شرم الشيخ: ترفيه لكل أفراد الأسرة على البحر الأحمر فى مصر - معالم وسياحة Feature - كايرو 360
 







شرم الشيخ: ترفيه لكل أفراد الأسرة على البحر الأحمر فى مصر
شرم الشيخ: ترفيه لكل أفراد الأسرة على البحر الأحمر فى مصر
اصدرت في: 15/05/2014

أول حاجة تخطر على بالك لما تفكر فى شرم الشيخ غالبًا تختلف من واحد للثانى على حسب نوع الأنشطة اللى عاوز يعملها هناك، بس فيه حاجة واحدة أكيدة، فى شرم الشيخ فيه حاجة مناسبة لكل واحد.

فى شبه جزيرة سيناء، شرم الشيخ أصبحت أهم مقصد سياحى فى مصر والعالم العربى. مكان ممتاز لكل عشاق الاستمتاع بالشمس وسط الحر، حمام شمس وسط الرمال الذهبية والسباحة وسط الشعب المرجانية الساحرة والحياة البحرية المبهرة. بجو دافئ طوال السنة وجو سخن جدًا فى شهور الصيف بدرجات حرارة توصل للأربعينات، أكيد البحر وحمامات السباحة هـ يسحروك.

البحر الأحمر يعتبر أهم عوامل الجذب فى شرم الشيخ وطبعًا ده مفهوم؛ موطن مجموعة من الكائنات البحرية الجميلة اللى بـ تتعايش بشكل طبيعى جدًا بشكل مبهر وسط استمتاع الناس بالسنوركلينج على مسافة قريبة منهم. أول ما تشترى ماسك، تقدر تستمتع بآلاف المناظر البحرية بنفسك، أو كثير من الرحلات السياحية اللى بـ توفرها شرم الشيخ.

الرحلات مش بس سنوركلينج. شرم الشيخ فيها اختيارات ثانية منها رحلات غطس، ركوب جمل وركوب الدراجات الرباعية. كل الأنشطة دى وعلى غير المتوقع أسعارها مش غالية للدرجة. معظم الفنادق حتى بـ توفر عروض رحلات بدل ما تدور عليهم بنفسك.

خليج نعمة والسوق القديم بـ يقدموا أماكن كثيرة للأكل طوال اليوم وفى ساعات السهرة وكمان طرق ثانية للتسلية. مجموعة كبيرة من مطاعم الفاست فوود منهم ماكدونالدز، وبيتزا هت ودجاج كنتاكى، مع كافيهات ومطاعم بـ تقدم تقريبًا أى مطبخ يخطر على بالك.

باشا، وليتيل بودا وسبيس من بين النوادى الليلة الكتيرة لتقضية ليلة فى الرقص والاحتفال، وكل واحد منهم بـ يقدم ديجيهات محلية وعالمية. شرم كمان فيها مجموعة ضخمة من الفنادق والشقق قريبين من الشواطئ، والمطار نفسه على بعد خمس دقائق من وسط البلد. اختيار الفندق ممكن تشوفه مهمة صعبة، بس بمساعدة الريفيهوات الموجودة أونلاين، ومواقع السفر وحجز الفنادق زى www.booking.com الموضوع دلوقت أسهل كثير.

لو كنت مسافر من القاهرة لشرم، عندك طريقتين: طيارة بـ تأخذ أقل من ساعة وتكلفتها حوالى 400 جنيه من غير الضرائب، أو تقدر تحجز أوتوبيس أرخص كثير (التذكرة حوالى 70 جنيه) بس طبعًا أقل كثير من ناحية الراحة والرحلة حوالى سبع ساعات.

المواصلات فى شرم الشيخ دائمًا موجودة. دائمًا تقدر تلاقى تاكسى فى أى مكان، بس زوار شرم لازم يأخذوا بالهم من النصب. طريقة ثانية هى الميكروباص الموجود فى أوقات كثيرة، وسعره رخيص جدًا (1 جنيه) من زحمة وحيوية خليج نعمة لغاية السوق القديم، والاثنين مكانين ممتازين للتسوق بالنهار وشراء الهدايا.

المدينة المتنوعة تعتبر متعة بصرية من كل الزوايا؛ مزيج من صحراء، وجبال وبحر بـ يقدموا منظر خلاب يمكنك من تصوير صور هائلة لألبوم الأجازة.

المكان يعتبر مثالى لأى شخص عاوز يزور منطقة مصرية مختلفة عن الحياة المصرية التقليدية بهدف تقضية أجازة ممتعة ومريحة. الأوربيين اللى عاوزين يقضوا أجازة مختلفة شوية وفى نفس الوقت تتمتع بكل الرفاهية المريحة الموجودة فى كل المنتجعات الأوربية بـ ينصحوهم بشدة بزيارة شرم، وكمان للمصريين اللى نفسهم يجربوا حاجة مختلفة من غير مشاكل وتكاليف السفر بره البلد.

المدينة المشمسة مليانة ناس ودودين عندهم حسن الضيافة وتقديم المساعدة اليومية للسياح من شرقها لغربها. بعد أول زيارة لشرم الشيخ بـ تفهم ليه الناس دائمًا بـ ترجع ثانى.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كاتى درايدن
حرر بواسطة:
كاتى درايدن
تاريخ النشر:
15/05/2014
كاتبة - فنانة بريطانية بـ تسافر كثير وبـ تحب تستكشف أماكن وثقافات جديدة كلما كان فيه فرصة متاحة.