ما هي 400 جنيأتتته لشاليه لـ 3 أفراد، و70 جنيه كوخ لفردين. الأجانب اللي مش عايشين في مصر بـ يتحاسبوا بأسعار مختلفة وباليورو. زور موقعهم الإلكتروني لمزيد من المعلومات.

الجونة

مدينة ظهرت من اللاشيء فعلاً! الجونة قدرت أنها تفرض وجودها ومكانتها على الساحة، وده خلاها تجذب عدد كبير من السكان المحليين والأجانب اللي تشجعوا ينتقلوا للإقامة هناك بشكل دائم. أما بالنسبة للناس اللي رايحين في العيد، فالاختيارات متعددة. نبدأ بأكثرهم تكلفة: منتجع شتايجينبيرجر جولف الفخم Steigenberger Golf Resort بـ يقدم إقامة في غرفة مزدوجة هاف بورد بـ 1100 جنيه، فى حين على المارينا الجديدة "موزايك" بـ يقدم الغرفة بـ800 جنيه مبيت وإفطار، أما "كابتنز إن" بـ يقدم سعر أرخص (600 جنيه) للغرفة المزدوجة، وبرضه مبيت وإفطار.

طريقة ثانية تقضي بها أجازتك في الجونة أنك تأجر شقة أو بيت. بحد أدنى 7 أيام ممكن تأجر بيت بحمام السباحة أو شقة لها تراس واسع. الجونة بـ تحتوي على تصميمات تعتبر أكثر تصاميم معمارية مودرن في مصر، وده أكيد هـ يوفر لك مجموعة اختيارات مش هـ تقدر تقاومها. الأسعار بـ تتراوح ما بين 1000 و2000 يورو. ممكن تتفرج على الاختيارات وتحجز أونلاين هنا.

لمزيد من المعلومات ولقائمة كاملة بفنادق الجونة زور الموقع الإلكتروني الرسمي للمدينة.

سوما باي

إضافة جديدة للمنتجعات المصرية، "سوما باي" بـ يركز على الاسترخاء، اللياقة، والصحة. لو بـ تدور على طريقة تشحن بها بطاريتك وتنقي جسمك في أجازة العيد، يبقى هو ده المكان اللي المفروض تروح له.

لاريزيدنس دي كاسكيد La Résidence des Cascades بـ يوفر الهدوء والمنظر الخلاب مع المنتجعات الصحية وجلسات الاستشفاء المحترفة. غرفة مزدوجة هاف بورد بـ تكلف 1200 جنيه على الرغم من أن جلسات السبا لها حسابات ثانية. لو حابب تحافظ على صحتك بممارسة الرياضات المائية براكرز دايفينج أند سيرفنج لودج يعتبر وجهة الغواصين وممارسي رياضة ركوب الأمواج Windsurfing والتزلج الشراعي على الماء طول مدة العيد، الإقامة في غرفة مزدوجة هاف بورد بـ تكلف 112 يورو لليلة واحدة.

الساحل الشمالي

تقريباً الساحل على آخره العيد ده، إلا أن في اختيار واحد لسه متبقي لو عاوز تكون موجود في الأجواء الاحتفالية الموجودة على ساحل البحر المتوسط.. "جاز أورينتال كلوب" موجود على طريق الساحل وبـ يتمتع بشواطئ مميزة وديكورات داخلية راقية، ويستاهل أنك تسوق لحد عنده شوية زيادة. باقة المبيت والإفطار لغرفة مزدوجة بـ 2.400 جنيه.

عيد سعيد عليكم.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
16/08/2012
-