من القاهرة لبيروت: باريس الشرق الأوسط بميزانية معقولة - معالم وسياحة Feature - كايرو 360
 







من القاهرة لبيروت: باريس الشرق الأوسط بميزانية معقولة
من القاهرة لبيروت: باريس الشرق الأوسط بميزانية معقولة
اصدرت في: 09/06/2013

"جوهرة الشرق" أو "باريس الشرق الأوسط"، سميها زى ما تحب؛ زيارة لبنان هى الحل المثالى لكثير من أهل القاهرة اللى تعبوا من التلوث، أو نقص المساحات الخضراء. ورغم أنك تحسها على بعد ملايين الأميال، وقت الرحلة المباشرة تقريبًا أقل من ساعة رايح أو راجع، وبسبب فرق التوقيت، مافيش وقت بـ يضيع فى السفر. مصر للطيران بـ تنظم رحلات منتظمة رايح وراجع بحوالى 2000 جنيه.

علشان تستمتع بالمناظر من الطائرة، احجز وأنت رايح على الجانب الشمال، والجانب اليمين وأنت راجع، سواء الصبح أو بالليل- هـ تشكرنا على المعلومة لما تشوف الفرق.

التعامل مع بيروت بعد حياة طويلة فى القاهرة ممكن يسبب خلل لحسابك فى البنك، ده طبعًا غير الارتباك اللى بـ يحصل للزوار الجدد بسبب التعامل بعملتين، الليرة اللبنانى والدولار الأمريكى. عمومًا، الموضوع المادي لازم ما يتعارضش مع استمتاعك بوقت رائع فى عاصمة لبنان، طول ما أنت مجهز نفسك بشوية معلومات مفيدة، مافيش سبب يمنعك من قضاء وقت جميل، حتى لو بميزانية محددة.

اختيار المكان فى بيروت أصبح أسهل بداية من سنة 2010 بالنسبة لموضوع الميزانية، بعد ما فتح سكن رخيص بـ تديره عائلة هو Saifi Urban Gardens فى الجميزة. ومن يومها وبقى السكن ده محبوب من كل زوار المدينة اللى بـ يقابلوا بالترحيب فيه، وبـ يقدم لهم كل وسائل الراحة، منها كافيه، وبار وحتى دروس لغة عربية لو حبيت. تكلفة الغرفة فى اليوم الواحد حوالى 125 جنيه مصرى، شاملة Wi-Fi وإفطار. فندق طلال يعتبر اختيار ثانى قريب، وبنفس السعر تقريبًا. كثير من الفنادق الرخيصة فى منطقة الحمراء بـ يحددوا السعر على حسب الجودة، بس فندق Mayflower يعتبر مكان لطيف وسعر الليلة فيه 500 جنيه.

تعتبر بيروت مدينة صغيرة حجمًا؛ تقدر تقطع مناطقها الرئيسية مشي في حوالي 40 دقيقة، وبكده تقدر تلفها فى وقت بسيط بالمقارنة بالمدن الكبيرة زى القاهرة. بس عمومًا، بيروت لها أسلوبها اللي ممكن يكون فوضوي في أوقات.

التاكسى متوفر فى بيروت، بس خلي بالك أن الأجرة غالبًا فيها فصال. النوع ده من المواصلات يعتبر غالي شوية بالمقارنة بحاجات أرخص، يعني ممكن تركب "سرفيس" بـ 9 جنيه. النوع ده من المواصلات بـ يركب زبائن ثانية فى نفس الوقت، الشئ الغريب اللي بـ يتكرر كثير أنك تلاقيهم بـ يهزوا دماغهم أو بـ يطقطقوا بلسانهم- وهى دى طريقتهم فى الرفض؛ ما تستغربش لو قضيت نصف ساعة كاملة بـ تلف الشوارع علشان تلاقى سرفيس.

بيروت كمان فيها خدمة أوتوبيسات مناسبة لها خطوط سير معروفة بأرقام واضحة، سعر التذكرة 4.5 جنيه. خلى بالك أننا لما نقول أوتوبيس، ده معناه ميكروباص أو مينى باص، على حسب حظك.

أحسن طريقة تشوف بيها بيروت وتعرف تاريخها الرائع هى عن طريق رحلة مع Walk Beirut بسعر 139 جنيه، وتعتبر طريقة أحسن من قضاء الوقت وسط متاحف بيروت. وسط الطريق، أكيد هـ تحس بانبهار من روعة المعمار، التاريخ والدين فى المدينة؛ مرشدنا السياحى الخبير كمان فهمنا آخر الأحداث السياسية عن طريق الجمع بين المعلومات والحكايات الظريفة.

اوعى تفوت فرصة مشاهدة المساجد والكنائس، اللى بـ يقدموا معرفة رائعة لتاريخ المدينة القديم. المعارض الفنية والأفلام طريقة اقتصادية لتقضية الوقت زيها زى القاهرة. وعلشان طبعًا مافيش عندهم "بيروت 360"، استخدمنا بدلاً منه تايم أوت بيروت لمعرفة أجدد الفعاليات والمقالات النقدية.

بلاش تضيع وقتك فى البحث عن السوق القديم علشان واضح أنهم بنوا مول مكانه، واسمه برضه "السوق". المنطقة دى مع الشوارع المؤدية لميدان Place d'etoile، بـ تمثل وسط البلد- والمكان ده أعيد بناؤه بمواصفات عالية بعد الحرب لدرجة أنه بـ يعرض ساعة برج رولكس.

خلال السنين الأخيرة، كون الجانب الشرقى من بيروت شهرة بصفته منطقة الحفلات، وطبعًا شوارع جميزة الجميلة بـ تبقى مليانة ناس لطيفة كل ليلة، ولو عاوز مكان يشبه لوسط البلد فى القاهرة، هـ تحتاج تروح الحمرا. منطقة الحمرا دائمًا زحمة وفيها حاجات كثير تتعمل؛ تقدر تختار من بين أماكن أكل وشرب رخيصة موجودة بكثرة، بس أجمد محلاتها مش هـ تلاقيها فى الشارع الرئيسى، فاعمل حسابك تستكشف المنطقة، نصيحة: ركز على الحارات. الحفلات الشاطئية كمان خاصية مهمة فى حياة بيروت الليلية، بس خلى بالك أنك محتاج رسم دخول أكثر من 200 جنيه فى أيام الويك إند.

القاهرة بـ تقدم مطاعم لبناني أصلية بمعنى الكلمة، ولما تحب تجرب الطعم اللبنانى فى بلده الحقيقية، الموضوع هـ يكلفك. بعيدًا عن الحمرا فى وسط البلد، ممكن تجرب المناطق المتطرفة لو حبيت توفر شوية. "دورا" على سبيل المثال، واحدة من الأحياء الأرمينية بـ تقدم فلافل روعة بسعر معقول. ما تنساش تجرب المناقيش من البائعين الموجودين فى الشوارع، طريقة ممتازة تشبعك وسعرها 4.50 جنيه بس.

لازم تتفرج على شاطئ بيروت؛ تمشية على الكورنيش مالهاش مثيل وفى أخرها هـ تقابلك صخرة الروشة المعروفة. فكرة لطيفة أنك تأجر مركب تشوف به المعجزات الجيولوجية، بس اعمل حسابك أن هى شركة واحدة المسؤولة عن الموضوع ده، فاستعد لعملية فصال طويلة، كذا سبب يدفعنا ما ننصحش بشواطئ بيروت سواء العامة أو الخاصة. تقدر بدل الشواطئ دي تأخذ الباص لمدة نصف ساعة لغاية بيبلوس، بلد لطيفة تتمشى وتأكل فيها، وكمان شواطئها فيها ميزتين: روعة المنظر و ببلاش.

فى النهاية، حتى مع سحرها وجمالها، بيروت لسه محتفظة بطابعها الأصيل وأنشطة أسعارها مناسبة. عوامل الألفة دى بـ تساعد على سرعة التعود على جو المدينة، بس كل ما تستكشف أكثر هـ تقدر تشوف كنوز تعجب حتى المسافرين الصعب إرضائهم.

مزيد من الصور
  • من القاهرة لبيروت: باريس الشرق الأوسط بميزانية معقولة
  • من القاهرة لبيروت: باريس الشرق الأوسط بميزانية معقولة
  • من القاهرة لبيروت: باريس الشرق الأوسط بميزانية معقولة
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
إيميلي رايت
حرر بواسطة:
إيميلي رايت
تاريخ النشر:
09/06/2013